Odisha Janamata : ତୁଳସୀ କ୍ଷେତ୍ର ରେ ଆଗାମୀ ପଞ୍ଚୁକ ନିମନ୍ତେ ହବିଷ୍ୟାଳୀ ଙ୍କ ପାଈଁ ପ୍ରସ୍ତୁତି ବୈଠକ |

ତୁଳସୀ କ୍ଷେତ୍ର ରେ ଆଗାମୀ ପଞ୍ଚୁକ ନିମନ୍ତେ ହବିଷ୍ୟାଳୀ ଙ୍କ ପାଈଁ ପ୍ରସ୍ତୁତି ବୈଠକ |

20-Oct-2025

ବଳଦେବଜି ମନ୍ଦିର ରେ ହବିଷ୍ୟାଳି ଙ୍କ ପଞ୍ଚୁକ ବ୍ରତ ପାଳନ ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ,

ଓଡ଼ିଶାରେ ତୁଳସୀ କ୍ଷେତ୍ର ରୂପେ ପରିଚିତ କେନ୍ଦ୍ରାପଡ଼ା ରେ ଅବସ୍ତିତ ବଳଦେବ ଜୀଉ ମନ୍ଦିର ରେ କାର୍ତ୍ତିକ ମାସ ଉପଲକ୍ଷେ ହବିଷ୍ୟାଳି ଙ୍କ ନିମନ୍ତେ ଆଗକୁ ପଞ୍ଚୁକ ବ୍ରତ ଥିବାରୁ ସେଥି ପାଈଁ ଗରାପୁର ସ୍ଥିତ ଶିବାନନ୍ଦ ଆଶ୍ରମପରିସର ରେ ଶ୍ରୀମା ସ୍ୱାମୀ ଦିବ୍ୟ ସ୍ୱରୂପାନନ୍ଦ ସରସ୍ବତୀ ଙ୍କ ଅଧକ୍ଷତା ରେ ଏବଂ ଜିଲ୍ଲା ର ବିଜେପି ନେତୃବୃନ୍ଦ ଙ୍କ ଉପସ୍ଥିତି ରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି | ଚଳିତ ଅକ୍ଟୋବର ମାସ ୩୧ତାରିଖ ଠାରୁ ନଭେ ନଭେମ୍ବରମାସ ୫ ତାରିଖ ପର୍ଯ୍ୟନ୍ତ ତୁଳସୀ କ୍ଷେତ୍ରରେ ଏହି ବ୍ରତ ପାଳନ କରାଯିବ। ଶ୍ରୀବଳଦେବଜୀଉଙ୍କ ଯାତ୍ରୀ ନିବାସରେ ହବିଷ୍ୟାଳମାନଙ୍କ ପାଇଁ କାର୍ତ୍ତିକ ପଞ୍ଚୁକ ବ୍ରତ ପାଳନ ଅବସର ରେ ଦୈନିକ ବି ଭି ନ୍ନ ସାଧୁ ସନ୍ଥ ମାନଙ୍କ ଦ୍ଵାରା ଆଧ୍ୟାତ୍ମିକ ବଚନ, ଆଲୋଚନା ଚକ୍ର ଓ ସଂକୀର୍ତ୍ତନ କରାଯିବାକୁ ନିଷ୍ପତ୍ତି ଗ୍ରହଣ କରାଯାଇ ଥିଲା। ଏଥି ପାଇଁ ଆବଶ୍ୟକ ପ୍ରସ୍ତୁତି କିଭଳି କରାଯିବ ‌ ସେଥୁନିମନ୍ତେ ଯଥାଯଥ ଭାବେ କାର୍ତ୍ତିକପଞ୍ଚୁକ ବ୍ରତ ବିଧ ମୁତାବକ ପାଳନ ପାଇଁ କାର୍ଯ୍ୟସୂଚୀ ପ୍ରସ୍ତୁତ କରାଯାଇଥିଲା।
ପ୍ରସ୍ତୁତି ବୈଠକରେ ଜିଲ୍ଲା ପରିଷଦ ସଭାପ ପତି ଲିଲିତା ଦାସ, ଜିଲ୍ଲା ବିଜେପି ସଭାପତି ଶଶାଙ୍କ ଶେଖର ସେଠୀ, ବିଜେପି ନେତ୍ରୀ ଗିତାଞ୍ଜଳୀ ସେଠୀ, ଅଭି ମନ୍ୟୁ ଗୋଛାୟତ, ଗୋଲଖ ଚନ୍ଦ୍ର ବେହେରା, ଅମୀୟ ପଣ୍ଡା, ବଳଦେବ ସେନାର ସଭାପତି ପପୁନ ସ୍ଵାଇଁ, ସେନାର ସମ୍ପାଦକ ଓ ଅନ୍ୟ ସଦସ୍ୟ ମାନେ, ଦ୍ରୌପଦୀ ରାଉତ, ରୀତାଞ୍ଜଳି ନାଥ, ପାର୍ବତୀ ବେହେରା ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ଏସମ୍ପର୍କରେ କର୍ମ କର୍ତ୍ତାମାନେ ଜିଲ୍ଲାପାଳଙ୍କ ସହ କଥାବାର୍ତ୍ତା ହୋଇଥ୍ବା ପ୍ରକାଶ କରିଥିଲେ । ବ୍ରହ୍ମଚାରୀ ନୃସିଂହ ନାଥ ଶେଷରେ ଧନ୍ୟବାଦ ଅର୍ପଣ କରିଥିଲେ । ତୁଳସୀ କ୍ଷେତ୍ର ରେ ରହି କାର୍ତ୍ତିକ ପଞ୍ଚୁକ ବ୍ରତ ପାଳନ କରି ବାକୁ ଚାହୁଁ ଥି ବା ମାଆ ମାନେ ଯଥାଶୀଘ୍ର ଗରାପୁର ଶିବାନନ୍ଦ ଆଶ୍ରମ ସହିତ ଯୋଗାଯୋଗ କରିବାକୁ ଆଶ୍ରମ ପକ୍ଷରୁ ନିବେଦନ କରା ଯାଇଛି |