Odisha Janamata : ବନ୍ଧୁଙ୍ଗା ତହସିଲ ଅଫିସ କାର୍ଯ୍ୟଳୟା ବିପଦ ସଂକୁଳ ଅବସ୍ଥାରେ |

ବନ୍ଧୁଙ୍ଗା ତହସିଲ ଅଫିସ କାର୍ଯ୍ୟଳୟା ବିପଦ ସଂକୁଳ ଅବସ୍ଥାରେ |

04-Feb-2025

ବିପଦ ସଙ୍କୁଳ ଅବସ୍ଥାରେ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ,

ଓଡିଶା ଜନମତ ବ୍ୟୁରୋ,

ବନ୍ଧୁଗାଁ ତା ୪/୨/୨୫:

କୋରାପୁଟ ଜିଲ୍ଲା ବନ୍ଧୁଗାଁ ତହସିଲ କାର୍ଯ୍ୟାଳୟର ସଦର ପଞ୍ଚାୟତରେ ଥିବା ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ ବିପଦ ସଙ୍କୁଳ ଅବସ୍ଥାରେ ଥିବା ଦେଖିବାକୁ ମିଳିଛି। ଦୀପ ତଳ ଅନ୍ଧାର ପରି ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ ଭିତର ଛାତରୁ ସିମେଣ୍ଟ ଖସି ପଡ଼ୁଥିବା ବେଳେ ଭିତରେ ବସି ଲୋକଙ୍କ କାମ କରିବା ବିପଦ ରହିଛି। ଛାତରୁ ସିମେଣ୍ଟ ଖସି ଲୁହା ଦେଖାଯାଉଥିବା ବେଳେ କାନ୍ତ ଗୁଡିକ ଫାଟି ଯାଇଛି। ଏହି କାର୍ଯ୍ୟଳୟରେ ପଞ୍ଚାୟତ ଲୋକଙ୍କ ଅନେକ ଜମିଜମା ସଂପର୍କିତ ନଥିପତ୍ର ରହିଛି। ପ୍ରତିଦିନ ଲୋକେ କାର୍ଯ୍ୟାଳୟକୁ ଆସି ରାଜସ୍ୱ ନିରୀକ୍ଷକଙ୍କୁ ସାକ୍ଷାତ କରି ଫେରି ଯାଇଥାନ୍ତି। ଏହି କାର୍ଯ୍ୟଳୟ ଟି କେଉଁ ମୂହୁର୍ତ୍ତ ରେ କଣ ହେବ ଲୋକେ ଭୟରେ ରହୁଛନ୍ତି। ସ୍ଥାନୀୟ ରାଜସ୍ୱ ନିରୀକ୍ଷକ ଙ୍କୁ ସାକ୍ଷାତ କରି ଏହାର ମରାମତି କାହିଁକି କରାଯାଉ ନାହିଁ ପଚାରିବାରୁ ବର୍ତ୍ତମାନ କାମ ଚାଲିଛି କିନ୍ତୁ ଠିକାଦାର ଛାତ ଉପରେ ହିଁ କାମ କରାଯିବ ,ଛାତ ତଳେ କାମ କରାଯିବ ନାହିଁ ବୋଲି କହିଥିବା ଜଣାଇଛନ୍ତି। ଏଥିପାଇଁ ଜିଲ୍ଲା ଓ ସ୍ଥାନୀୟ ବ୍ଲକ ପ୍ରଶାସନ ତରଫରୁ କାର୍ଯ୍ୟାଳୟକୁ ଭାଙ୍ଗି ନୂତନ ଭାବେ ତିଆରି କରିବା ପାଇଁ ସ୍ଥାନୀୟ ବାସିନ୍ଦା ସରକାରଙ୍କୁ ଅନୁରୋଧ କରିଛନ୍ତି।