Odisha Janamata : ରାତିରେ ସୋଇଥିଲା ବେଳେ ସର୍ପ ଦଂଶନ ରେ ଭାଇ ଭଉଣୀ ମୃତ |

ରାତିରେ ସୋଇଥିଲା ବେଳେ ସର୍ପ ଦଂଶନ ରେ ଭାଇ ଭଉଣୀ ମୃତ |

29-Aug-2026

ଘଟିଲା ଅଘଟଣ । ସର୍ପ ଦଂଶନ ରେ ଚାଲିଗଲା ୨ ଜୀବନ ।

ଓଡିଶା ଜନ ମତ ବ୍ୟୁରୋ,

ମନ ଆନନ୍ଦରେ ଖାଇପିଇ ସୋଇଥିଲେ ସମସ୍ତେ ଆଉ ଭାଇ ଭଉଣୀ ମଧ୍ୟ ସୋଇଥିଲେ | ହେଲେ କିଏ ଜାଣି ଥିଲା କି ମୃତ୍ୟୁ ନିଜ ପାଖରେ ଜଗି ବସିଛି ||ସର୍ପ ଦଂଶନ ରେ ଚାଲିଗଲା ଭାଇ ଭଉଣୀ ଙ୍କ ଜୀବନ | ଏପରି ଏକ ଦୁଃଖଦ ପୂର୍ଣ୍ଣ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ଚାନ୍ଦିପୋସ ଥାନା ଗୀର୍ଜା ଟୋଲିରୁ ଆସିଛି ଏଭଳି ଅଭାବନୀୟ ଘଟଣା । ପୁରା ପରିବାରରେ ଖେଳିଯାଇଛି ଶୋକର ଛାୟା ।
ଖବର ଅନୁଯାୟୀ, ରାତିରେ ଖାଇ ସାରି ଶୋଇଥିଲେ ଭାଇ-ଭଉଣୀ । ଶୋଇଥିବା ଅବସ୍ଥାରେ ବିଷଧର ସାପ ଚୋଟ ମାରିଥିଲା । ଯାହା ପରେ ଭାଇ-ଭଉଣୀ ଦୁଇ ଜଣ ଅଚେତ ହୋଇ ପଡିଥିଲେ । ପରିବାର ଲୋକ ଏ ସଂପର୍କରେ ଜାଣି ତୁରନ୍ତ ମେଡିକାଲରେ ଭର୍ତ୍ତି କରିଥିଲେ । ହେଲେ ସେତେବେଳକୁ ହୋଇସାରିଥିଲା ବହୁ ବିଳମ୍ବ । ମେଡିକାଲରେ ଭାଇ-ଭଉଣୀଙ୍କୁ ମୃତ୍ୟୁ ଘୋଷଣା କରିଛନ୍ତି ଡାକ୍ତର । ମୃତକଙ୍କ ମଧ୍ୟରେ ଭାଇ ସମୀର ହରୋ (ବୟସ ୧୦), ଭଉଣୀ ସାଇରନ ହରୋ (ବୟସ ୮ ବର୍ଷ ) ରହିଛନ୍ତି ।
ଅନ୍ୟପଟେ ଭାଇ-ଭଉଣୀଙ୍କ ମୃତ୍ୟୁର ଖବର ପାଇ ପରିବାର ଲୋକେ ଦୁଃଖରେ ଭାଙ୍ଗି ପଡ଼ିଛନ୍ତି । ଦୁଇ ସନ୍ତାନଙ୍କୁ ହରାଇ ବାପା-ମାଆଙ୍କ ଆଖିରୁ ଲିଭୁନି ଲୁହ । କୋଳଶୁନ୍ୟ ପିତାମାତା ଏବେ ଭାଙ୍ଗିପଡିଛନ୍ତି