Odisha Janamata : ନିମାପଡା ଉପକାରାଗାର ମଧ୍ୟରେ ଜୈନିକ ମହିଳା କଏଦୀ ଙ୍କ ଆତ୍ମହତ୍ୟା |

ନିମାପଡା ଉପକାରାଗାର ମଧ୍ୟରେ ଜୈନିକ ମହିଳା କଏଦୀ ଙ୍କ ଆତ୍ମହତ୍ୟା |

24-Feb-2026

ନିମାପଡା ଉପକାରାଗାର ରେ ମହିଳା କଏଦୀ ଙ୍କ ଆତ୍ମ ହତ୍ୟା,

ଓଡିଶା ଜନ ମତ ବ୍ୟୁରୋ,

ନିମାପଡ଼ା ଉପକାରାଗାର ମଧ୍ୟରେ ଆଜିଗୋଟିଏ ଅଭାବ ନୀୟ ଘଟଣା ଘଟିଛି | ଜଣେ ବିଚାରାଧୀନ ମହିଳା କଏଦୀ ଅପରାହ୍ନରେ ଆତ୍ମହତ୍ୟା କରିଥିବା ଜଣାପଡିଛି। ସୂଚନା ମୁତାବକ ଡେଲାଙ୍ଗ ଉତ୍ତରବାଡ଼ ସ୍ଥିତ ଷଡ଼ଙ୍ଗେଇ ଗ୍ରାମର ମଧୁସ୍ମିତା ବରାଳ(୨୪) ନାମ୍ନୀ ମହିଳା ନିଜ ଝିଅର ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇ ଗତ ୦୬-୧୨-୨୦୨୫ ତାରିଖରୁ ନିମାପଡ଼ା ଉପ କାରାଗାରରେ ଜେଲଦଣ୍ଡ ଭୋଗୁଥିଲେ। ସୋମବାର ଅପରାହ୍ନରେ ମହିଳା ୱାର୍ଡରେ ଅନ୍ୟ କଏଦୀମାନେ ୱାର୍ଡ ବାହାରେ ବସିଥିବା ସମୟରେ ମହିଳା କଏଦୀ ଜଣକ ୱାର୍ଡ ଭିତରେ ଥିବା ଝରକା ସାହାଯ୍ୟରେ ଚଢି ଫ୍ୟାନରେ ନିଜ ପିନ୍ଧା ଲୁଗାକୁ ଗୁଡ଼ାଇ ଆତ୍ମହତ୍ୟା କରିଥିଲେ। ଜେଲ ମହିଳା କର୍ମଚାରୀ ସଙ୍ଗେସଙ୍ଗେ ଅଧିକ୍ଷକଙ୍କୁ ଜଣାଇବା ପରେ ଅପରାହ୍ନ ୩ଟା ୪୫ ସମୟରେ ଜେଲ ପକ୍ଷରୁ ମହିଳାଙ୍କୁ ନିମାପଡ଼ା ମେଡ଼ିକାଲରେ ଭର୍ତ୍ତି କରା ଯାଇଥିଲା। ମେଡ଼ିକାଲରେ ଡାକ୍ତର ମହିଳାଙ୍କୁ ମୃତ ଘୋଷଣା କରିଥିଲେ। ଏ ବାବଦରେ ଜେଲ ଅଧିକ୍ଷକ ସୁଶାନ୍ତ କୁମାର ରାଉତ ନିମାପଡ଼ା ଥାନାରେ ଏତଲା ଦେଇଥିବା ବେଳେ ନିମାପଡ଼ା ଥାନା ପକ୍ଷରୁ ଅପମୃତ୍ୟୁ ମାମଲା କେସ ନଂ ୩/୨୦୨୬ ରୁଜୁ କରାଯାଇ ତଦନ୍ତ ଚାଲିଥିବା ଥାନା ପକ୍ଷରୁ ଜଣାପଡିଛି। ଆସନ୍ତାକାଲି ସକାଳେ ପୁରୀ ମେଡିକାଲରେ ମୃତକଙ୍କର ଶବ ବ୍ୟବଚ୍ଛେଦ କରାଯିବ ବୋଲି ନିମାପଡ଼ା ଜେଲ ପକ୍ଷରୁ ସୂଚନା ମିଳିଛି। ଅନ୍ୟପଟରେ ନିମାପଡ଼ା ଉପକାରାଗାର ର ସୁରକ୍ଷା ବଳୟ ଭେଦକରି କଏଦୀ ଜଣକ କିଭଳି ଆତ୍ମହତ୍ୟା କଲେ ଏବଂ କେଉଁ କାରଣରୁ କଲେ ତାହା ଏବେ ସବୁଠାରେ ଚର୍ଚ୍ଚାର ବିଷୟ ପାଲଟିଛି।