Odisha Janamata : ହୋଲି ସାରି ପୋଖରୀ ରେ ଗାଧଉଥିଲା ବେଳେ ବୁଡିଗଲେ ବାପା ପୁଅ |

ହୋଲି ସାରି ପୋଖରୀ ରେ ଗାଧଉଥିଲା ବେଳେ ବୁଡିଗଲେ ବାପା ପୁଅ |

06-Mar-2026

ବାପା ଓ ପୁଅ ମୃତପୋଖରୀରେ ବୁଡି ମୃତ ||

ଓଡିଶା ଜନ ମତ ବ୍ୟୁରୋ,

ମୃତ୍ୟ ଯେ ଏପରିଆସେ ତାହ କେହିବ ଜାଣି ନଥାଏ | ସମସ୍ତେ ମିଶି ଏକ ଆନନ୍ଦ ଦାୟକ ପର୍ବ ରେ ସାମିଲ ହୋଇ ଥିଲେ, ଏବଂ ତାର କିଛିକ୍ଷଣ ମଧ୍ୟରେ ଗୋଟିଏ ଘର ର ଦୁଇଜଣ ଙ୍କ ଜୀବନ ଚାଲି ଯାଇଛି | ଏପରି ହୃଦୟ ବିଦାରକ ଘଟଣା ଘଟିଛି ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଗୋପାଳପୁର ଗାଁରେ ହୋଲି ପର୍ବରେ ବଡ଼ ଅଘଟଣ ଘଟିଛି । ପୋଖରୀରେ ବୁଡି ବାପ ଓ ପୁଅର ମୃତ୍ୟୁ ହୋଇଛି । ହୋଲି ଖେଳି ପୋଖରୀରେ ଗାଧୋଉଥିବା ସମୟରେ ବୁଡି ଯାଇଥିଲେ । ମୃତକ ହେଲେ ନୟାଗଡ଼ ଟାଉନଥାନା ଅନ୍ତର୍ଗତ ଦୁର୍ଗାପ୍ରସାଦ ମୁଣ୍ଡିଆସାହିର ଆଲୋକ ଦଳବେହେରା ଏବଂ ୫ ବର୍ଷର ପୁଅ ଚନ୍ଦ୍ର । ହୋଲି ପର୍ବ ପାଇଁ ଆଲୋକ ଶଶୁର ଘର ଗୋପାଳପୁରକୁ ଯାଇଥିଲେ । ଖେଳିବା ପରେ ଆଲୋକ ତାଙ୍କର ୫ବ ର୍ଷର ପୁଅକୁ ନେଇ ଅପରାହ୍ନ ପ୍ରାୟ ୨ ଟା ସମୟରେ ଘର ନିକଟ ପୋଖରୀକୁ ଗାଧୋଇବାକୁ ଯାଇଥିଲେ। ଦୀର୍ଘ ସମୟ ଧରି ଘରକୁ ନଫେରିବାରୁ ପରିବାର ଲୋକ ଏବଂ ଗ୍ରାମବାସୀ ଖୋଜିବାକୁ ପୋଖରୀ ନିକଟକୁ ଯିବାବେଳେ ପୋଖରୀ ତୁଠରେ ସେମାନଙ୍କ ଗାମୁଛା ଏବଂ ଚପଲ ପଡିଥିବା ଦେଖିବାକୁ ପାଇଥିଲେ । ପାଣି ଭିତରେ ପଶି ଖୋଜାଖୋଜି କରିବା ପରେ ସମ୍ପର୍କୀୟମାନେ ପୋଖରୀରୁ ଆଲୋକଙ୍କ ମୃତଦେହ ଉଦ୍ଧାର କରିଥିଲେ। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ପୁଅ ଶିଶୁର ମୃତଦେହକୁ ଉଦ୍ଧାର କରିଥିଲେ । ଉଭୟଙ୍କ ମୃତଦେହକୁ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯାଇଛି । ଏହାକୁ ନେଇ ଇଟାମାଟି ଥାନାରେ ଏକ ମାମଲା ରୁଜୁ ହୋଇଛି ।