Odisha Janamata : ଦିଗପହଣ୍ଡି ବିଧାୟକ ଙ୍କ କ୍ଷତିଗ୍ରସ୍ତ ଚାଷୀଙ୍କ ଫସଲ ପରିଦର୍ଶନ |

ଦିଗପହଣ୍ଡି ବିଧାୟକ ଙ୍କ କ୍ଷତିଗ୍ରସ୍ତ ଚାଷୀଙ୍କ ଫସଲ ପରିଦର୍ଶନ |

28-Dec-2024

ଫସଲ କ୍ଷୟକ୍ଷତି ପରିଦର୍ଶନ ରେ ଦିଗପହଣ୍ଡି ବିଧାୟକ ଲ

ଓଡିଶା ଜନମତ ବ୍ୟୁରୋ,

କୁକୁଡାଖଣ୍ଡି ଚଳିତବର୍ଷ ଖରିପ ଋତୁର ପାଚିଲା ଧାନକୁ ବାରମ୍ବାର ଆଘାତ ଦେଇଛି ବଙ୍ଗୋପସାଗରରେ ସୃଷ୍ଟି ହୋଇଥିବା ଲଗୁଚାପ ଜନିତ ବର୍ଷା ଜଳ l ଲଗାଣ ବର୍ଷା ଯୋଗୁଁ ଚାଷୀଙ୍କ ବର୍ଷକ ଅମଳ ଧାନ ଗୁଡିକ ବର୍ଷା ପାଣିରେ ସମ୍ପୂର୍ଣ ଭିଜିଯାଇଥିବା ବେଳେ ଭିଜା ଧାନ କୁ ନେଇ ଚିନ୍ତାପ୍ରକଟ କରିଛନ୍ତି ଚାଷୀ l ଗଞ୍ଜାମ ଜିଲ୍ଲା ର ବିଭିନ୍ନ ଅଞ୍ଚଳ ଚାଷୀ କ୍ଷତିଗ୍ରସ୍ତ ହୋଇଥିବା ବେଳେ କୁକୁଡାଖଣ୍ଡି ବ୍ଲକର ବିଭିନ୍ନ ଅଞ୍ଚଳରେ ଧାନ ନଷ୍ଟ ହୋଇଥିବା ଦେଖାଦେଇଛି l ଶୁକ୍ରବାର, ଶନିବାର ଲଗାତାର ପୂର୍ବାହ୍ନ ରେ ବାହାରି ନିଜ ଦିଗପହଣ୍ଡି ନିର୍ବାଚନ ମଣ୍ଡଳୀର ବର୍ଷା ଜନିତ ଫସଲ ନଷ୍ଟ ଜମି ପରିଦର୍ଶନ କରି କ୍ଷତିଗ୍ରସ୍ତ ଚାଷୀଙ୍କୁ ଆଶ୍ୱାସନା ଦେଇଛନ୍ତି ବିଧାୟକ ଡ଼ଃ.ସିଦ୍ଧାନ୍ତ ମହାପାତ୍ର l କୁକୁଡାଖଣ୍ଡି ବ୍ଲକ ଅନ୍ତର୍ଗତ ଜଗଦଳପୁର, ମସିହାଖାଲି, ଆଙ୍କୁଶପୁର, କୁକୁଡାଖଣ୍ଡି, ବଉଳଝୋଳି,ରହିଗାଁ,ଅନନ୍ତlଇ, ବନ୍ଥପଲ୍ଲୀ, ଲାଠି, ସମେତ ନିକଟବର୍ତ୍ତୀ ଗ୍ରାମ ଗୁଡିକ ପରିକ୍ରମା କରି ଚାଷଜମି ପରିଦର୍ଶନ କରିଥିବା ବେଳେ ଗଜା ଧାନ କୁ ନେଇ କ୍ଷତିଗ୍ରସ୍ତ ଚାଷୀଙ୍କୁ ସରକାରଙ୍କ ତରଫରୁ କ୍ଷତିପୂର୍ଣ୍ଣ ସହାୟତା ଏବଂ ପ୍ରଧାନ ମନ୍ତ୍ରୀ କୃଷି ବୀମା ଯୋଜନା ଧାନ ମଣ୍ଡିରେ ଧାନ କିପରି ସରଳିକୃତ ଉପାୟରେ ଚାଷୀ ସରକାର ଙ୍କୁ ବିକ୍ରୟ ହେବ ତାହା ଉପରେ ବିଧାୟକ ଶ୍ରୀ ମହାପାତ୍ର ଚାଷୀଙ୍କ ଠାରେ ବସି ଆଲୋଚନା କରି ଧାନ ବିକ୍ରି ସରଳି ଉପରେ ପ୍ରତିଶୃତି ଦେଇଛନ୍ତି l ବିଧାୟକଙ୍କ ଗ୍ରସ୍ତ ବେଳେ ପୂର୍ବତନ ସମବାୟ ସଭାପତି ସନାତନ ସଂଗ୍ରାମ ସିଂ, ବିଧାୟକ ପ୍ରତିନିଧି ନଳିନୀ ବିଷୟୀ,ତହସିଲଦାର ସପନ କୁମାର ସାହୁ, ବିଡ଼ିଓ ପୋଲ୍ଲବୀ ସ୍ୱାଇଁ, କୃଷି ଅଧିକାରୀ ସୁବ୍ରତ କୁମାର ବାରିକ,ମହନ୍ତ ଚିନ୍ମୟନନ୍ଦ ଦାସ, ମଣ୍ଡଳ ସଭାପତି ନନ୍ଦ କିଶୋର,ଫକୀର ବେହେରା,ବାପି ପ୍ରଧାନ ଙ୍କ ସମେତ ଜଗଦଳପୁର ସରପଞ୍ଚ କ୍ରାନ୍ତି ଦେବୀ, ସମିତିସଭ୍ୟ ରବୀନ୍ଦ୍ର ପାତ୍ର, ବହୁ ଚାଷୀ ଓ ସ୍ଥାନୀୟ ଆର.ଆଇ ଓ କୃଷି ବିଭାଗର କର୍ମଚାରି,ବିଧାୟକ ସମର୍ତକ ମାନେ ଉପସ୍ଥିତ ଥିଲେ l