Odisha Janamata : ଘରଭିତରେ ଶ୍ୱାସ ରୁଦ୍ଧ ହୋଇ ଗୋଟିଏ ପରିବାର ର ପାଞ୍ଚ ଜଣ ଙ୍କ ମୃତ୍ୟୁ |

ଘରଭିତରେ ଶ୍ୱାସ ରୁଦ୍ଧ ହୋଇ ଗୋଟିଏ ପରିବାର ର ପାଞ୍ଚ ଜଣ ଙ୍କ ମୃତ୍ୟୁ |

07-Jan-2025

ଶ୍ବାସରୁଦ୍ଧ ହୋଇ ଘର ଭିତରେ ୫ ମୃତ,
(ହୃଦୟ ବିଦାରକ ଦୃଶ୍ୟ |

ଓଡିଶା ଜନମତ ବ୍ୟୁରୋ,

ଜାମ୍ମୁ, : ବନ୍ଦ ଘରୁ ମିଳିଲା ୫ ଜଣଙ୍କ ମୃତଦେହ । ଶୋଇଥିବା ଅବସ୍ଥାରେ ଶ୍ଵାସରୁଦ୍ଧ ହୋଇ ଆଖବୁଜିଲେ ଗୋଟିଏ ପରିବାରର ୫ ଜଣ | ଜମ୍ମୁ-କଶ୍ମୀରର ରାଜଧାନୀ ଶ୍ରୀନଗରେ ଘଟିଛି ଏଭଳି କିଛି ହୃଦୟ ବିଦାରକ ଘଟଣା।
ସୂଚନା ଅନୁଯାୟୀ, ଶ୍ରୀନଗରର ପନ୍ଥେଥନ ଅଞ୍ଚଳ ରେ ରବିବାର ସନ୍ଧ୍ୟାରେ ଏହି ଘଟଣା ଘଟିଛି। ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି, ପ୍ରାଥମିକ ତଦନ୍ତରୁ ପନ୍ଥେଥନ ରେ ଭଡ଼ାରେ ରହୁଥ‌ିବା ପରିବାରର ପାଞ୍ଚ ଜଣ ଶ୍ଵାସରୁଦ୍ଧ ହୋଇ ମୃତ୍ୟୁ ହୋଇଥିବା ଜଣାପଡିଛି । ମୃତକଙ୍କ ମଧ୍ୟରେ ସ୍ୱାମୀ, ସ୍ତ୍ରୀ ଓ ସେମାନଙ୍କ ତିନି ପିଲା ଅଛନ୍ତି । ଏହି ପରିବାର ପନ୍ଥେ ଥନ ରେ ଭଡ଼ାରେ ରହୁଥିଲେ। ଏମାନେ ମୁଖ୍ୟତଃ ବାରାମୂଳା ର ବାସିନ୍ଦା ଥିଲେ । ପୂରା ଅଞ୍ଚଳରେ ଅଧିକ ଥଣ୍ଡା ଜାରି ରହିଥ‌ିବାରୁ ଘରେ ସମସ୍ତେ କବାଟ ବନ୍ଦ କରି ଶୋଇଥିଲେ । ତେବେ ଘରେ ଜଳା ଯାଇଥିବା ନିଆଁ ଧୂଆଁରୁ ଶ୍ଵାସରୁଦ୍ଧ ହୋଇ ଏମାନଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଛି ।
ଖବର ମିଳିବା ପରେ ପୁଲିସ ଘଟଣାସ୍ଥଳରେ ଳରେ ପହଞ୍ଚି ସେମାନଙ୍କୁ ହସ୍ପିଟାଲ ନେଇଥିଲା, ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ପୀଡ଼ିତଙ୍କ ପରିଚୟ ଏକାଜ ଅହମ୍ମଦ ଭଟ୍ଟ (୩୮), ପତ୍ନୀ ସଲୀମା (୩୨) ଏବଂ ତାଙ୍କ ତିନି ସନ୍ତାନ, ଅରିବ
(୩), ହମଜା (୧୮) ଏହି ଏବଂ ଆଉ ଜଣେ ୧ ମାସର ଶିଶୁ । ଏହି ଘଟଣାକୁ ନେଇ ପୂରା ଅଞ୍ଚଳରେ ଆତଙ୍କ ଖେଳି ଯାଇଛି । ପୁଲିସ ପୂରା ମାମଲାର ତଦନ୍ତ ଜାରି ରଖିଛି । ସେପଟେ ମୁଖ୍ୟମନ୍ତ୍ରୀ ଓମର ଅବଦୁଲ୍ଲା ଓ ଉପ-ରାଜ୍ୟପାଳ ମନୋହ ସିହ୍ନା ଘଟଣାକୁ ନେଇ ଗଭୀର ଶୋକ ପ୍ରକାଶ କରି ଛନ୍ତି । ସେ ଶୋକସନ୍ତପ୍ତ ପରିବାର ପ୍ରତି ସମବେଦନା ଜଣାଇଛନ୍ତି ।
ମୁଖ୍ୟତଃ ଶୀତ ଦିନେ ଥଣ୍ଡାରୁ ବର୍ତ୍ତିବା ପାଇଁ ଲୋକେ ଘରେ ଗ୍ୟାସ୍ ହିଟର ଏବଂ କୋଇଲା ଜାଳି ବସନ୍ତି । ତେବେ ଏଥିରୁ କାର୍ବନ ମନୋଅକ୍ସାଇଡ୍ ଭଳି ବିଷାକ୍ତ ଗ୍ୟାସ୍ ନିର୍ଗତ ହୋଇ ଲୋକଙ୍କ ମୃତ୍ୟୁ ହୋଇଥାଏ । ଆସନ୍ତା ୨୪ ଘଣ୍ଟା ମଧ୍ୟରେ କାଶ୍ମୀର ଅଞ୍ଚଳରେ ଅଧିକ ତୁଷାରପାତ ହେବା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ତେଣୁ ଖୋଲା ଅଗ୍ନି ରଣ ବ୍ୟବହାର କରୁଥିବା ଲୋକଙ୍କୁ ଅଧିକାରୀମାନେ ସତର୍କ କରିଛନ୍ତି ଯେ ଶୋଇବା ଘରେ ଏଭଳି ରୁମ ହିଟର କିମ୍ବା କୋଇଲା ଜାଳି ଶୋଇବା ନିମନ୍ତେ |