Odisha Janamata : ପଞ୍ଚ ଭୁତରେ ବିଲୀନ ହେଲା ମନ ମୋହନ ସିଂହ ଙ୍କ ପାର୍ଥିବ ଶରୀର ||

ପଞ୍ଚ ଭୁତରେ ବିଲୀନ ହେଲା ମନ ମୋହନ ସିଂହ ଙ୍କ ପାର୍ଥିବ ଶରୀର ||

28-Dec-2024

ପଞ୍ଚଭୂତରେ ବିଲୀନ ହେଲେ ମନମୋହନ ସିଂହ ଙ୍କ ପାର୍ଥିବ ଶରୀର ପଞ୍ଚ ଭୁତରେ ଲିନ ହେଲା ,

ଓଡିଶା ଜନମତ ବ୍ୟୁରୋ ,

ନୂଆଦିଲ୍ଲୀ, ୨୮/୧୨: ପୂର୍ବତନପ୍ରଧାନମନ୍ତ୍ରୀ ମନ ମୋହନ ସିଂହଙ୍କ ଶେଷକୃତ୍ୟ ସଂପନ୍ନ ହୋଇଛି। ପଞ୍ଚଭୂତ ରେ ବିଲୀନ ହୋଇଛି ତାଙ୍କର ପାର୍ଥିବ ଶରୀର। ନୂଆଦିଲ୍ଲୀର ନିଗମବୋଧ ଶ୍ମଶାନରେ ତାଙ୍କର ଶେଷକୃତ୍ୟ କରାଯାଇଛି। ସଂପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦାରେ ତାଙ୍କର ଶେଷକୃତ୍ୟ କରାଯାଇଛି। ତିନି ସେନା ପକ୍ଷରୁ ଦିଆଯାଇଥିଲା ତୋପ ସଲାମି । ନିଗମବୋଧ କୁ ଆସିଶେଷଦର୍ଶନକରିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ମୋଦି, ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ଅନ୍ୟ ବିଶିଷ୍ଟ ବ୍ୟକ୍ତି। ତିନି ସେନାର ସେନାଧ୍ଯକ୍ଷ ମଧ୍ୟ ଉପସ୍ଥିତ ଥିଲେ।
ଦେଶ ଏପରିକି ବିଦେଶର ମାନ୍ୟଗଣ୍ୟ ବ୍ୟକ୍ତି ମଧ୍ୟ ତାଙ୍କର ଶେଷ ଦର୍ଶନ କରିଥିଲେ। ଆଜି ସକାଳେ ମନମୋହନ ସିଂହଙ୍କ ପାର୍ଥିବ ଶରୀରକୁ ତାଙ୍କ ବାସଭବନରୁ ଦିଲ୍ଲୀ କଂଗ୍ରେସ ଅଫିସକୁ ନିଆଯାଇଥିଲା । ସେଠାରେ ଅନେକ ବିଶିଷ୍ଟ ବ୍‌ଯକ୍ତି ମନମୋହନଙ୍କ ଅନ୍ତିମ ଦର୍ଶନ କରି ଶେଷ ଶ୍ରଦ୍ଧାଞ୍ଜଳି ଜଣାଇଥିଲେ। ଏହା ପରେ ଏକ ଶୋଭାଯାତ୍ରାରେ ନିଗମବୋଧ ଘାଟକୁ ନିଆଯାଇଥିଲା। ସେଠାରେ ଦିଆଯାଇଥିଲା ତୋପ ସଲାମି। ସବୁ ମାନ୍ୟଗଣ୍ୟ ବ୍ୟକ୍ତି ଅନ୍ତିମ ଦର୍ଶନ କରିଥିଲେ । ତା ପରେ
ମନମୋହନ ସିଂହଙ୍କ ଅନ୍ତିମ ସଂସ୍କାର କରାଯାଇଥିଲା।
ପୂର୍ବତନ ପ୍ରଧାନମନ୍ତ୍ରୀ ମନ ମୋହନ ସିଂହ ଚିରଦିନ ପାଇଁ ମୌନ ହୋଇଯାଇଛନ୍ତି। ୯୨ ବର୍ଷରେ ଗୁରୁବାର ରାତିରେ ପ୍ରାଣ ହରାଇଥ୍ ବା ପ୍ରି ୟ ଜନନେତାଙ୍କୁ ଦେଶବାସୀ ଝୁରୁଛନ୍ତି । ଗାଁଠୁ ସହର ଯାଏଁ ସବୁଠି ଶୋକ ପାଳନ କରା ଯାଉଛି। ଦେଶର ଅର୍ଥ ନୀତି କୁ ସୁଧାରିଥିବା ଏହି ମହାନ ଅର୍ଥନୀତିଜ୍ଞଙ୍କ ତ୍ୟାଗକୁ ସମସ୍ତେ ମନେ ପକାଉଛନ୍ତି । ତାଙ୍କପରଲୋକରେ ଜାତୀୟ ପତାକାକୁ ଅର୍ଦ୍ଧନମିତ ରଖା ଯାଇଛି। ବିଭିନ୍ନ ସରକାରୀ କାର୍ଯ୍ୟକ୍ରମକୁ ବାତିଲ କରି ଦିଆଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ସମେତ କେନ୍ଦ୍ର କ୍ୟାବିନେଟର ଅନ୍ୟ ମନ୍ତ୍ରୀ ମାନେ ଶୁକ୍ରବାର ତାଙ୍କ ବାସଭବନରେ ପହଞ୍ଚି ଡ. ମନମୋହନଙ୍କୁ ଶ୍ରଦ୍ଧାଞ୍ଜଳୀ ଦେଇଥିଲେ । ଏହା ପୂର୍ବରୁ କେନ୍ଦ୍ର କ୍ୟାବିନେଟ ବୈଠକ ରେ ପୂର୍ବତନ ପ୍ରଧାନମନ୍ତ୍ରୀଙ୍କୁ ଶ୍ରଦ୍ଧାଞ୍ଜଳି ଦେଇ ଶୋକ ପ୍ରସ୍ତାବ ପାରିତ କରାଯାଇ ଥିଲା।