Odisha Janamata : ମହାବୀର ହନୁମାନ ଙ୍କ ବିଗ୍ରହ ପ୍ରତିଷ୍ଠା ପାଈଁ କଳସ ଯାତ୍ରା |

ମହାବୀର ହନୁମାନ ଙ୍କ ବିଗ୍ରହ ପ୍ରତିଷ୍ଠା ପାଈଁ କଳସ ଯାତ୍ରା |

27-Apr-2025

ମହାବୀର ହନୁମାନଙ୍କ ବିଗ୍ରହ ପ୍ରତିଷ୍ଟା ପାଇଁ କଳସ ଯାତ୍ରା

ଓଡିଶା ଜନ ମତ, ଗଞ୍ଜା, ବଟ କୃଷ୍ଣ ରାଉଳ, ତା -27/04/25:

ଗଞ୍ଜାମ ବ୍ଲକ ଅନ୍ତର୍ଗତ କାଇଁଚପୁର ପଞ୍ଚାୟତର ମାଳି ଜଗନ୍ନାଥପୁର ଗ୍ରାମରେ ମହାବୀର ହନୁମାନ ଙ୍କ ବିଗ୍ରହ ପ୍ରତିଷ୍ଟା ପାଇଁ କଳସ ଯାତ୍ରା ଅନୁଷ୍ଠିତ ହୋଇଯାଇଛି l ଏହି ଅବସରରେ ସ୍ଥାନୀୟ ଅଂଚଳର ଶତାଧିକ ମହିଳା ଗଞ୍ଜାମ ଏନଏସି ଅନ୍ତର୍ଗତ ଦାମୋଦରପୁର ଉତ୍ତର ବାଙ୍କ ପୁଣ୍ୟତୋୟା ଋଷିକୁଲ୍ୟା ନଦୀ ଜଳ ମସ୍ତକରେ ଧାରଣ କରି ମାଳି ଜଗନ୍ନାଥପୁର ଯଜ୍ଞ ମଣ୍ଡପ ଅଭିମୁଖେ ପ୍ରସ୍ଥାନ କରିଥିଲେ l ପରମ୍ପାରିକ ବାଦ୍ୟ ବାଜଣା,ହରିବୋଲ ହୁଳହୁଳି ରେ ସ୍ଥାନୀୟ ସ୍ଥାନୀୟ ଅଞ୍ଚଳରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା l ପଣ୍ଡିତ ଦିବାକର ତ୍ରିପାଠୀ ଓ କୃଷ୍ଣ ମୋହନ ଦାଶ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ନାମ ଯଜ୍ଞ, ଘୃତଯଜ୍ଞ,ଗୋ ଯଜ୍ଞ,ଜ୍ଞାନ ଯଜ୍ଞ, ଅନ୍ନଯଜ୍ଞ ଆଦି ବିଭିନ୍ନ ଅଧ୍ୟାତ୍ମିକ କାର୍ଯ୍ୟକ୍ରମ ଆୟୋଜିତ ହେଉଛି l
ଉକ୍ତ କାର୍ଯ୍ୟକ୍ରମରେ ବରିଷ୍ଟ ବିଦ୍ୟାନ, ପଣ୍ଡିତ ସାଧୁ ସନ୍ଥ ମାନେ ଯୋଗଦେବାର କାର୍ଯ୍ୟକ୍ରମ ରହିଛି l ଗତ ଶୁକ୍ରବାର ଠାରୁ ଉକ୍ତ କାର୍ଯ୍ୟକ୍ରମର ଶୁଭାରମ୍ଭ ହୋଇଥିବାବେଳେ ସୋମବାର ପ୍ରତିଷ୍ଟା ନାମଯଜ୍ଞ,କର୍ମାରମ୍ଭ, ଶ୍ରୀମତୀ ସ୍ନେହଲତା ଦେବୀଙ୍କ ଦ୍ଵାରା ଜ୍ଞାନଯଜ୍ଞ ଭଜନ ସମାରୋହ ମଙ୍ଗଳବାର ପ୍ରାଣ ପ୍ରତିଷ୍ଟା,ବୁଧବାର ଦେବତା ସିଂହାସନ ଆରୋହଣ,ଜ୍ଞାନଯଜ୍ଞ ପଣ୍ଡିତ ବୀରେନ୍ଦ୍ର ପଣ୍ଡାଙ୍କ ଦ୍ୱାରା ଭଜନ ସମାରୋହ ଗୁରୁବାର ଦଧିହାଣ୍ଡି ଭଗ୍ନ, ନଗର କୀର୍ତ୍ତନ ଓ ଯମୁନା ସ୍ନାନ କାର୍ଯ୍ୟକ୍ରମ ଆୟୋଜିତ ହେବାର କାର୍ଯ୍ୟକ୍ରମ ରହିଛି l ଉକ୍ତ କାର୍ଯ୍ୟକ୍ରମକୁ ସମସ୍ତ ଗ୍ରାମବାସୀ ସୁପରିଚାଳନାରେ ଆୟୋଜିତ ହେଉଛି l