Odisha Janamata : ନଅ ବର୍ଷର ବାଳକ ଭାଗବତ ଗୀତା ଓ ପାଣିନୀୟ ଙ୍କ ସୂତ୍ର ରେ ଚମକାଇ ଦେଇଛନ୍ତି ||

ନଅ ବର୍ଷର ବାଳକ ଭାଗବତ ଗୀତା ଓ ପାଣିନୀୟ ଙ୍କ ସୂତ୍ର ରେ ଚମକାଇ ଦେଇଛନ୍ତି ||

27-Sep-2026

ଭଗବଦ୍‌ ଗୀତା ପାଞ୍ଚ ବର୍ଷରେ , ନଅ ବର୍ଷରେ ୪ ହଜାର ପାଣିନି ସୂତ୍ର ମୁଖସ୍ଥ |

ଓଡିଶା ଜନ ମତବ୍ୟୁରୋ,

ଅଧିକାଂଶ ବ୍ୟକ୍ତି ତାଙ୍କ ପିଲାମାନଙ୍କୁ ସଂସ୍କୃତ ଶିକ୍ଷା ରୁ ଦୁରେଇ ଦେଉଥିଲେ ମଧ୍ୟ ପାଞ୍ଚ ବର୍ଷ ର ବାଳକ ସଂକୃତ ରେ ପାଣ୍ଡିତ୍ୟ ଅର୍ଜନ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି | ବୃଷବର୍ଦ୍ଧନ ଶର୍ମା ୫ ବର୍ଷ ବୟସରେ ସମ୍ପୂର୍ଣ୍ଣ ଭଗବଦ୍‌ଗୀତାର ୭୦୦ ଶ୍ଲୋକ ମୁଖସ୍ଥ କରିଥିଲେ ।
ବୟସ ମାତ୍ର ୯ ବର୍ଷ, କିନ୍ତୁ ସଫଳତା ଚମକାଇ ଦେବା ଭଳି । ବେଙ୍ଗାଲୁରୁର ହୋମ୍‌ସ୍କୁଲିଂ ଛାତ୍ର ବୃଷବର୍ଦ୍ଧନ ଶର୍ମା ୫ ବର୍ଷ ବୟସରେ ସମ୍ପୂର୍ଣ୍ଣ ଭଗବଦ୍‌ଗୀତାର ୭୦୦ ଶ୍ଲୋକ ମୁଖସ୍ଥ କରିଥିଲେ ।
ଏହା ପରେ ୮ ବର୍ଷ ବୟସରେ ପାଣିନିଙ୍କ ଅଷ୍ଟାଧ୍ୟାୟୀର ପ୍ରାୟ ୪ ହଜାର ସୂତ୍ର ସହ ଅମରକୋଷ ମଧ୍ୟ ମୁଖସ୍ଥ କରିଛନ୍ତି । ଚଳିତ ବର୍ଷ କାଞ୍ଚିପୁରମ୍‌ରେ ଅନୁଷ୍ଠିତ ୬୩ତମ ଅଖିଳ ଭାରତୀୟ ଶାସ୍ତ୍ରୋତ୍ସବରେ ଅଷ୍ଟାଧ୍ୟାୟୀ କଣ୍ଠପାଠ ବର୍ଗରେ ପ୍ରଥମ ସ୍ଥାନ ହାସଲ କରିଛନ୍ତି ।
କେବଳ ସଂସ୍କୃତ ଶିକ୍ଷାରେ ନୁହେଁ, ଟେକ୍ନୋଲୋଜିରେ ମଧ୍ୟ ନିଜ ପ୍ରତିଭା ଦେଖାଇଛନ୍ତି ବୃଷବର୍ଦ୍ଧନ । ସେ ‘ଗୀତାବର୍ଦ୍ଧନ’ ନାମରେ ଏକ ମାଗଣା ଅଫ୍‌ଲାଇନ୍ ଆପ୍‌ ତିଆରି କରିଛନ୍ତି । ଏଥିରେ ୧୩ଟି ଭାରତୀୟ ଭାଷାରେ ଭଗବଦ୍‌ଗୀତା, ସଂସ୍କୃତ ଶ୍ଲୋକ, ଅଡିଓ ପାଠ ଏବଂ ବିଭିନ୍ନ ଟିକା ରହିଛି ।
ବିଶେଷ କଥା ହେଉଛି, ଆପ୍‌ଟି ବ୍ୟବହାର ପାଇଁ ଇଣ୍ଟରନେଟ୍‌ର ଆବଶ୍ୟକତା ନାହିଁ । ସେ ନିଜେ ଇ-ଇଙ୍କ୍‌ ସ୍କ୍ରିନ୍‌, ଟଚ୍‌ସ୍କ୍ରିନ୍‌ ଓ ଭଏସ୍‌ କଣ୍ଟ୍ରୋଲ୍‌ ଥିବା ଛୋଟ ଗୀତା ରିଡର ଡିଭାଇସ୍‌ ମଧ୍ୟ ତିଆରି କରିଛନ୍ତି । ପ୍ରାଚୀନ ସଂସ୍କୃତ ଜ୍ଞାନ ସହ ଆଧୁନିକ ପ୍ରଯୁକ୍ତିର ଏହି ଅନନ୍ୟ ମିଶ୍ରଣ ଏବେ ୯ ବର୍ଷୀୟ ବୃଷବର୍ଦ୍ଧନଙ୍କୁ ଚର୍ଚ୍ଚାରେ ଆଣିଛି