Odisha Janamata : ଆରପାରିରେ ଗଜନୀ ର ଖଳନାୟକ ତଥା ମହାଭାରତ ର ଅଶ୍ୱସ୍ତମା ପ୍ରଦୀପ ରାୱାତ |

ଆରପାରିରେ ଗଜନୀ ର ଖଳନାୟକ ତଥା ମହାଭାରତ ର ଅଶ୍ୱସ୍ତମା ପ୍ରଦୀପ ରାୱାତ |

06-Aug-2026

‘ଗଜନୀ’ ର ଖଳନାୟକ : ୭୪ ବର୍ଷରେ ତଥା ମହାଭାରତର `ଅଶ୍ୱତ୍ଥାମା’ ପ୍ରଦୀପ ରାୱତ ଙ୍କ ପରଲୋକ |

ଓଡିଶା ଜନ ମତ ବ୍ୟୁରୋ,

ବିଆର ଚୋପ୍ରା ଙ୍କ ମେଗା ପୌରାଣିକ ଧାରା ବାହିକ "ମହାଭାରତ `ରେ ଅଶ୍ୱସ୍ତମା ରୋଲରେ ଅଭିନୟ କରି ନାଁ ଅର୍ଜନ କରିଥିବା ତଥା ସମସ୍ତଙ୍କ ହୃଦୟକୁ ଜୟାକରିଥିବା ଏବଂ ବଲିଉଡ୍ ଫିଲ୍ମ ‘ଗଜନୀ’ ର ଲୋକପ୍ରିୟ ଖଳନାୟକ ପ୍ରଦୀପ ରାୱତଙ୍କର ୭୪ ବର୍ଷ ବୟସରେ ପରଲୋକ ହୋଇଛି । ମୁମ୍ବାଇସ୍ଥିତ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି | ସିନେ ଜଗତରୁ ଆସିଛି ଏକ ଅତ୍ୟନ୍ତ ଦୁଃଖଦ ଖବର । ବଲିଉଡ୍ ଫିଲ୍ମ ‘ଗଜନୀ’ ର ଲୋକପ୍ରିୟ ଖଳନାୟକ ପ୍ରଦୀପ ରାୱତଙ୍କର ୭୪ ବର୍ଷ ବୟସରେ ପରଲୋକ ହୋଇଛି । ମୁମ୍ବାଇସ୍ଥିତ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି ପ୍ରଦୀପ । ଦୀର୍ଘ ଦିନ ଧରି କ୍ୟାନ୍ସରରେ ପୀଡ଼ିତ ଥିଲେ ପ୍ରଦୀପ । ତାଙ୍କ ବିୟୋଗରେ ବଲିଉଡ୍ ସହ ସମଗ୍ର ଦକ୍ଷିଣ ଭାରତୀୟ ସିନେ ଜଗତରେ ଶୋକର ଛାୟା ଖେଳିଯାଇଛି । ପ୍ରଦୀପ ଭାରତୀୟ ସିନେମାର ଏପରି ଜଣେ କଳାକାର ଥିଲେ ଯିଏ ନିଜର ଜୀବନ୍ତ ଅଭିନୟ ଏବଂ ଗମ୍ଭୀର ସ୍ୱର ପାଇଁ ବେଶ୍ ଜଣାଶୁଣା ଥିଲେ । ଆମୀର ଖାନ୍‌ଙ୍କ ଅଭିନୀତ ବ୍ଲକ୍‌ବଷ୍ଟର ଫିଲ୍ମ `ଗଜନୀ`ରେ ତାଙ୍କର ମୁଖ୍ୟ ଖଳନାୟକ ଚରିତ୍ର ଆଜି ବି ଦର୍ଶକଙ୍କୁ ଖୁବ୍ ପସନ୍ଦ । କେବଳ ହିନ୍ଦୀ ନୁହେଁ ଏହା ପୂର୍ବରୁ ସୂର୍ଯ୍ୟାଙ୍କ ଅଭିନୀତ ଅରିଜିନାଲ୍ ତାମିଲ୍ ‘ଗଜନୀ’ରେ ମଧ୍ୟ ସେ ନିଜ ଅଭିନୟର ଯାଦୁ ଦେଖାଇଥିଲେ । ବିଆର୍ ଚୋପ୍ରାଙ୍କ ପ୍ରସିଦ୍ଧ ପୌରାଣିକ ସିରିଏଲ୍ `ମହାଭାରତ`ରେ ସେ `ଅଶ୍ୱତ୍ଥାମା` ଚରିତ୍ରରେ ଅଭିନୟ କରି ଘରେ ଘରେ ପରିଚିତ ହୋଇପାରିଥିଲେ । ଆମୀର ଖାନ୍‌ଙ୍କ ସହ `ସର୍‌ଫରୋଶ୍`, `ଲଗାନ୍` ଏବଂ `ଗଜନୀ` ଭଳି ସୁପରହିଟ୍ ଫିଲ୍ମରେ ସେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲେ । ପ୍ରଦୀପ କେବଳ ବଲିଉଡ୍‌ରେ ନୁହେଁ ବରଂ ତେଲୁଗୁ, ତାମିଲ୍, ମାଲାୟାଲମ୍ ଏବଂ କନ୍ନଡ଼ ଚଳଚ୍ଚିତ୍ରରେ ମଧ୍ୟ ଜଣେ ସଫଳ ଖଳନାୟକ ଭାବେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । `ସାଇ` , `ଛତ୍ରପତି`, `ଗ୍ରାଣ୍ଡମାଷ୍ଟର୍` ଭଳି ଅନେକ ସୁପରହିଟ୍ ଦକ୍ଷିଣ ଭାରତୀୟ ଫିଲ୍ମରେ ତାଙ୍କର ଦମଦାର ଅଭିନୟ ଆଜି ବି ସିନେପ୍ରେମୀଙ୍କ ମନରେ ଘର କରିରହିଛି । ପ୍ରଦୀପଙ୍କ ପରଲୋକ ଖବର ଶୁଣିବା ପରେ ବଲିଉଡ୍ ଏବଂ ସାଉଥ୍ ସିନେମାର ଅନେକ ବରିଷ୍ଠ ଅଭିନେତା, ନିର୍ଦ୍ଦେଶକ ଓ ପ୍ରଯୋଜକ ଗଭୀର ଶୋକ ପ୍ରକାଶ କରିଛନ୍ତି । ଆମୀର ଖାନ୍, ସୂର୍ଯ୍ୟାଙ୍କ ସମେତ ସିନେ ଜଗତର ନାମୀଦାମୀ ତାରକା ତାଙ୍କ ଆତ୍ମାର ସଦ୍‌ଗତି କାମନା କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ବରିଷ୍ଠ କଳାକାର ପ୍ରଦୀପ ରାୱତ ଆଜି ଆମ ଗହଣରେ ନାହାନ୍ତି ସତ କିନ୍ତୁ ନିଜ ଦମଦାର ଚରିତ୍ର ମାଧ୍ୟମରେ ସେ ସଦାସର୍ବଦା ଜୀବନ୍ତ ରହିବେ | ତାଙ୍କର ଅମର ଆତ୍ମା ର ସଦଗତି ପାଇଁ ସମସ୍ତେ ପାର୍ଥନା କରିଛନ୍ତି |