Odisha Janamata : ପ୍ରଧାନ ଶିକ୍ଷକ ଶ୍ରୀଯୁକ୍ତ ହୀନ ନାୟକ ଙ୍କୁ ବିଦାୟ ସମ୍ବର୍ଦ୍ଧନା ପ୍ରଦାନ ଉତ୍ସବ ଅନୁଷ୍ଠିତ ||

ପ୍ରଧାନ ଶିକ୍ଷକ ଶ୍ରୀଯୁକ୍ତ ହୀନ ନାୟକ ଙ୍କୁ ବିଦାୟ ସମ୍ବର୍ଦ୍ଧନା ପ୍ରଦାନ ଉତ୍ସବ ଅନୁଷ୍ଠିତ ||

02-May-2025

ଖଲ୍ଲିକୋଟ : ପ୍ରଧାନ ଶିକ୍ଷକ ଶ୍ରୀଯୁକ୍ତ ହୀନ ନାୟକଙ୍କୁ ବିଦାୟ ସମ୍ବର୍ଦ୍ଧନା ପ୍ରଦାନ ଉତ୍ସବ ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ଅନ୍ତର୍ଗତ ଦାନପୁର କ୍ଲଷ୍ଟର ଅଧୀନସ୍ଥ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଛେଲୁର ପ୍ରଧାନଶିକ୍ଷକ ଶ୍ରୀଯୁକ୍ତ ହୀନ ନାହାକଙ୍କୁ ଦାନପୁର କ୍ଳଷ୍ଟର ତରଫରୁ ଗତ ତା:୩୦/୦୪/୨୫ ରିଖରେ ବିଦ୍ୟାଳୟର ପ୍ରଧାନଶିକ୍ଷକ କାର୍ଯ୍ୟରୁ ଅବସର ଗ୍ରହଣ କରିଥିବା ଶ୍ରୀଯୁକ୍ତ ହୀନ ନାହାକଙ୍କୁ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି । ଦାନପୁର କ୍ଲଷ୍ଟରର ସିଆରସିସି ଶ୍ରୀଯୁକ୍ତ ପ୍ରଶାନ୍ତ କୁମାର ସେଠୀଙ୍କ ତତ୍ତ୍ଵାବଧାନରେ କରଞ୍ଜରା ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବରେ ଏବିଇଓ ରବି ନାରାୟଣ ସେଠୀ ଅଧ୍ୟକ୍ଷତା କରିଥିବାବେଳେ ମଞ୍ଚ ପରିଚାଳନା କରିଥିଲେ ଶିକ୍ଷକ ବିଜୟ କୁମାର ତ୍ରିପାଠୀ ଓ ସୁରେନ୍ଦ୍ରନାଥ ବେହେରା । ମୁଖ୍ୟବକ୍ତା ଭାବେ ଶିକ୍ଷକ
ନାଗେଶ୍ୱର ବାରିକ ଯୋଗ ଦେଇ ବିଦାୟୀ ଶିକ୍ଷକ ହୀନ ସାରଙ୍କ ସାଙ୍ଗଠନିକ ଦକ୍ଷତା, କର୍ତ୍ତବ୍ୟ ପରାୟଣତା, ସ୍ପଷ୍ଟ ବାଦିତା, ସଂସ୍କାରଧର୍ମୀ ବିଚାର ଧାରା, ଅଭିନବ ଶିକ୍ଷାଦାନ କୈାଶଳ ଆଦି ବହୁବିଧ ଦିଗ ସମ୍ପର୍କରେ ସାରସ୍ୱତ ଆଲୋଚନା କରିଥିଲେ ।
ଅବସରପ୍ରାପ୍ତ ଶିକ୍ଷକ ହୀନ ନାହାକଙ୍କ ଜନ୍ମ ଗଂଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ୍ ଅନ୍ତର୍ଗତ ବାଣନଈ ଗ୍ରାମରେ ହୋଇଥିଲେ ହେଁ ସମଗ୍ର ଶିକ୍ଷକତା ଜୀବନ ଖଲ୍ଲିକୋଟ ବ୍ଲକ୍ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଏ. ନୂଆପଲ୍ଲୀ, ତୁଳସୀପୁର ପ୍ରକଳ୍ପ ଉ.ପ୍ରା. ବିଦ୍ୟାଳୟ, କରଞ୍ଜରା ଉ.ପ୍ରା. ବିଦ୍ୟାଳୟ ଏବଂ ପରିଶେଷରେ ଦାନପୁର କ୍ଲଷ୍ଟରର ଛେଲୁ ଉ.ପ୍ରା. ବିଦ୍ୟାଳୟରେ ସୁଦୀର୍ଘ ୩୪ ବର୍ଷ ସୂଚାରୁରୂପେ କର୍ତ୍ତବ୍ୟ ସମ୍ପାଦନ ପରେ ଗତ ତା ୩୦/୦୪/୨୫ରିଖରେ ବୃତ୍ତିଗତ ଜୀବନରୁ ଆନୁଷ୍ଠାନିକ ବିଦାୟ ନେଇଛନ୍ତି । ଜଣେ ଛାତ୍ର ବତ୍ସଳ, ମିଷ୍ଟଭାଷୀ, ବନ୍ଧୁ ପ୍ରେମୀ ଭାବେ ତାହାଙ୍କ ସୁନାମ କାଳେ କାଳେ ଉଜ୍ଜୀବିତ ରହିବ । ଏହି ଅବସରରେ ବିଦାୟୀ ପ୍ରଧାନ ଶିକ୍ଷକଙ୍କୁ ଶ୍ରଦ୍ଧା ସୁମନ, ଉତ୍ତରୀୟ ସହିତ ମାନପତ୍ର ପ୍ରଦାନ ପୂର୍ବକ ତାହାଙ୍କ ଅବସର ପରର ଜୀବନ ସୁଖ ଶାନ୍ତିପୂର୍ଣ୍ଣ ହେଉ ବୋଲି ଭଗବାନଙ୍କ ନିକଟରେ ପ୍ରାର୍ଥନା କରାଯାଇଥିଲା । ଉତ୍ସବରେ କ୍ଲଷ୍ଟରର ସମସ୍ତ ପ୍ରଧାନ ଶିକ୍ଷକ ଶିକ୍ଷୟିତ୍ରୀ, ସହକାରୀ ଶିକ୍ଷକ ଶିକ୍ଷୟିତ୍ରୀ ବୁଦ୍ଧିଜୀବୀ ଶିକ୍ଷାବିତ୍ ଅଞ୍ଚଳବାସୀ ବହୁ ସଂଖ୍ୟାରେ ଉପସ୍ଥିତ ଥିଲେ । ପରିଶେଷରେ ଦାନପୁର କ୍ଲଷ୍ଟରର ସିଆରସିସି ଶ୍ରୀଯୁକ୍ତ ପ୍ରଶାନ୍ତ କୁମାର ସେଠୀ ଧନ୍ୟବାଦ ଅର୍ପଣ କରି ସଭା ସାଂଗ କରିଥିଲେ I