Odisha Janamata : ମଇଁଷି ଚରାଳି ନିଖୋଜ, 24 ଘଣ୍ଟା ପରେ ପୋଖରୀରୁ ମିଳିଲା ମୃତ ଦେହ ||

ମଇଁଷି ଚରାଳି ନିଖୋଜ, 24 ଘଣ୍ଟା ପରେ ପୋଖରୀରୁ ମିଳିଲା ମୃତ ଦେହ ||

23-Dec-2025

ମଇଁଷି ଚରେଇବାକୁ ଯାଇଥିବା କୈଳାଶ ନିଖୋଜ, ୨୪ ଘଣ୍ଟା ପରେ ପୋଖରୀ ଭିତରୁ ମିଳିଲା ମୃତଦେହ,

ଓଡିଶା ଜନ ମତ, ବିକାଶ ଚନ୍ଦ୍ର ସାହୁ,
ଖଲ୍ଲିକୋଟ --୨୩/୧୧/୨୦୨୫:

ମଇଁଷି ଚରେଇବାକୁ ଯାଇଥିବା କୈଳାଶ ନିଖୋଜ ହୋଇ ଯାଇଥିଲେ। ୨୪ ଘଣ୍ଟା ପରେ ପୋଖରୀ ଭିତରୁ ମିଳିଲା ମୃତଦେହ। ଖୋଜି ଖୋଜି ନିରାଶ ହେବା ପରେ ଘର ଲୋକେ ଆଜି ଥାନା ରେ ଅଭିଯୋଗ କରିଥିଲେ। ଖଲ୍ଲିକୋଟ ଥାନା ଅନ୍ତର୍ଗତ ବାଣିଆ ଗ୍ରାମ ର କୈଳାଶ ଗୌଡ଼ (୪୫)। ପ୍ରାୟ ୫୦ ଗୋଟି ମଇଁଷି ପାଳନ କରି କ୍ଷୀର ବ୍ୟବସାୟ ଦ୍ୱାରା ବେଶ ଦି ପଇସା ରୋଜଗାର କରୁଥିଲେ। ଶନିବାର ଦିନ ୧୦ ଟାରେ କୈଳାଶ ମଇଁଷି ପଲ ଚରେଇବା ପାଇଁ ବାଣିଆ ନିକଟସ୍ଥ ଖାରିଣୀପଡ଼ା ଗ୍ରାମ କୁ ଯାଇଥିଲେ। ଦିନ ୧୨ ଟା ପରେ ମଇଁଷି ମାନେ ସେଠାରେ ଚରୁଥିବା ବେଳେ କୈଳାଶ ଙ୍କ ଦେଖା ନଥିଲା। ଏହା ଶୁଣି ପରିବାର ଲୋକେ ସେଠାରେ ପହଂଚି ଖୋଜା ଖୋଜି କରିଥିଲେ ମଧ୍ୟ କୈଳାଶ ଙ୍କ ସନ୍ଧାନ ମିଳି ନଥିଲା। ଖବର ପାଇ ଖଲ୍ଲିକୋଟ ଅଗ୍ନିଶମ ବାହିନୀ ପହଂଚି ନିକଟରେ ଥିବା ଏକ ଦଳ ଦଳିଆ ପୋଖରୀ ରେ ସନ୍ଧ୍ୟା ପର୍ଯ୍ୟନ୍ତ ଖୋଜି ଥିଲେ ମଧ୍ୟ କୌଣସି ସନ୍ଧାନ ନ ପାଇ ଫେରି ଆସିଥିଲେ। ନିରାଶ ହୋଇ କୈଳାଶ ଙ୍କ ପତ୍ନୀ ବନିତା ଗୌଡ଼ ଆଜି ଖଲ୍ଲିକୋଟ ଥାନା ରେ ସ୍ୱାମୀ ଙ୍କ ନିଖୋଜ ସମ୍ପର୍କ ରେ ଏତଲା ଦାଖଲ କରିଥିଲେ।ଆଜି ମଧ୍ୟାହ୍ନ ରେ ପୁଣି ଅଗ୍ନିଶମ ବାହିନୀ ପୋଖରୀ ଭିତରେ ରବର ବୋଟ ଦ୍ୱାରା ଖୋଜାଖୋଜି କରିବା ପରେ ପୋଖରୀ ଭିତରୁ ନିଖୋଜ କୈଳାଶ ଗୌଡ଼ ଙ୍କ ମୃତଦେହ ମିଳିଥିଲା। ଖବର ପାଇ ପୁଲିସ ପହଂଚି ମୃତଦେହ କୁ ଜବତ କରି ବ୍ୟବଛେଦ ନିମନ୍ତେ ପଠାଇଛି। ଏ ସମ୍ପର୍କ ରେ ଖଲ୍ଲିକୋଟ ଥାନା ରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଜଣାପଡ଼ିଛି।