Odisha Janamata : ରାସ୍ତାରେ ଅଟକାଇ ଲୁଟିନେଲେ 10ହଜାର ଟଙ୍କା |

ରାସ୍ତାରେ ଅଟକାଇ ଲୁଟିନେଲେ 10ହଜାର ଟଙ୍କା |

01-Mar-2026

ରାସ୍ତାରେ ଅଟକାଇ ୧୦ ହଜାର ଟଙ୍କା ଲୁଟିନେଲେ ଲୁଟେରା,

ଓଡିଶା ଜନ ମତ ବ୍ୟୁରୋ,

ଦିନକୁ ଦିନ ଲୁତାରାମାନଙ୍କ ଦୌରାତ୍ମ୍ୟ ବଢ଼ି ଚାଲିଛି | ବ୍ୟବସାୟୀ, ବେଙ୍କ ଗାଡିକୁ ପିଛାକରି ଲୁଟି ନେଉଛନ୍ତି ଟଙ୍କା ସୁନା | ବାଇକ ରେ ଆସୁଥିବା ସମୟରେ ରାସ୍ତାରେ ଅଟକାଇ ଭୟଭୀତ କରି ଡକାୟତି କରି ୧୦ ହଜାର ଟଙ୍କା ଲୁଟି ନେଇଥିବା ଦଶମନ୍ତପୁର ଥାନାରେ ଲିଖିତ ଅଭିଯୋଗ ହୋଇଛି lକୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ପିଣ୍ଡାପଦର ପଞ୍ଚାୟତ ସ୍ଥିତ ମରିଚଗୁଡ଼ା ଗାଁ ପାଖରେ ତିନି ଜଣ ବାଇକ ରେ ଆସୁଥିବା ବେଳେ ଏଭଳି ଘଟଣା ଘଟିଥିବା ଜଣାପଡ଼ିଛି l ସୂଚନା ମୁତାବକ ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ଥାନା ଅଧିନସ୍ଥ କୁଜାଜାନିଗୁଡା ଗାଁ ର କେଶବ ଗୌଡ଼ ଭାଇ ମଙ୍ଗୁରୁ ଗୌଡ଼ ପୁତୁରା ଗଣେଷ ଏକ ବାଇକ ଯୋଗେ ଟିକିରି ନିକଟସ୍ଥ ଲଚୁଗୁଡ଼ାକୁ ବନ୍ଧୁ ବାନ୍ଧବ ଘରକୁ ଯାଇ ଅପରାହ୍ନ ୨:୩୦ ରେ ଫେରୁଥିବା ସମୟରେ ମରିଚଗୁଡ଼ା ନିକଟରେ ବାଇକ କୁ ଅଟକାଇ ଧମକଚମକ ଦେଇ ପାଖରେ ଥିବା ୧୦ଟଙ୍କା ନେଇଥିବା ବେଳେ ଛୁରୀଦେଖାଇ ଏକ ନିଛାଟିଆ ସ୍ଥାନକୁ ନେଇ ୨ଲକ୍ଷ ଟଙ୍କା ନ ଦେଲେ ଜୀବନରୁ ମାରିଦେବାକୁ ଧମକ ଦେଇ ଫୋନ ପେ କରିଦେବାକୁ ଏକ ନମ୍ବର ମଧ୍ୟ ଦେଇଥିଲେ ଏହି ସମୟରେ ପୋଲିସ ପହଞ୍ଚିବା ପରେ ୬ଜଣ ଡକାୟତ ବାଇକ ଛାଡ଼ି ହୋଇଯାଇଥିଲେ l ପୋଲିସ କେଶବ, ମଙ୍ଗୁରୁ ଓ ଗଣେଷ ଙ୍କୁ ଉଦ୍ଧାର କରିଥିବା ବେଳେ ଅନୁସନ୍ଧାନରେ ଜଣଙ୍କ ନାମ ଏତଲାରେ ଦର୍ଶାଯାଇଥିବା ଜଣାପଡିଛି l