Odisha Janamata : ନିଆଁରେ ପୋଡି ଯାଇଥିବା କଲେଜ ଛାତ୍ରୀ ମେଡିକାଲ ରେ ଚିକିତ୍ସିତ |

ନିଆଁରେ ପୋଡି ଯାଇଥିବା କଲେଜ ଛାତ୍ରୀ ମେଡିକାଲ ରେ ଚିକିତ୍ସିତ |

07-Dec-2025

ନିଆଁରେହୁତୁ, ହୁତୁ ହୋଇ ଜଳିଯାଇ ଜୀବନ ସହ ମେଡିକାଲ ରେ ସଂଘର୍ଷ କରୁଛନ୍ତି କଲେଜ୍ ଛାତ୍ରୀ |

ଓଡିଶା ଜନ ମତ ବ୍ୟୁରୋ,,

ବେଳେ ବେଳେ ନିଆଁରେ ପୋଡି ହୋଇ କିମ୍ବା ନିଜ ଦେହରେ କୌଣସି କାରଣରୁ ନିଆଁ ଲଗେଇ ପୋଡିଯିବାର ଘଟଣା ଆମେ ସମସ୍ତେ ଉଣା ଅଧିକେ ଜାଣିଛେ | ତାହା ବାଲେଶ୍ୱର ସ୍ଵୟଂଶାସିତ ଫକୀର ମୋହନ ମହା ବିଦ୍ୟାଳୟର ଛାତ୍ରୀ ଏବଂବଳଙ୍ଗା ନାବାଳିକା ନିଆଁରେ ଜଳିଯିବା ଘଟଣାକୁ ଓଡ଼ିଶାବାସୀ ଭୁଲିପାରି ନଥିବା ବେଳେ ସୁନ୍ଦରଗଡ଼ ଜିଲ୍ଲାରେ ସମାନ ପ୍ରକାରର ଘଟଣା ଦେଖ୍ ବାକୁ ମିଳିଛି । ରାଜଗାଙ୍ଗପୁର ସରବତୀ ଦେବୀ ମହିଳା ମହା ବିଦ୍ୟାଳୟରେ ଯୁକ୍ତ ଦୁଇ ଛାତ୍ରୀ ନିଆଁରେ ଜଳି ଯାଇଛନ୍ତି । ଜୀବନ ମୃତ୍ୟୁ ସହିତ ସଂଘର୍ଷ କରୁଥିବା ଛାତ୍ରୀ ଜଣକ ରାଜଗାଙ୍ଗପୁର ଥାନା ଅଧୀନ ଲାଞ୍ଜିବେର୍ତ୍ତୀ ଅଞ୍ଚଳର ବୋଲି ଜଣାପଡ଼ିଛି, ଯାହାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ସୂଚନା ଅନୁସାରେ ଛାତ୍ରୀ ଜଣକ ଶୁକ୍ରବାର ରାତିରେ ପରିବାର ଲୋକଙ୍କ ସହିତ ଖାଇ ସାରି ଘରେ ଶୋଇଥିଲେ । ବିଳମ୍ବିତ ରାତିରେ ଘରେ ଶୋଇଥିବା ବେଳେ ତାଙ୍କର ଦେହରେକିପରି ନିଆଁ ଲାଗିଥିଲା। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ରାଉରକେଲାସ୍ଥିତ ଏକସରକାରୀ ଡାକ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି। ଏନେଇ ଇସ୍ ପାତ ଜେନେରାଲ ହସ୍‌ ପିଟାଲ (ଆଇଜିଏଚ୍) ପକ୍ଷରୁ କୁହାଯାଇଛି ଯେ, ସୁନ୍ଦରଗଡ଼ ଜିଲ୍ଲା ଲାଞ୍ଜିବେଣ୍ଡା ଅଞ୍ଚଳର ଜଣେ ନାବାଳିକା ଛାତ୍ରୀଙ୍କୁ ଗୁରୁତର ଅବସ୍ଥାରେ ଆଜି ଭୋର ୩ଟା ୪୦ରେ ଡାକ୍ତରଖାନାରେ ଭର୍ତ୍ତି– କରାଯାଇଛି। ସେ ଗତକାଲି ରାତି ପ୍ରାୟ ୨ଟାରେ ନିଆଁରେ ଜଳି ଯାଇଥିବା ତାଙ୍କର ପରିବାର ଲୋକେ କହିଛନ୍ତି । ସୂଚନାଯୋଗ୍ୟ, ବାଲେଶ୍ବରର କଲେଜ ଛାତ୍ରୀ ଗତ ଜୁଲାଇ ମାସ ୧୨ ତାରିଖ ମଧ୍ୟାହ୍ନରେ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ଖୁବ୍ କମ୍ ସମୟ ମଧ୍ୟରେ ତାଙ୍କ ଦେହ ଭୟନକ ଭାବେ ଜଳି ଯାଇଥିଲା । ପ୍ରଥମେ ତାଙ୍କୁ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ ଭୁବନେଶ୍ଵର ଏମ୍‌ସକୁ ସ୍ଥାନାନ୍ତର କରା କରାଯାଇଥିଲା। ଶରୀରର ୯୫ ପ୍ରତିଶତ ଅଂଶ ପୋଡ଼ି ଯାଇଥିବାବେଳେ ସ୍ଵାସ୍ଥ୍ୟବସ୍ଥା ଅତ୍ୟନ୍ତ ସଙ୍କଟାପନ୍ନ ଥିଲା । ତାଙ୍କୁ ସର୍ବୋତ୍ତମ ଚିକିତ୍ସା ଯୋଗାଇ ଦେବା ଲାଗି ଏମ୍‌ସରେ ଏକ ୧୦ ଜଣିଆ ବିଶେଷଜ୍ଞ ଡାକ୍ତରୀ ଟିମ ଏକକାରକରି ୬୦ ଘଣ୍ଟା ଧରି ଦିନରାତି ଏକ କାର କରି ଦେଇଥିଲେ। ଦିଲ୍ଲୀ ଏମ୍ସର ବିଶେଷଜ୍ଞ ବ ସହିତ ବି ନିରନ୍ତର ଯୋଗାଯୋଗରେ ରହି ଚିକିତ୍ସା କରାଯାଉଥିଲା । ଶତ ଚେଷ୍ଟା ପରେ ମଧ୍ୟ ସେ ଆଖୁ ବୁଜିଥିଲେ। ବାଲେଶ୍ଵର ଘଟଣାର ଏକ ସପ୍ତାହ ପରେ ପୁରୀ ଜିଲ୍ଲା ବଳଙ୍ଗାରେ ଜଣେ ନାବାଳିକା ଜଳି ଯାଇଥିଲେ । ତାଙ୍କୁ ମଧ୍ୟ ଏମ୍ସ ଭୁବନେଶ୍ଵରରେ ଭର୍ତ୍ତି କରାଯାଇଥିଲା। ପରେ ତାଙ୍କୁ ଦିଲ୍ଲୀ ଏମ୍ଭରେଭର୍ତ୍ତି କରାଯାଇଥିଲା। ପ୍ରାୟ ଏକ ମାସ ଧରି ଚିକିତ୍ସା ପରେ ସେ ଆଖୁ ବୁଜିଥିଲେ।