Odisha Janamata : ଖଲ୍ଲିକୋଟ ରାମଚନ୍ଦ୍ର ମାର୍ଦରାଜ ଉଚ୍ଚ ବିଦ୍ୟାଳୟ ରେ 108 ତମ ବାର୍ଷିକ ଉତ୍ସବ ଅନୁଷ୍ଠିତ |

ଖଲ୍ଲିକୋଟ ରାମଚନ୍ଦ୍ର ମାର୍ଦରାଜ ଉଚ୍ଚ ବିଦ୍ୟାଳୟ ରେ 108 ତମ ବାର୍ଷିକ ଉତ୍ସବ ଅନୁଷ୍ଠିତ |

08-Feb-2025

ଶ୍ରୀ ରାମ ଚନ୍ଦ୍ର ମର୍ଦରାଜ ଉଚ୍ଚ ବିଦ୍ୟାଳୟ ରେ 108 ତମ ବାର୍ଷିକ ଉଛବ ଓ ପୁରାତନ ଛାତ୍ର ମାନଙ୍କୁ ସମ୍ବର୍ଦ୍ଧନା |
******************************
ଓଡିଶା ଜନମତ, ଖଲ୍ଲିକୋଟ, ମାଧବ ବେହେରା, :8/2,25:

ଶୁକ୍ରବାର ଦିନ ଖଲ୍ଲିକୋଟ ସହର ର କେନ୍ଦ୍ର ରେ ଥିବା ସାତାୟୁ ଓ ଐତିହ୍ୟ ଶ୍ରୀ ମର୍ଦରାଜ ଉଚ୍ଚ ବିଦ୍ୟାଳୟ ର 108 ତମ ବାର୍ଷିକ ଉଛବ ଓ ପୁରାତନ ଛାତ୍ର ମାନଙ୍କ ସମ୍ବର୍ଦ୍ଧନା ମହାସମାରୋହ ରେ ଅନୁଷ୍ଠିତ ହୋଇ ଯାଇଛି |ଭାରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀମତୀ ଗୋମତୀ ପ୍ରଧାନ ଙ୍କ ଅଧକ୍ଷତା ରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଯୋଗ ଦେଇ ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀ ବିଦ୍ୟାଳୟ ର ଗାରିମାମୟ ଇତିହାସ ଓ ଆନ୍ତର୍ଜାତିକ ଓ ଜାତୀୟ ସ୍ତରରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ମାନଙ୍କ ସମ୍ପର୍କ ରେ ଆଲୋକପାତ କରିଥିଲେ |ମୁଖ୍ୟବକ୍ତା ଭାବେ ଯୋଗ ଦେଇ ସଂସ୍କୃତ ବିଶ୍ୱବିଦ୍ୟାଳୟ ର ଅବସରପ୍ରାପ୍ତ ପ୍ରାଧ୍ୟାପକ ଦୁଃଖୀ ଶ୍ୟାମ ପଟ୍ଟନାୟକ ଯୋଗ ଦେଇ ପିଲାମାନଙ୍କୁ ପାଠ ପଢା ରେ ମନୋନିବେଶ କରିବାକୁ ପରାମର୍ଶ ଦେବା ସହ ବିଦ୍ୟାଳୟ ର ବାଲ୍ୟ ସ୍ମୃତି ବଖାଣିଥିଲେ | ସମ୍ମାନିତ ଅତିଥି ଭାବେ ରେଭେନ୍ସା କଲେଜ ର ଅବସର ପ୍ରାପ୍ତ ଅଧକ୍ଷ ଡ଼ଃ ଗିରିଜା ପ୍ରସାଦ ଆଚାର୍ଯ୍ୟ, ବିଦୁ ଭୂଷଣ ସାମନ୍ତ, ଗୋଷ୍ଟି ଶିକ୍ଷା ଅଧିକାରୀ ସଦ୍ୟସ୍ନାନ ପଣ୍ଡା ଓ ଗୋପପୁର ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ପ୍ରକାଶ ଚନ୍ଦ୍ର ବେହେରା ପ୍ରମୁଖ ଯୋଗ ଦେଇ ଛାତ୍ର ଛାତ୍ରୀ ମାନେ ଶିକ୍ଷା କୁ ଜୀବନ ର ସତ୍ୟ ଓ ବ୍ରତ ଭାବେ ଗ୍ରହଣ କରିବାକୁ ପରାମର୍ଶ ପ୍ରଦାନ କରିଥିଲେ |ଏ ଅବସର ରେ ପୁରାତନ ଛାତ୍ର ଅଭିରାମ ମହାପାତ୍ର, ପ୍ରମୋଦ ପଟ୍ଟନାୟକ, ବିପିନ ବିହାରୀ ସାମନ୍ତ, ସିମାଞ୍ଚଳ ପଟ୍ଟନାୟକ ପୂର୍ଣ୍ଣ ଚନ୍ଦ୍ର ରଥ ଓ ମାଧବ ବେହେରା ପ୍ରମୁଖ ଙ୍କୁ ଉପଢୌକନ ଦେଇ ସମ୍ମାନିତ କରିଥିଲେ |ଶେଷରେ ଅତିଥି ମାନଙ୍କ ଦ୍ୱାରା କୃତି ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ କରିଥିଲେ |