Odisha Janamata : ଉଦ୍ଭିଦ ବିଜ୍ଞାନ ଅଧ୍ୟାପକ ଙ୍କୁ ବିଦାୟ ସମ୍ବର୍ଦ୍ଧନା

ଉଦ୍ଭିଦ ବିଜ୍ଞାନ ଅଧ୍ୟାପକ ଙ୍କୁ ବିଦାୟ ସମ୍ବର୍ଦ୍ଧନା

02-Mar-2026

ଉଦ୍ଭିଦ ବିଜ୍ଞାନ ବିଭାଗର ସ୍ଵାଗତ ସମ୍ବର୍ଦ୍ଧନା ଉତ୍ସବ

ଓଡିଶା ଜନ ମତ ବ୍ୟୁରୋ,

ପୁରୁଷୋତ୍ତମପୁର,,ତାରା ତାରିଣୀ ମହାବିଦ୍ୟାଳୟ, ପୁରୁଷୋତ୍ତମପୁର ର ଉଦ୍ଭିଦ ବିଜ୍ଞାନ ବିଭାଗ ପକ୍ଷରୁ ପୁରୁଷୋତ୍ତମପୁର ସହର ସ୍ଥିତ ମା` କନକା ମନ୍ଦିର ପ୍ରାଙ୍ଗଣ ରେ +୩ ପ୍ରଥମ ବର୍ଷ ସମ୍ମାନର ଛାତ୍ରଛାତ୍ରୀ ମାନଙ୍କ ପାଇଁ ଦ୍ୱିତୀୟ ଓ ତୃତୀୟ ବର୍ଷ ସମ୍ମାନର ଛାତ୍ରଛାତ୍ରୀଙ୍କ ଦ୍ବାରା ଏକ ସ୍ଵାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ମହାବିଦ୍ୟାଳୟର ମନସ୍ତତ୍ତ୍ୱ ବିଜ୍ଞାନ ବିଭାଗ ମୁଖ୍ୟ ଶ୍ରୀମତୀ ଯାମିନି ମିର୍ଦ୍ଧା ଯୋଗଦେଇ ପ୍ରଦୀପ ପ୍ରଜ୍ବଳନ ପୂର୍ବକ ନିଜ ବିଭାଗ ଓ ଉଦ୍ଭିଦ ବିଜ୍ଞାନ ବିଭାଗ ସହ କିପରି ସାମଞ୍ଜସ୍ୟ ରହିଛି ତାହା ବର୍ଣ୍ଣନା କରିଥିଲେ ଏବଂ ପ୍ରଥମ ବର୍ଷ ସମ୍ମାନର ଛାତ୍ରଛାତ୍ରୀ ମାନଙ୍କୁ ନିଜର ଆଗାମୀ ଭବିଷ୍ୟତ କୁ କିପରି ଉଜ୍ଜଳମୟ କରିପାରିବେ ସେ ସମ୍ବନ୍ଧରେ ବିସ୍ତୃତ ଭାବରେ ବକ୍ତବ୍ୟ ପ୍ରଦାନ କରିଥିଲେ। ଉଦ୍ଭିଦ ବିଜ୍ଞାନ ବିଭାଗୀୟ ମୁଖ୍ୟ ଶ୍ରୀଯୁକ୍ତ ଏନ. ମୋହନ ଛାତ୍ରଛାତ୍ରୀ ମାନଙ୍କୁ ନୂତନ ସଦସ୍ୟ ଭାବରେ ବିଭାଗକୁ ସ୍ଵାଗତ କରିବା ସହ ଉତ୍ତମ ଚରିତ୍ର ଗଠନ ଓ ଭବିଷ୍ୟତ ଜୀବନ ସମ୍ବନ୍ଧରେ ଅଭିଭାଷଣ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଅଧ୍ୟାପକ ଡଃ. ସୁଧାଂଶୁ ଶେଖର ମିଶ୍ର, ଅଧ୍ୟାପିକା ଋତୁପର୍ଣ୍ଣା ସ୍ବାଇଁ ପ୍ରମୁଖ ଛାତ୍ରଛାତ୍ରୀ ମାନଙ୍କୁ ସ୍ଵାଗତ କରିବା ସହ ସମସ୍ତଙ୍କ ଉଜ୍ଜଳ ଭବିଷ୍ୟତ କାମନା କରିଥିଲେ। ଦ୍ୱିତୀୟ ଓ ତୃତୀୟ ବର୍ଷର ଛାତ୍ରଛାତ୍ରୀମାନେ ବିଭାଗରେ ନିଜ ନିଜର ଅଭିଜ୍ଞତା ଉପରେ ଆଲୋକପାତ କରିଥିଲେ। ପୂର୍ବରୁ ଅନୁଷ୍ଠିତ ବିଦାୟ ସମ୍ବର୍ଦ୍ଧନା ଉତ୍ସବ କୁ ସଫଳ ରୂପାୟନ ଦେଇଥିବା ଛାତ୍ରଛାତ୍ରୀଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା।ଉକ୍ତ କାର୍ଯ୍ୟକ୍ରମ କୁ ବିଭାଗର ଆଲୋଚନା ଚକ୍ର ସମ୍ପାଦକ ଆଲୋକ ବେହେରା ପରିଚାଳନା କରିବା ସହ ଶେଷରେ ଧନ୍ୟବାଦ ଅର୍ପଣ କରିଥିଲେ। ସେହିପରି ଗତକାଲି ବିଭାଗୀୟ ଛାତ୍ର ଛାତ୍ରୀ ମାନେ ଅଧ୍ୟାପକ ଡ଼ଃ ସୁଧାଂଶୁ ଶେଖର ମିଶ୍ର ଙ୍କୁ ସମ୍ବର୍ଦ୍ଧନା କରିବା ଉଦ୍ଧେଶ୍ୟ ରେ ମା କନକାଠାକୁରାଣୀ ଙ୍କ ନିକଟରେ ଏକ ବୈଠକ ର ଆୟୋଜନ ବିଭାଗୀୟ ମୁଖ୍ୟ ଏନ ମୋହନ ଙ୍କ ସଂଯୋଜନା ରେ ଆରମ୍ଭ କରାଯାଇ ଥିଲା | ଅନ୍ୟ ମାନଙ୍କ ମଧ୍ୟରେ ମହାବିଦ୍ୟାଳୟ ର ପୂର୍ବତନ ପରିଚାଳନା ସଭାପତି ବାସୁଦେବ ମହାପାତ୍ର, ଅଧାପକ ପ୍ରକାଶ ଚନ୍ଦ୍ର ପଣ୍ଡା, ଡୋମନେଷ୍ଟେଟର ରାମ ପ୍ରସାଦ ପାତ୍ର, ଓଶ୍ରୀମତୀ ପ୍ରିୟଙ୍କା ମିଶ୍ର, ଋତୁପୂର୍ଣ୍ଣାସ୍ୱାଇଁ ଙ୍କସମସ୍ତ ଛାତ୍ର, ଛାତ୍ରୀ ଉପସ୍ଥିତ ରହି ଜଣେ ଅଭିଜ୍ଞା ଓ ହସ ହସ ବ୍ୟକ୍ତି ଡ଼ଃ ଅଧ୍ୟାପକ ସୁଧାଂଶୁ ଶେଖର ମିଶ୍ର ଙ୍କ ବିଦାୟ ସମ୍ବର୍ଦ୍ଧନା ଦେଇଥିଲେ | ଏହି କନକା ର କାର୍ଯ୍ୟକ୍ରମ କୁ ଆଲୋକ ବେହେରା ଉପସ୍ଥାପନା କରି ଥିଲେ |