Odisha Janamata : ତାରା ତାରିଣୀ ମହାବିଦ୍ୟାଳୟ ରେ ଗ୍ରାମୀଣ ରୁଣ ଗ୍ରସତା ଉପରେ ଶୈକ୍ଷିକ ସେମିନାର ଅନୁଷ୍ଠିତ |

ତାରା ତାରିଣୀ ମହାବିଦ୍ୟାଳୟ ରେ ଗ୍ରାମୀଣ ରୁଣ ଗ୍ରସତା ଉପରେ ଶୈକ୍ଷିକ ସେମିନାର ଅନୁଷ୍ଠିତ |

04-Feb-2026

*ତାରାତାରିଣୀ* *ମହାବିଦ୍ୟାଳୟରେ `ଗ୍ରାମୀଣ ଋଣଗ୍ରସ୍ତତା` ଉପରେ ଶୈକ୍ଷିକ* *ସେମିନାର୍ ଅନୁଷ୍ଠିତ*

ଓଡିଶା ଜନ ମତ ବ୍ୟୁରୋ,

ପୁରୁଷୋତ୍ତମପୁର ସ୍ଥିତ ତାରାତାରିଣୀ ମହାବିଦ୍ୟାଳୟର ଅର୍ଥନୀତି ବିଭାଗ ପକ୍ଷରୁ `ଗ୍ରାମୀଣ ଋଣଗ୍ରସ୍ତତା` (Rural Indebtedness) ଶୀର୍ଷକ ଏକ ସେମିନାର୍ ଅଧ୍ୟାପକ ଓ ଛାତ୍ରଛାତ୍ରୀମାନଙ୍କ ସକ୍ରିୟ ଅଂଶଗ୍ରହଣରେ ସଫଳତାର ସହ ଆୟୋଜିତ ହୋଇଯାଇଛି। ଛାତ୍ରଛାତ୍ରୀଙ୍କ ମଧ୍ୟରେ ଶିକ୍ଷାଗତ ଆଲୋଚନା ଏବଂ ଗବେଷଣା ଅଭିମୁଖ୍ୟକୁ ପ୍ରୋତ୍ସାହିତ କରିବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା।ପ୍ରାରମ୍ଭରେ ଅତିଥିମାନଙ୍କ ଦ୍ଵାରା ପ୍ରଦୀପ ପ୍ରଜ୍ଜ୍ଵଳନ କରାଯାଇ କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା। ଅର୍ଥନୀତି ବିଭାଗର ମୁଖ୍ୟ ଡଃ ଶ୍ରୀରାମ ମିଶ୍ର ସ୍ଵାଗତ ଭାଷଣ ପ୍ରଦାନ କରିବା ସହ ଛାତ୍ରଛାତ୍ରୀଙ୍କ ଏକାଡେମିକ ଦୃଷ୍ଟିକୋଣକୁ ସମୃଦ୍ଧ କରିବାରେ ସେମିନାରର ଗୁରୁତ୍ଵ ଉପରେ ଆଲୋକପାତ କରିଥିଲେ।ସେମିନାର୍ ଇନ-ଚାର୍ଜ ସୁଶ୍ରୀ ମୀନାକ୍ଷୀ ଦାଶ ଅତିଥିମାନଙ୍କ ପରିଚୟ ପ୍ରଦାନ କରିବା ସହ ସେମିନାରର ଉଦ୍ଦେଶ୍ୟ ସମ୍ପର୍କରେ ସୂଚନା ଦେଇଥିଲେ।ଏହି ଶିକ୍ଷାଗତ ଅଧିବେଶନରେ ଡକ୍ଟର ଶ୍ରୀରାମ ମିଶ୍ରଙ୍କ ତତ୍ତ୍ଵାବଧାନରେ ଯୁକ୍ତ ତିନି ଶେଷ ବର୍ଷର ଛାତ୍ରୀ ବି. ଅନୋକି ରେଡ୍ଡୀ ଅତ୍ୟନ୍ତ ସ୍ପଷ୍ଟତା ଓ ଆତ୍ମବିଶ୍ଵାସର ସହ ନିଜର ପ୍ରବନ୍ଧ ଉପସ୍ଥାପନ କରିଥିଲେ। ବିନାୟକ ଆଚାର୍ଯ୍ୟ ସରକାରୀ ମହାବିଦ୍ୟାଳୟଅର୍ଥନୀତି ବିଭାଗର ସହକାରୀ ପ୍ରଫେସର ଡଃ ସୁଶାନ୍ତ କୁମାର ବେରୋ ମୁଖ୍ୟ ଅତଥି ତଥା ସାଧନକର୍ମୀ ଭାବେ (Resource Person) ଭାବେ ଯୋଗଦେଇ ପାୱାର ପଏଣ୍ଟ ମାଧ୍ୟମରେ ବିଷୟବସ୍ତୁ ଉପରେ ଏକ ମୂଲ୍ୟବାନ ତଥା ପ୍ରେରଣାଦାୟୀ ଅଭିଭାଷଣ ରଖିଥିଲେ। ଏହାପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା, ଯେଉଁଥିରେ ଶିକ୍ଷକ ଓ ଶିକ୍ଷାର୍ଥୀମାନେ ସକ୍ରିୟ ଭାବେ ଅଂଶଗ୍ରହଣ କରିଥିଲେ। ମହାବିଦ୍ୟାଳୟର ଅଧ୍ୟକ୍ଷ ଡଃ ପ୍ରଦୀପ କୁମାର ସାହୁ କାର୍ଯ୍ୟକ୍ରମରେ ଯୋଗଦେଇ ଏଭଳି ବୌଦ୍ଧିକ କାର୍ଯ୍ୟକ୍ରମ ଆୟୋଜନ ପାଇଁ ଅର୍ଥନୀତି ବିଭାଗକୁ ପ୍ରଶଂସା କରିଥିଲେ। ଛାତ୍ରଛାତ୍ରୀମାନେ ଗବେଷଣାଭିତ୍ତିକ ଶିକ୍ଷା ପ୍ରତି ଅଧିକ ମନୋନିବେଶ କରିବାକୁ ସେ ପରାମର୍ଶ ଦେଇଥିଲେ । କାର୍ଯ୍ୟକ୍ରମ ପରିଚାଳନାରେ ଅଧ୍ୟାପକ ପ୍ରସାଦ କୁମାର ବେହେରା ଙ୍କ ସମେତ ସହ ସମ୍ପାଦକ ରୁଦ୍ର ବେହେରା, ଦିନେଶ ବେହେରା, ଶିବ ଶଙ୍କର ମହାନ୍ତି , ହିମାଂଶୁ ପଣ୍ଡା ପ୍ରମୁଖ ସହଯୋଗ କରିଥଲେ । ପରିଶେଷରେ ସେମିନାର ସମ୍ପାଦକ ଶ୍ରୀ ଗଙ୍ଗା ପାତ୍ର ଧନ୍ୟବାଦ ଅର୍ପଣ କରିଥିଲେ ।