Odisha Janamata : ବେଗୁନିଆପଡା କେବରିଡା ମୁଖ୍ୟ ରାସ୍ତାରେ ଦୁଇ ବାଇକ ମୁହାଁମୁହିଁ ଧକ୍କା, 3 ଆହାତ

ବେଗୁନିଆପଡା କେବରିଡା ମୁଖ୍ୟ ରାସ୍ତାରେ ଦୁଇ ବାଇକ ମୁହାଁମୁହିଁ ଧକ୍କା, 3 ଆହାତ

26-Jul-2026

ବେଗୁନିଆପଡ଼ା କେ ବରିଡ଼ା ମୁଖ୍ୟ ରାସ୍ତାରେ ୨ ବାଇକ୍ ମୁହାଁମୁହିଁ ଧକ୍କା, ୩ ଆହତ l

ଓଡିଶା ଜନମତ ବେଗୁନିଆପଡା : 26/07/26
ଭଞ୍ଜ କିଶୋର ମହାରଣା :------
ଗଞ୍ଜାମ ଜିଲ୍ଲା ବେଗୁନିଆପଡ଼ା ଠାରୁ କେ ବରିଡ଼ା ମଝିରେ ଥିବା ଗୌଡ଼ ଗୌଡୁଣୀ ମନ୍ଦିର ମୁଖ୍ୟ ରାସ୍ତାରେ ସଡ଼କ ଦୁର୍ଘଟଣା ଘଟି ତିନି ଜଣ ଆହତ ହୋଇଥିବା ଖବର ହସ୍ତଗତ ହୋଇଛି l ଘଟଣାରୁ ପ୍ରକାଶ ରବିବାର ସନ୍ଧ୍ୟାରେ ଗୋଟିଏ ବୁଲେଟ ସହ ଗୋଟିଏ ସିଡି ଡିଲକ୍ସ ବାଇକ୍ ମୁହାଁମୁହିଁ ଧକ୍କା ହୋଇଥିଲା l ସମସ୍ତ ଆହତଙ୍କୁ କୋଦଳା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଆହତଙ୍କ ମଧ୍ୟରେ ଏସ୍ ଛଚିନା ଗ୍ରାମର ବାପ ପୁଅ ବୋଲି ସୂଚନା ମିଳିଛି l ବାପା ଘନଶ୍ୟାମ ସାହୁ ଓ ପୁଅ ଆଦିତ୍ୟ ସାହୁ କୋଦଳାରୁ ଏସ୍ ଛଚିନା ଆସୁଥିବା ବେଳେ ଗୌଡ଼ ଗୌଡୁଣୀ ମନ୍ଦିର ନିକଟସ୍ଥ ମୁଖ୍ୟ ରାସ୍ତାରେ ଅପରପଟୁ ଆସୁଥିବା ଏକ ବୁଲେଟ ସହ ମୁହାଁମୁହିଁ ଧକ୍କା ହୋଇଥିଲା l ବୁଲେଟ ଚାଳକ କେ ବରିଡ଼ାର ସନ୍ତୋଷ ଗିରି ବୋଲି ଜଣାପଡିଛି l ସମସ୍ତ ୩ ଆହତଙ୍କୁ କୋଦଳା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି l