Breaking
News
Breaking
News
Breaking
News
03-Feb-2026
ରାଷ୍ଟ୍ରପତିଙ୍କ ଗସ୍ତ ପାଇଁ ଯାଜପୁର ଜିଲ୍ଲା ର 48 ଗୋଟି ସ୍କୁଲ କୁ ଛୁଟି ଘୋଷଣା କଲେ ଜିଲ୍ଲାପାଳ,
ଓଡିଶା ଜନ ମତ ବ୍ୟୁରୋ,
ମଙ୍ଗଳବାର ଯାଜପୁରରେ ୪୮ ସ୍କୁଲ୍ ଛୁଟି । ଯାଜପୁର ପୌରାଂଚଳର ୪୮ସରକାରୀ ଓ ବେସରକାରୀ ସ୍କୁଲ୍ ବନ୍ଦ ରହିବ। ରାଷ୍ଟ୍ରପତି ଦ୍ରୌପଦୀ ମୁଁ ଙ୍କ ଗସ୍ତକୁ ଦୃଷ୍ଟିରେ ରଖି ଜିଲ୍ଲାପାଳ ସ୍କୁଲ ଛୁଟି ଘୋଷଣା କରିଛନ୍ତି । ସୂଚନା ଥାଉକି, ଆସନ୍ତାକାଲି ରାଷ୍ଟ୍ରପତି ଯାଜପୁର ଆସୁଛନ୍ତି । ଏଥିପାଇଁ ଚଳଚଂଚଳ ହୋଇ ଉଠିଛି ଯାଜପୁର ସହର । ରାଷ୍ଟ୍ରପତିଙ୍କ ଗସ୍ତ ନିମନ୍ତେ ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ପୁଲିସ ପ୍ରଶାସନ, ମନ୍ଦିର ପ୍ରଶାସନ ଦିନରାତି ଏକ୍ କରି ଦେଇଛନ୍ତି । ସହରର ବିଭିନ୍ନ ସ୍ଥାନକୁ ସଫା ସୁତୁରା କରାଯାଇଛି । ଅସମ୍ପୂର୍ଣ୍ଣ ଥିବା କାମକୁ ସମ୍ପୂର୍ଣ୍ଣ କରାଯାଉଛି । ଏନସି କଲେଜ ଛକ ଠାରୁ ମେଡିକାଲ ଛକ ପର୍ଯ୍ୟନ୍ତ ଲମ୍ବିଥିବା ରାସ୍ତାକୁ ପରିଷ୍କାର କରାଯାଇଛି । ମେଡିକାଲ ଛଳରୁ ବିରଜା ମନ୍ଦିର ପର୍ଯ୍ୟନ୍ତ ଲମ୍ବିଥିବା ରାସ୍ତାକୁ ସମ୍ପୂର୍ଣ ପିଚୁ କରାଯିବା ସହ ଧଳା ରଙ୍ଗରେ ସେଡିଂ କରାଯାଇଛି । ରାଷ୍ଟ୍ରପତି ଆକାଶ ମାର୍ଗରୁ କୁସୁମା ସମ୍ମୁଖ ପ୍ରଶାସନିକ ଭବନ ପଡ଼ିଆରେ ଅବତରଣ କରିବେ । ଏଣୁ ଏହି ପଡ଼ିଆକୁ ସମ୍ପୂର୍ଣ୍ଣ ଭାବେ ପିଚୁକରାଯାଇ ଏହାର ଚତୁଃପାର୍ଶ୍ଵରେ ବ୍ୟାରିକେଡ୍ ନିର୍ମାଣ କରାଯାଇଛି । ପଡ଼ିଆର ତିନୋଟିସ୍ଥାନରେ ଅସ୍ଥାୟୀ ହେଲିପ୍ୟାଡ୍ ନିର୍ମାଣ କରାଯାଇଛି । ରାଷ୍ଟ୍ରପତି ଯାଜପୁରର ଅଧିଷ୍ଠାତ୍ରୀ ଦେବୀ ମା` ବିରଜାଙ୍କୁ ଦର୍ଶନ କରିବା ସହିତ ପୂଜାର୍ଚ୍ଚନା କରିବେ । ପୂଜା ପରେ ନାଭିଗୟାରେ ପିଣ୍ଡଦାନ କରିବାର କାର୍ଯ୍ୟକ୍ରମ ରହିଛି । ତେଣୁ ବିରଜା ମନ୍ଦିରକୁ ଭଲ ଭାବରେ ସଫା କରାଯାଇ ମନ୍ଦିରକୁ ବିଭିନ୍ନ ରଙ୍ଗରେ ରଙ୍ଗାୟିତ କରାଯାଉଛି । ମନ୍ଦିରର ବାହାର ଭିତରକୁ ସମ୍ପୂର୍ଣ ଭାବେ ପାଣିରେ ଧୁଆ ଯାଇ ସଫାସୁତରା କରାଯାଉଛି । । ଏପରିକି ମନ୍ଦିରରେ ନିର୍ମିତ ପଥରର ପାଚେରିକୁ ମଧ୍ଯ ଳାନିସ ପକାଯାଇ ଚକାଚକ କରାଯାଉଛି । ମନ୍ଦିର ଚତୁଃପାଶ୍ୱର୍କୁ ଆଲୋକୀକରଣ କରାଯାଇଛି । ମନ୍ଦିର ପରିସରରେ ଥିବା ସମସ୍ତ ଦେବାଦେବୀଙ୍କ ମନ୍ଦିରକୁ ମଧ୍ୟ ବିଭିନ୍ନ ରଙ୍ଗରେ ରଙ୍ଗାଯାଇ ନୂଆ ରୂପ ଦିଆଯାଉଛି । ଦୀର୍ଘ ଦିନ ଧରି ଅବହେଳିତ ଅବସ୍ଥାରେ ପଡ଼ି ରହିଥୁବା ବ୍ରହ୍ମକୁଣ୍ଡ ମଧ୍ୟ ଇତି ମଧ୍ୟରେ ନୂଆ ରୂପ ପାଇ ସାରିଛି । ବ୍ରହ୍ମକୁଣ୍ଡର ଚତୁଃପାଶ୍ୱର୍କୁ ସଫାସୁତରା କରାଯିବା ସହିତ ଧଳା ରଙ୍ଗ ଦିଆ ସରିଲାଣି । ମା’ଙ୍କୁ ଏକ ସ୍ୱତନ୍ତ୍ର ବେଶରେ ସଜ୍ଜିତ କରାଯିବାର କାର୍ଯ୍ୟକ୍ରମ ରହିଛି । ରାଷ୍ଟ୍ରପତିଙ୍କ ମନ୍ଦିରରୁ ପ୍ରସ୍ଥାନ-ପର୍ଯ୍ୟନ୍ତ ସର୍ବସାଧାରଣ ଦର୍ଶନାର୍ଥୀ ଭକ୍ତଙ୍କ ଉପରେ କଟକଣା ଜାରି କରାଯାଇଛି । ମନ୍ଦିର ପ୍ରଶାସନ ପକ୍ଷରୁ ବଛା ବଛା ହାତଗଣତି ୮ରୁ ୧୦ ଜଣ ସେବାୟତ ଉପସ୍ଥିତ ରହି ରାଷ୍ଟ୍ରପତିଙ୍କ ପୂଜାକାର୍ଯ୍ୟ ଓ ନାଭିଗୟାରେ ପିଣ୍ଡଦାନକୁ ସମ୍ପାଦନ କରିବେ ବୋଲି । ସେବାୟତଙ୍କ ତାଲିକା ନିର୍ଦ୍ଧାରଣ ହୋଇସାରିଲାଣି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ୬ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି । ରାଷ୍ଟ୍ରପତି ସ୍ୱତନ୍ତ୍ର ବିମାନ ଯୋଗେ ଆସି ସୋମବାର ସନ୍ଧ୍ୟା ୬ଟା ୪୦ ମିନିଟ୍ ରେ ଭୁବନେଶ୍ଵର ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନବନ୍ଦରରେ ପହଂଚିଛନ୍ତି । ରାଷ୍ଟ୍ରପତିଙ୍କ ସୁରକ୍ଷା ପାଇଁ ରାଜଧାନୀର ବିମାନବନ୍ଦର-
ଓ ଲୋକଭବନ ହାଇଆଲର୍ଟରେ ରହିବ । ଲୋକଭବନକୁ ନୋ-ପ୍ଲାଇଂ ଜୋନ୍ ଘୋଷଣା କରିଛି ପୁଲିସ । ଡିସିପି ଜଗମୋହନ ମୀନା କହିଛନ୍ତି ଯେ ରାଷ୍ଟ୍ରପତିଙ୍କସୁରକ୍ଷା ପାଇଁ ପ୍ରାୟ ୩୨ ପ୍ଲାଟୁନ ଫୋର୍ସ ସହରକୁ ଜଗିବେ ।
Copyright @ 2024 All rights reserved. ଓଡିଶା ଜନମତ
BACK TO TOP