Odisha Janamata : ଯେଉଁଠି ପୋଲିସ କୁ ଦିନରେ ଆକ୍ରମଣ, ସେଠାରେ ସାଧାରଣ ଲୋକଙ୍କ ଅବସ୍ଥା କଣ ହେବ |

ଯେଉଁଠି ପୋଲିସ କୁ ଦିନରେ ଆକ୍ରମଣ, ସେଠାରେ ସାଧାରଣ ଲୋକଙ୍କ ଅବସ୍ଥା କଣ ହେବ |

01-Mar-2026

ପୋଲିସ କର୍ମଚାରୀଙ୍କୁ ଦିନ ଦ୍ବି ପହର ରେ ଆକ୍ରମଣ କଲେ ଦୁବୃତ୍ତ |

ଓଡିଶା ଜନ ମତବ୍ୟୁରୋ,

ଯେଉଁଠି ପୋଲିସ ସୁରକ୍ଷିତ ନୁହେଁ ସେଠାରେ ଲୋକଙ୍କ ସୁରକ୍ଷା କେଉଁଠି ସୁରକ୍ଷି ରହି | ଦୁବୃତ୍ ମାନେ ଦିନ ଦ୍ବିପହ ରେ ଜଣେ ପୋଲି କନେଷ୍ଟ ବଲ ଙ୍କ ଉପରେ ଆକ୍ରମ କରୁଛନ୍ତି ସେଠାରେ ଲୋକଙ୍ ଅବସ୍ଥା କଣ ହେବ | ଏପରି ଏକ ଘଟଣା ଘଟିଛି, କନ୍ଧମାଳ ଜିଲ୍ଲା ଫୁଲବାଣୀ ସାଇ ମନ୍ଦିର ନିକଟରେ, ପୋଲିସ କନେଷ୍ଟବଳ କୁ ଦିନ ଦିପହରେ ଦୁଇ ଜଣ ମଦୁଆ ଦୃର୍ବୁତ୍ତ ମରଣାନ୍ତକ ଆକ୍ରମଣ କରି ତଳେ ପକେଇ ଜୀବନରୁ ମାରିଦେବାକୁ ଉଦ୍ୟମ କରୁଥିବା ବେଳେ, କିଛି ଦୂରରେ ଚାହା ପିଉ ଥିବା ଆଗଧାଡିର କାର୍ଯ୍ୟରତ ଜିଲ୍ଲା ସାମ୍ବାଦିକ ମାନେ ପୋଲିସ କର୍ମଚାରୀଙ୍କୁ ଦୃର୍ବୁତ୍ତ ଙ୍କ ନିକଟ ରୁ ଉଧାର କରି ଦୁଇ ମଦୁଆ ଦୃର୍ବୁତ୍ତ ଙ୍କୁ ପୋଲିସ ଜିମା ଦେବା ସହ ପୋଲିସ କନଷ୍ଟେବଳ ଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟ ରେ ଭର୍ତି କରିଥିଲେ l ସୂଚନା ଫୁଲବାଣୀ ସ୍ଥିତ ସାଲୁଙ୍କି ସାହିର ସନ୍ତୋଷ ପ୍ରଧାନ ଓ ଅଞ୍ଜନ ସ୍ବାଇଁ ବିନା ବର୍ଦ୍ଦିରେ ଥିବା ପୋଲିସ କନଷ୍ଟେବଳ ମନୋରଞ୍ଜନ ସାବତଙ୍କୁ କୌଣସି କାରଣ ରୁ ଝଗଡା କରି ସାଇମନ୍ଦିର ନିକଟରେ ତଳେ ପକାଇ ମୁହଁ , ବେକ, ଛାତି କୁ ଗୋଇଠା ଉପରେ ଗୋଇଠା ମାରିବା ସହ ଛୁରୀ ଓ ଓଜନ କରାଯାଉଥିବା ବଟକରା ଦ୍ଵାରା ଆକ୍ରମଣ କରିଥିଲେ l ଉପସ୍ଥିତ ଲୋକମାନେ ଏ ଦୃଶ୍ୟ ଦେଖୁଥିବା ବେଳେ, ଭୟରେ କେହି ସାମ୍ନା କୁ ଆସି ନଥିଲେ । ପରେ କିଛି ଦୂରରେ ଚାହା ପିଉଥିବା ସାମ୍ବାଦିକ ମାନେ ଖବର ପାଇ ଘଟଣା ସ୍ଥଳରେ ପହଞ୍ଚି ଉପସ୍ଥିତ ଲୋକ ମାନଙ୍କୁ ଡାକି ଦୁଇ ମଦୁଆ ଙ୍କ କବଳରୁ ପୋଲିସ କର୍ମଚାରୀ ଙ୍କୁ ବଞ୍ଚାଇବା ସହ, ସାମ୍ବାଦିକ ମାନେ ନିଜ କାର ରେ ଫୁଲବାଣୀ ଜିଲ୍ଲା ମୁଖ୍ୟ ହସ୍ପିଟାଲ ରେ ଭର୍ତ୍ତି କରିଥିଲେ । ଫୁଲବାଣୀ ଟାଉନ ଥାନା ପୋଲିସ ପହଞ୍ଚି ଦୁଇ ମଦୁଆ ଙ୍କୁ ଗିରଫ କରିବା ସହ, ମେଡିକାଲ ନେଇ ପ୍ରାଥମିକ ଚିକିତ୍ସା ପରେ, ଥାନାରେ ଅଟକ ରଖିଛି । ଏହି ଘଟଣା ସଂପର୍କରେ ୬୨/୨୬ରେ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି । ଆହତ ପୋଲିସ କର୍ମଚାରୀଙ୍କ ପତ୍ନୀ ମଧ୍ୟ ପୋଲିସ କର୍ମଚାରୀ ଥିବା ସୂଚନା ରହିଛି । ଫୁଲବାଣୀ ସହରରେ ଦିନବେଳେ ଯଦି ପୋଲିସ କର୍ମଚାରୀ ଉପରକୁ ଆକ୍ରମଣ ହେଉଛି , ତେବେ ପୋଲିସ ର ସୁରକ୍ଷା ବ୍ୟବସ୍ଥା କୁ ନେଇ ବୁଦ୍ଧିଜୀବୀ ମହଲ ରେ ଚର୍ଚ୍ଚା ସୃଷ୍ଟି କରିଛି | ଫୁଲବାଣୀ ସହର ରେ ମଦ୍ୟପ, ଗୁଣ୍ଡା ଶ୍ରେଣୀ ଲୋକ ମାନଙ୍କ ପ୍ରତି ପୋଲିସ ପ୍ରଶାସନ କୋଠର କାର୍ଯ୍ୟାନୁଷ୍ଠାନ ପାଇଁ ଦାବୀ ଦେଉଛି । ସେହି ଦୁର୍ବୁତ୍ତ ମାନଙ୍କ ଉପରେ କୋର୍ଟ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କଲେ ତାଙ୍କୁ ଦେଖି ଅନ୍ୟମାନେ ଏପରି କାମ କରିବାକୁ ପଛ ଘୁଞ୍ଚା ଦେବେ |