Odisha Janamata : ଓ଼ଆକ୍ସାକ ଅଞ୍ଚଳରେ ଭୟଙ୍କର ଟ୍ରେନ ଦୁର୍ଘଟଣା 13ମୃତ, 100ରୂ ଉର୍ଦ୍ଧ ଆହାତ ||

ଓ଼ଆକ୍ସାକ ଅଞ୍ଚଳରେ ଭୟଙ୍କର ଟ୍ରେନ ଦୁର୍ଘଟଣା 13ମୃତ, 100ରୂ ଉର୍ଦ୍ଧ ଆହାତ ||

02-Jan-2026

ଓଆକ୍ସାକା ନିକଟରେ ଟ୍ରେନ୍ ଲାଇନଚ୍ୟୁତ, 13ମୃତ, 100ରୁ ଉର୍ଦ୍ଧ ଆହାତ,

ଓଡିଶା ଜନ ମତ ବ୍ୟୁରୋ,

ଟ୍ରେନ ଦୁର୍ଘଟଣା ଆଜି କାଲି ପ୍ରାୟତଃ ହେଉଛି | ଯାହାଦ୍ୱାରା ବହୁ ଧାନ ଜୀବନ ନଷ୍ଟ ହେଉଛି | ସେପରିଗୋଟିଏ ଦୁର୍ଘଟଣା ମେକ୍ସିକୋର ଦକ୍ଷିଣପୂର୍ବ ଓଆକ୍ସାକା ଅଞ୍ଚଳରେ ଏକ ଟ୍ରେନ୍ ଲାଇନଚ୍ୟୁତ ହୋଇଛି। ଏଥିରେ ୧୩ ଜଣଙ୍କର ମୃତ୍ୟୁ ହାଇଥିବା ସୂଚନା ମିଳିଛି | ମେକ୍ସିକୋ ଉପସାଗର ଏବଂ ପ୍ରଶାନ୍ତ ମହାସାଗର ମଧ୍ୟରେ ଯାତ୍ରା କରୁଥିବା ଟ୍ରେନ୍ ଟି ୨୪୧ ଜଣ ଯାତ୍ରୀ ଏବଂ ନଅ ଜଣ ମେମ୍ବରଙ୍କୁ ନେଇ ଯାଉଥିଲା । ମିଳିଥିବା ସୂଚନା ଅନୁଯାୟୀ ଟ୍ରେନ ଦୁର୍ଘଟଣା ରେ ପ୍ରାୟ 100 ଜଣ ଆହତହୋଇଛନ୍ତି |ସେମାନଙ୍କ ମଧ୍ୟରୁ ୩୬ ଜଣଙ୍କୁ ହସ୍ପିଟାଲ
ରେ ଚିକିତ୍ସା ପାଈଁ ଭର୍ତ୍ତି କରାଯାଉଛି। ତଦନ୍ତ କାରୀ ଅଧିକାରୀମାନେ କହିଛନ୍ତି ଯେ ନିଜାଣ୍ଡ ସହର ନିକଟରେ ଏକ ମୋଡ଼ ବୁଲିବା ସମୟରେ ଟ୍ରେନ୍ ଟି ଲାଇନଚ୍ୟୁତ ହୋଇଛି।ମେକ୍ସିକୋର ଆଟର୍ଣ୍ଣି ଜେନେରାଲ ନିଶ୍ଚିତ କରିଛନ୍ତି ଯେ ତଦନ୍ତ ଚାଲିଛି |ମେକ୍ସିକୋ ରାଷ୍ଟ୍ରପତି କହିଛନ୍ତି ଯେ ଆହତମାନଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ରହିଛି। ନୌସେନା ସଚିବଙ୍କ ସମେତ ଉଚ୍ଚସ୍ତରୀୟ ଅଧିକାରୀମାନେ ଦୁର୍ଘଟଣା
ସ୍ଥଳକୁ ଯାତ୍ରା କରୁଛନ୍ତି । ଏହି ଟ୍ରାନ୍ସଓସେନିକ୍ ଟ୍ରେନ୍‌କୁ ୨୦୨୩ ମସିହାରେ ତତ୍କାଳୀନ ରାଷ୍ଟ୍ରପତି ଆଡ୍ରେସ୍ ମାନୁଏଲ୍ ଲୋପେଜ୍ ଓ ବ୍ରାଡୋର୍ ଉଦଘାଟନ କରିଥିଲେ। ମେକ୍ସିକୋ ସରକାର ଏହି ଭୂମିକୁ ଆନ୍ତର୍ଜାତୀୟ ବାଣିଜ୍ୟ ପାଇଁ ଏକରଣନୈତିକ କରିଡରରେ ପରିଣତ କରିବାକୁ ଯୋଜନା କରୁଛନ୍ତି, ଯେଉଁଥିରେ ବନ୍ଦର ଏବଂ ରେଳ ଲାଇନ ଆଟଲାଣ୍ଟିକ୍ ଏବଂ ପ୍ରଶାନ୍ତ ମହାସାଗରକୁ ସଂଯୋଗ କରିବ। ଏହି ଟ୍ରାନ୍ସ ଓ ସେନିକ୍ ଟ୍ରେନ୍ ବର୍ତ୍ତମାନ ପ୍ରଶାନ୍ତ ମହାସାଗରର ସାଲିନା କୁଜ୍ ବନ୍ଦରରୁ ପ୍ରାୟ ୧୮୦ ମାଇଲ୍ (୨୯୦ କିଲୋମିଟର) ଦୂରତା ବିଶିଷ୍ଟ କୋଟ୍ରାକୋଆଲକୋସ୍ ପର୍ଯ୍ୟନ୍ତ ଚଳାଚଳ କରୁଛି। ଏହି ଭୟଙ୍କର ଟ୍ରେନ ଦୁର୍ଘଟଣା ସ୍ଥାନୀୟ ଅଞ୍ଚଳରେ ଏକ ଭୟର ବାତାବରଣ ସୃଷ୍ଟି ହୋଇଛି |କେଉଁକାରଣରୁ ଟ୍ରେନ ଦୁର୍ଘଟଣା ହେଲା ତାହାର ପ୍ରକୃତ ତଦନ୍ତ ହେଲେ ଏବଂ ଯାହାର ଦୋଷ ହେଉନା କାହିଁକି ତାଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ହେଲେ ଭବିଷ୍ୟତ ରେ ଟ୍ରେନ ଦୁର୍ଘଟଣା ରୁ ରକ୍ଷା ହୋଇ ପାରିବ |