Odisha Janamata : ଗଞ୍ଜାମ ଜିଲ୍ଳାର ଋଷିକୁଲ୍ୟା ନଦୀର ବିଭିନ୍ନ ସ୍ଥାନରେ ବାରୁଣୀ ବୁଡ଼ ପକାଇଲେ ଭକ୍ତ ମାନେ |

ଗଞ୍ଜାମ ଜିଲ୍ଳାର ଋଷିକୁଲ୍ୟା ନଦୀର ବିଭିନ୍ନ ସ୍ଥାନରେ ବାରୁଣୀ ବୁଡ଼ ପକାଇଲେ ଭକ୍ତ ମାନେ |

27-Mar-2025

ଗଞ୍ଜାମ ଜିଲ୍ଲା ଋଷିକୁଲ୍ୟା ନଦୀର ବିଭିନ୍ନ ସ୍ଥାନରେ ବାରୁଣୀ ବୁଢା ପକାଇଲେ ଶ୍ରଦ୍ଧାଳୁମାନେ |

ଓଡିଶା ଜନମତ ବ୍ୟୁରୋ,

ଗଞ୍ଜାମ ଜିଲ୍ଲା ରେ ପ୍ରବାହିତ ପୁରୁଷୋତ୍ତମପୁର ବ୍ଲକ ଅନ୍ତର୍ଗତ ଋଷିକୁଲ୍ୟା ନଦୀ ଉତ୍ତର ବାଙ୍କ ହୋଇ ପ୍ରବାହିତ ହେଉଥିବା ଜାମୁନି ଓ ପାଣ୍ଡିଆ, ଏବଂ ପ୍ରତାପୁର ତୁମ୍ବେଶ୍ୱର ପୀଠ ସମ୍ମୁଖରେ ଆଜି ବାରୁଣୀ ବୁଡ଼ ପଡୁଥିବାରୁ ହଜାର, ହଜାର ଶ୍ରଦ୍ଧାଳୁ ପିତୃ ପୁରୁଷ ଙ୍କ ଅସ୍ତି ବିସର୍ଜନ, ପିଣ୍ଡ ଦାନ, ସ୍ନାନ ସଂକଳ୍ପ, ଶ୍ରାଦ୍ଧ କାର୍ଯ୍ୟ କରିଛନ୍ତି | ସେହିପରି ଆସ୍କା ବ୍ଲକ ର ଋଷିକୁଲ୍ୟା ନଦୀ ରେ ବୁଡ଼ ପକାଇ ଛନ୍ତି | କାରଣ ଋଷିକୁଲ୍ୟା ଗଙ୍ଗା ନଦୀ ଠାରୁ ହଜାରେ ବର୍ଷ ରେ ବଡ଼ ଏହି ସ୍ଥାନ ଗୁଡିକ ଉତ୍ତର ବାଙ୍କ ହୋଇଥିବାରୁ ଏଠାରେ ପିତୃ ପୁରୁଷଙ୍କ କାର୍ଯ୍ୟ କଲେ ମୋକ୍ଷ ପ୍ରାପ୍ତି ହେବାର କିମ୍ବଦନ୍ତୀ ଓ ଲୋକ କଥା ରହିଛି | କାରଣ ଏହି ନଦୀ କୂଳ ରେ ପ୍ରଭୁରାମଚନ୍ଦ୍ର ଲାଉ ତୁମ୍ବା କୁ ପୂଜକରି ତାହା ନଦୀରେ ଭସେଇଦେବାକୁ ଯିବାବେଳେ ତାହା ଉଠି ନଥିଲା | ତେଣୁ ସେହି ଲାଉ ତୁମ୍ବାକୁ ପ୍ରଭୁ ତୁମ୍ବେଶ୍ୱର ନାମ ଦେଇ ପିତୃ ପୁରୁଷ ଙ୍କୁ ଜଳ ତର୍ପଣ ଦେଇଥିଲେ |
ଏହି କିମ୍ବଦନ୍ତୀପୂର୍ଣ ପ୍ରତାପୁର ଗ୍ରାମ ଋଷିକୁଲ୍ୟା ନଦୀ ଉତ୍ତରବାଙ୍କ ତୁମ୍ବେଶ୍ବର ଘାଟରେ ବାରୁଣୀ ସ୍ନାନ ଅବସରରେ ଗୁରୁବାର ହଜାର ହଜାର ସଂଖ୍ୟାରେ ଭକ୍ତ ବୁଡ଼ ପକାଇଛନ୍ତି। ଏହା ସହ ପିତୃପୁରୁଷଙ୍କ ଶ୍ରାଦ୍ଧ କରିବା ସହ ମୃତବ୍ୟକ୍ତିଙ୍କ ଅସ୍ଥି ବିସର୍ଜନ କରିଛନ୍ତି। ବୁଡ଼ ପକାଇବା ଲାଗି ବୁଧବାର ସନ୍ଧ୍ୟାରୁ ଭକ୍ତଙ୍କ ଭିଡ଼ ଜମିଥୂଲା। ସମଗ୍ର ପ୍ରତାପୁର ଗ୍ରାମ ଓ ଋଷିକୁଲ୍ୟା ନଦୀ, ଓ ଆସ୍କା ନଦୀରେ ଲୋକାରଣ୍ୟ ହୋଇପଡ଼ିଛି। ଦୀର୍ଘବର୍ଷହେଲା ଚୈତ୍ରମାସର ତ୍ରୟୋଦଶି ତିଥ୍‌ ଓ ମଘା ନକ୍ଷତ୍ର ରେ ବାରୁଣୀସ୍ନାନ କଲେ ମୋକ୍ଷ ପ୍ରାପ୍ତି ହେବାର ବିଶ୍ୱାସ ରହିଛି | ଭକ୍ତଙ୍କ ସୁବିଧା ଲାଗି ତୁମ୍ବେଶ୍ବର ମନ୍ଦିର ପ୍ରଶାସନ ଓ ପ୍ରତାପୁର ପଞ୍ଚାୟତ କାର୍ଯ୍ୟାଳୟ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିବା ବେଳେ ପୁରୁଷୋତ୍ତମପୁର ଏସ୍‌ଡିପିଓ ଡ.ଦୀପକ କୁମାର ମିଶ୍ର ଓ ଆଇଆଇସି ରାଜେଶ କୁମାର ନାୟକଙ୍କ ସମେତ ପୋଲିସ ଫୋର୍ସ ମୁତୟନ ରହି ଆଇନଶୃଙ୍ଖଳା ଓ ଟ୍ରାଫିକ୍ ସମସ୍ୟାକୁ ନିୟନ୍ତ୍ରଣ କରିବାରେ ଲାଗିଛନ୍ତି। ସେହିପରି ଆସ୍କା ବ୍ଲକ ର ପୋଲିସ ତରଫରୁ ମଧ୍ୟ ସବୁ ପ୍ରକାର ବ୍ୟବସ୍ତା କରାଯାଇଛି | ସେହିପରି ଲୋକଙ୍କ ଭିଡ଼କୁ ଦେଖି ବ୍ୟବସ୍ୟାୟୀ ମାନେ ବିଭିନ୍ନ ପସରା ଖୋଲି ବ୍ୟବସାୟ କରିଛନ୍ତି |