Odisha Janamata : ଜଙ୍ଗଲ ସୁରକ୍ଷା ପାଇଁ ଆଦିବାସୀ ଙ୍କ ସଚେତନତା |

ଜଙ୍ଗଲ ସୁରକ୍ଷା ପାଇଁ ଆଦିବାସୀ ଙ୍କ ସଚେତନତା |

06-Feb-2025

ଜଙ୍ଗଲ ସୁରକ୍ଷା ପାଇଁ ସଚେତନତା,

ଓଡିଶା ଜନମତ ବ୍ୟୁରୋ,

ବନ୍ଧୁଗାଁ ତା ୬/୨/୨୫; ନାରାୟଣପାଟଣା ରେଞ୍ଜ ଅଧିନସ୍ଥ ବନ୍ଧୁଗାଁ ବ୍ଲକ ଆଲମଣ୍ଡା ୧ ଜଙ୍ଗଲ ବିଭାଗର ବନପାଳ ଅଜିତ ଖରାଙ୍କ ନେତୃତ୍ଵ ରେ ଜଙ୍ଗଲ ନିଆଁ ନିବାରଣ ନିମନ୍ତେ ଲୋକଙ୍କୁ ସଚେତନତା ସୃଷ୍ଟି କରାଯାଇଛି। ଆନ୍ଧ୍ର ସୀମାନ୍ତ ଅଞ୍ଚଳକୁ ଲାଗି ଥିବା ଘଞ୍ଚ ବଣଜଙ୍ଗଲ ଘେରା ପାହାଡ଼ ଗୁଡ଼ିକରେ ଲୋକେ ବସବାସ କରନ୍ତି। ଏମାନେ ସମସ୍ତେ ଜଙ୍ଗଲ ଉପରେ ନିର୍ଭର କରି ଚଳୁଥିବା ବେଳେ ଅନେକ ସମୟରେ ସଚେତନତାର ଅଭାବ ରୁ ଜଙ୍ଗଲରେ ନିଆଁ ଲଗାଇ ଦେଇଥାନ୍ତି। ଜଙ୍ଗଲରେ ନିଆଁ ଲାଗିବା ଯୋଗୁଁ ଅନେକ ବନ୍ୟପ୍ରାଣୀ , ଔଷଧୀୟ ଗୁଣ ଥିବା ବୃକ୍ଷ ଓ ମୂଲ୍ୟବାନ ଗଛ ଗୁଡିକ ନଷ୍ଟ ହୋଇ ଜଙ୍ଗଲ କ୍ଷୟ ବହୁ ପରିମାଣରେ ହେଉଛି। ଫଳରେ ଜଳବାୟୁ ପରିବର୍ତ୍ତନ ହେବା ସହ ଅସମୟରେ ବର୍ଷା ହେବା, ଆବଶ୍ୟକ ଅନୁସାରେ ବର୍ଷା ନ ହେଉଥିବା ଓ ପ୍ରବଳ ଗରମ ଅନୁଭୂତ ହେଉଥିବା ଯୋଗୁଁ ଆମେ ସମସ୍ତେ ସତର୍କ ରହିବା ଆବଶ୍ୟକ ରହିଛି। ଜଙ୍ଗଲ ବିଭାଗ ପକ୍ଷରୁ ଜଙ୍ଗଲରେ ନିଆଁ ନ ଲଗାଇବା ପାଇଁ ଡାକବାଜି ଯନ୍ତ୍ର ମାଧ୍ୟମରେ ଲୋକଙ୍କୁ ସାପ୍ତାହିକ ହାଟ ,ବଜାର ଛକ, ପ୍ରତି ଗାଁ କୁ ଯାଇ ସଚେତନ କରିବା ସହ ଗାଁ ଗହଳିକୁ ଯାଇ ଗୋଷ୍ଠିଗତ ଆଲୋଚନା କରାଯାଉଛି। ଯେଉଁ ମାନେ ଜଙ୍ଗଲରେ ନିଆଁ ଲଗାନ୍ତି ଜଙ୍ଗଲ ବିଭାଗ ଆଇନ ଅନୁଯାୟୀ ୭ ବର୍ଷ ଜେଲ ଦଣ୍ଡ ସହିତ ୨୫ ହଜାର ଟଙ୍କା ଜୋରିମାନା ବ୍ୟବସ୍ଥା ରହିଛି। ଜଙ୍ଗଲ ସୁରକ୍ଷା ସଚେତନତା ଅଭିଯାନରେ ଆଲମଣ୍ଡା ୧ ବନପାଳ ଙ୍କ ସମେତ , ପିଏନଜିଓ ଟିମ ଲିଡର ଓ ତାଙ୍କ କର୍ମଚାରୀ ରାଜେନ୍ଦ୍ର ମହାନନ୍ଦିଆ, ବନରଖି ସୁଶାନ୍ତ ପ୍ରଧାନ, ଆଲମଣ୍ଡା ୧ ର ବନ କର୍ମଚାରୀ, ଆଲମଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବାସୁ ଦେବ ଦେବରପଲ୍ଲୀ, ଓ ଅନେକ ୱାର୍ଡ ମେମ୍ବର ଉପସ୍ଥିତ ରହି ସଚେତନ କରିଥିଲେ।