Odisha Janamata : ଜିରୋ ନାଇଟ ଉତ୍ସବ ପାଳନ ବେଳେ ଅଘଟନ, ଫାଙ୍କା ଗୁଳି ଚାଳନା ସହ ଛୁରା ମାଡ଼ |

ଜିରୋ ନାଇଟ ଉତ୍ସବ ପାଳନ ବେଳେ ଅଘଟନ, ଫାଙ୍କା ଗୁଳି ଚାଳନା ସହ ଛୁରା ମାଡ଼ |

01-Jan-2025

ଜିରୋ ନାଇଟ୍‌ ସେଲିବ୍ରେସନ୍ ବେଳେ ଅଘଟଣ, ଫାଙ୍କା ଗୁଳିଚାଳନା ସହ ଛୁରାମାଡ଼,

**********************************
ଓଡିଶା ଜନମତ ବ୍ୟୁରୋ, ମାଧବ ବେହେରା,
ଖଲ୍ଲିକୋଟ ୦୧।୦୧ : ଜିରୋ ନାଇଟ୍‌ର ଅଘଟଣ । ଗଞ୍ଜାମ ଜିଲ୍ଲା ରମ୍ଭା ଥାନା ଖଲ୍ଲିକୋଟ ବ୍ଲକ ର ଗଣ୍ଡାପଲ୍ଲୀ ଓଡିଆର୍‌ପି କଲୋନିରେ ବ୍ଲାକ ଫାଇରିଂ ସହ ହୋଇଛି ଛୁରା ମାଡ଼ । ଯେଉଁଥିରେ ୪ ଜଣ ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ବିଳମ୍ବିତ ରାତିରେ ନୂତନ ବର୍ଷକୁ ସ୍ୱାଗତ କରିବା ସମୟରେ ଗଣ୍ଡାପଲ୍ଲୀ ଓଡିଆର୍‌ପି କଲୋନୀରେ ଭଡ଼ା ରହୁଥିବା କିଛି ଯୁବକଙ୍କ ସହ ବାହାରୁ ଆସିଥିବା ଅନ୍ୟ ଯୁବକଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ପୂର୍ବଶତ୍ରୁତାକୁ ନେଇ ଫାଙ୍କା ଗୁଳିଚାଳନା ସହ ଛୁରାମାଡ଼ ମଧ୍ୟ ହୋଇଥିଲେ । ଯେଉଁଥିରେ ୪ ଜଣ ଗୁରୁତର ହୋଇଥିଲେ । ପ୍ରଥମ ତାଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତରିତ କରାଯାଇଛି । ଅନ୍ୟପଟେ ଘଟଣା ସଂପର୍କରେ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଜାରି ରଖିଛି । ତେବେ ପୋଲିସର ପ୍ରାଥମିକ ତଦନ୍ତରୁ ପ୍ରେମ ବ୍ୟାପାରକୁ ନେଇ ପୂର୍ବରୁ ବିବାଦ ହୋଇଥିଲା ବୋଲି ଜଣାପଡିଛି । ତେବେ ଗୁଳିକାଣ୍ଡ ଘଟାଇଥିବା ଯୁବକ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡିଛି | ରମ୍ଭା ପୋଲିସ ଘଟଣା ସ୍ଥଳ ପରିଦର୍ଶନ କରି ଘଟଣା ସ୍ଥଳ ପରିଦର୍ଶନ କରି ତଦନ୍ତ ଆରମ୍ଭ କରିବା ସହ ଘଟଣା ରେ ସମ୍ପୃକ୍ତ ଥିବା ଆସାମୀ କୁ ଗିରଫ କରିବା ପାଇଁ ଉଦ୍ୟମ ଚଳାଇଥିବା ପ୍ରକାଶ |