Odisha Janamata : କୁମ୍ଭାରୀ ପୁଟ ପଞ୍ଚାୟତ କାର୍ଯ୍ୟାଳୟ ରେ ଅଭିଯୋଗ ଶୁଣାଣି କାର୍ଯ୍ୟକ୍ରମ |

କୁମ୍ଭାରୀ ପୁଟ ପଞ୍ଚାୟତ କାର୍ଯ୍ୟାଳୟ ରେ ଅଭିଯୋଗ ଶୁଣାଣି କାର୍ଯ୍ୟକ୍ରମ |

03-Feb-2025

ପଞ୍ଚୟତାସ୍ତରୀୟ ଅଭିଯୋଗ ଶୁଣାଣି,

ଓଡିଶା ଜନମତ ବ୍ୟୁରୋ,

ବନ୍ଧୁଗାଁ ତା ୩/୨/୨୫ ବନ୍ଧୁଗାଁ ବ୍ଲକ ର କୁମ୍ଭାରିପୁଟ ପଞ୍ଚାୟତ କାର୍ଯ୍ୟଳୟରେ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣି ଅନୁଷ୍ଠିତ ହୋଇଯାଇଛି। ସରପଞ୍ଚ ଲୁଦ୍ର ଜାକାକାଙ୍କ ଅଧ୍ୟକ୍ଷତା ଓ ପିଓ ଅର୍ଜୁନ ଖେମୁଣ୍ଡୂ ଙ୍କ ତତ୍ତ୍ଵାବଧାନରେ ଆୟୋଜିତ ଅଭିଯୋଗ ଶୁଣାଣିରେ ଅତିରିକ୍ତ ତହସିଲଦାର ଜିତେନ୍ଦ୍ର ବାଗ ସଭାପତିତ୍ବ କରିଥିଲେ। ଏଥିସହ ବନ୍ଧୁଗାଁ ଥାନା ଭାର ପ୍ରାପ୍ତ ଥାନା ଅଧିକାରୀ ପ୍ରସନ୍ନ କୁମାର ମିଶ୍ର, ମଙ୍ଗଳ ବିଭାଗ,ବିଏସଏସଓ, ଶିକ୍ଷା ବିଭାଗ, ପ୍ରାଣୀ ଓ ପଶୁ ସମ୍ପଦ ବିଭାଗ, ଏ ଇ, ଜିପିଡିଓ, ସମସ୍ତ ଯନ୍ତ୍ରୀ, ସମସ୍ତ ଅଙ୍ଗନୱାଡ଼ି ଓଏମବିକେ ଓ ସି ଆର ପି ଉପସ୍ଥିତ ଥିଲେ। ଉପସ୍ଥିତ ସମସ୍ତ ବିଭାଗୀୟ ଅଧିକାରୀ ନିଜସ୍ୱ ବିଭାଗର ଯୋଜନା ଓ କାର୍ଯ୍ୟକ୍ରମ ସମ୍ପର୍କରେ ଲୋକଙ୍କୁ ସଚେତନ କରିଥିଲେ। ଅଭିଯୋଗ ଶୁଣାଣିରେ ଗୋଷ୍ଠିଗତ ଭାବେ ପିଇବା ପାଣି ୨ ଟି ଗାଁ ରେ ଥିବା ବେଳେ ଗୋଟିଏ ଗାଁ ରେ ବିକାଶ ମୂଳକ କାମ ପାଇଁ ରହିଥିଲା। ବ୍ୟକ୍ତିଗତ ଭାବେ ପ୍ରଧାନମନ୍ତ୍ରୀ ଆବାସ ଗୃହ, ଚାଉଳ କାର୍ଡ ଉପରେ ଅଭିଯୋଗ ଶୁଣାଣିରେ ଆସିଥିଲା। ଏଥିସହ ଚଳିତ ବର୍ଷ ରୁ ନୂତନ ଭାବେ ପ୍ରଧାନମନ୍ତ୍ରୀ ଆବାସ ଗୃହ ସର୍ଭେ ଓ ୮୦ ବର୍ଷ ରୁ ଉର୍ଦ୍ଧ ବୟସ୍କ ଙ୍କୁ ୩୫୦୦ ଟଙ୍କା ଭତ୍ତା ଉପରେ ଲୋକଙ୍କୁ ସଚେତନ କରିଥିଲେ।