Odisha Janamata : ଚିଲିକା ଭସା ପୋଲାରୁ ପାଣିରେ ଖସି ଜଣେ 70 ବର୍ଷିୟ ବୃଦ୍ଧଙ୍କ ମୃତ୍ୟୁ

ଚିଲିକା ଭସା ପୋଲାରୁ ପାଣିରେ ଖସି ଜଣେ 70 ବର୍ଷିୟ ବୃଦ୍ଧଙ୍କ ମୃତ୍ୟୁ

02-Jan-2026

ଭସା ପୋଲ ରୁ ଖସି ଜଣେ ବ୍ୟକ୍ତିଙ୍କ ମୃତ୍ୟୁ ,

ଓଡିଶା ଜନ ମତ ବ୍ୟୁରୋ,

ଘନ କୁହୁଡି ଯୋଗୁଁ ଭଷାପୋଲରୁ ପାଣିକି ଖସି ଜଣେ ବୃଦ୍ଧ ଙ୍କ ମୃତ୍ୟୁ |ଏପରି ଏକ ଅଭାବନୀୟ ଘଟଣା ଘଟିଛି ପୁରୀ ଜିଲା କୃଷ୍ଣପ୍ରସାଦ ବ୍ଳକ ସାତ ପଡା ଭସା ପୋଲରେ | ଘନ କୁହୁଡି ଯୋଗୁଁ ଏବଂ ମୁକୁଳା ବୋଟ ଯୋଗୁଁ ଜଣେ ବୃଦ୍ଧ ଙ୍କମୃତ୍ୟୁ ଘଟିଛି | ତାହା ହେଲା ସାତପଡା ଠାରୁ ଜହ୍ନିକୁଦା ଭସାପୋଲ ରେ ଯାତ୍ରା କରୁଥିବାବେଳେ ପାଣି ମଧ୍ୟକୁ ଖସି ପଡିଥିଲେ ଜଣେ ଯାତ୍ରୀ । ବହୁ ସମୟ ନିଖୋଜ ପରେ ପାଣିରେ ତାଙ୍କର ଟୋପି ଚପଲ ଭାସୁଥ‌ିବା ଦେଖ‌ିବାକୁ ମିଳିଥିଲା। ଜଳ ଯାତ୍ରା ପାଇଁ ସରକାର ସେଫଟି ଜ୍ୟାକେଟ ବାଧ୍ୟତାମୂଳକ କରିଥିବା
ବେଳେ ଭସାପୋଲରେ ତାହା ଆଦୌ ଦେଖୁବାକୁ ମିଳେନାହିଁ।ଭସାପୋଲର ଆଗ ପଛ ମୁକୁଳା ପଡ଼ିବା ବେଳେ ଯାତ୍ରୀଙ୍କୁ ନ ଯିବା ପାଇଁ କୌଣସି କଟକଣା କରାଯାଉନାହିଁ। ଯାହାଦ୍ବାରା ଯାତ୍ରୀ ଜଣକ ପାଣି ମଧ୍ୟକୁ ଖସି ପଡ଼ିଥିଲେ ମଧ୍ୟ କେହି ଦେଖ୍ ପାରିନାହାନ୍ତି। ଘନ କୁହୁଡି ଏ ବିପଦ ଘଟାଇ ପାରିଥିବା ସନ୍ଦେହ ହେଉଛି। ବହୁ ସମୟ ଖୋଜାଖୋଜି କରିବା ପରେ ନିଖୋଜ ଯାତ୍ରୀଙ୍କ ମୃତଦେହ ମିଳିଛି। ତେବେ ଚିଲିକା ଉର୍ଣ୍ନୟନ ବିଭାଗର ଭସାପୋଲରୁ ଖସି ମୃତ୍ୟୁ ଘଟିଥିବାବେଳେ ସେମାନଙ୍କ କୌଣସି ଚିନ୍ତା ନାହିଁ। ସାଧାରଣ ଲୋକ ମୃତଦେହକୁ ଉଦ୍ଧାର କରିଥିବା ବେଳେ ସାତପଡ଼ା ପୋଲିସ ଜବତ କରି ତଦନ୍ତ ଆରମ୍ଭ କରିଛି। ମୃତ ବ୍ୟକ୍ତିଙ୍କ ନାମ ଉମା ଶଙ୍କର ସାବତ(୬୦) ବୋଲି ଜଣାଯାଇଛି। ତାଙ୍କ ଘର ମାଲକାନଗିରି ବାଲିମେଳା ବୋଲି ଏକ ସୂଚନା ମିଳିଛି। ଏନେଇ ସାତପଡ଼ା ଚିଲିକା ଉର୍ନୟନ କତୃପକ୍ଷଙ୍କ କୌଣସି ମତାମତ ମିଳିପାରିନାହିଁ। ତେବେ ମୁକୁଳା ବୋଟ ଯୋଗୁଁ ଏପରି ଦୁର୍ଘଟଣା ଘଟିଲା ଯାହାକୁ ବି ଚିଲିକା ଉର୍ନ୍ନୟନ ଅଧିକାରୀ ମାନିବାକୁ କିମ୍ବା ତାର ବିକଳ୍ପ ବ୍ୟବସ୍ତା କରିବାକୁ ମଧ୍ୟ ଆଗ୍ରହ ପ୍ରକାଶ କରୁନାହାନ୍ତି | ପୁଣି କେତେଜଣ ଏପରି ବୋଟ ରୁ ପାଣିକି ଖସି ମଲେ ତାଙ୍କର ଚେତା ପଶିବ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି |