11-Jan-2025

ଖଲ୍ଲିକୋଟ ରେ ବିକାଶ ବଦଳ ରେ ବିନାଶ ଆଡକୁ  ମୁଁହାଉଛି ବିଜେପି, ନୂଆ ମଙ୍ଗୁଆଳ ସନ୍ଧାନ ରେ ବିଜେଡି, 60 ବର୍ଷ ଧରି ଖାଲି ହାତରେ କଂଗ୍ରେସ | 
********************************
ଓଡିଶା ଜନମତ, ଖଲ୍ଲିକୋଟ, ମାଧବ ବେହେରା, 11/1:

ଖଲ୍ଲିକୋଟ ବିଧାନସଭା ନିର୍ବାଚନ ମଣ୍ଡଳୀ ଗଞ୍ଜାମ ଜିଲ୍ଲା ର ଐତିହାସିକ, ପର୍ଯ୍ୟଟନ ଭିତିକ ଓ କୃଷି  ସମ୍ବଳ ଓ ଦାଦନ ପ୍ରବଣ ନିର୍ବାଚନ ମଣ୍ଡଳୀ | ଗତ 1963 ମସିହା ଠାରୁ ଆରମ୍ଭ କରି 2024 ମସିହା ପର୍ଯ୍ୟନ୍ତ ବହୁ ବିଧାୟକ ଓ ସାଂସଦ କ୍ରମାଗତ ଭାବେ ନର୍ବାଚିତ ହୋଇ ଆସିଥିଲେ ମଧ୍ୟ ଖଲ୍ଲିକୋଟ ନିର୍ବାଚନ ମଣ୍ଡଳୀ କୌଣସି ଆକ୍ଷି ଦୃଷ୍ଟିଆ ବିକାଶ ହୋଇ ପାରିନି | ଗଞ୍ଜାମ ର ଅନ୍ୟ ନିର୍ବାଚନ ମଣ୍ଡଳୀ ତୁଳନା ରେ ଖଲ୍ଲିକୋଟ ରେ ସମତୁଲ ବିକାଶ ହୋଇ ପାରିନି | ଖଲ୍ଲିକୋଟ ନିର୍ବାଚନ ମଣ୍ଡଳୀ ରେ ଥିବା ଅଧିଷ୍ଠାତ୍ରୀ ଦେବୀ ଭାଲେରି ପାହାଡ଼ ବାସିନୀ ଦେବୀ ନାରାୟଣୀ ଙ୍କ ପୀଠ ଠାରୁ ଦେବୀ ତାରାତାରିଣୀ  ପର୍ଯ୍ୟନ୍ତ ପରିବ୍ୟାପ୍ତ | ଏହି ନିର୍ବାଚନ ମଣ୍ଡଳୀ ରେ ଥିବା 44 ଗୋଟି  ପଂଚାୟତ ଓ ଦୁଇ ଗୋଟି ଏନ ଏ ସି ରହିଛି | ତେବେ ଖଲ୍ଲିକୋଟ ନିର୍ବାଚନ ମଣ୍ଡଳୀ ରେ ଖଲ୍ଲିକୋଟ ଜଗନ୍ନାଥ ମନ୍ଦିର, ନିର୍ମଳ ଝର, ଝଡ଼େଶ୍ୱର, ଚିକିଲି ର ଚକା ଠାକୁର ଭଳି ବହୁ ପର୍ଯ୍ୟଟନ ସ୍ଥଳୀ ଥିବା ବେଳେ କେବଳ ନାରାୟଣୀ ଓ ତାରାତାରିଣୀ କୁ ଛାଡି ଦେଲେ ପର୍ଯ୍ୟଟନ ସ୍ଥଳୀ ର ବିକାଶ ହୋଇନି |ଏଣେ ଏହି ନିର୍ବାଚନ ମଣ୍ଡଳୀ 200 ପଖାପାଖି ଜଳସେଚନ ଓ ଉଠା ଜଳସେଚନ ପ୍ରକଳ୍ପ ଗୁଡିକ ଆୟକଟ ବୃଦ୍ଧି ଓ କେନାଲ ର ସମ୍ପ୍ରସାରଣ ଓ ମରାମତୀ ଦୀର୍ଘ ବର୍ଷ ହେଲା ସମ୍ଭବ ହୋଇ ପାରିନି ଫଳରେ କେବଳ ଖରିଫ ଧାନ ଫସଲ କୁ ଛାଡି ଦେଲେ ରବି ରେ ଅଣ ଧାନ ଫସଲ ପାଇଁ ପାଣି ର ଅଭାବ ରହିବା ସହ ହଜାର ହଜାର ଏକର ଜମି ବର୍ଷ ତମାମ ପଡ଼ି ରହିଛି | ଯା ଫଳରେ ବେକାର ଙ୍କ ଜୀବିକା ପାଇଁ ଦାଦନ ଏକ ମାତ୍ର  ପନ୍ଥା ପାଲଟିଛି | ଶିଳ୍ପ ବିହୀନ ଖଲ୍ଲିକୋଟ ରେ କୌଣସି କେନ୍ଦ୍ରୀୟ ଯୋଜନା ନଥିବା ବେଳେ ଦାଦନ ଏକ ମାତ୍ର ଶିଳ୍ପ ପାଲଟିଛି |ଖଲ୍ଲିକୋଟ ରାଜବହାଦୁର ରେଳ ପାଠ ନିର୍ମାଣ ବେଳେ ଛାତ୍ରଗଡ଼ ଠାରୁ ରମ୍ଭା ପର୍ଯ୍ୟନ୍ତ ଜମି ଯୋଗାଇଥିବା ବେଳେ ସର୍ତ୍ତ ଥିଲା ସମସ୍ତ ଦ୍ରୁତ ଗାମୀ ଟ୍ରେନ  ର ରହଣି |ଈତି ମଧ୍ୟ ରେ ନବୀନ ବାବୁ ଙ୍କ ଠାରୁ ଆରମ୍ଭ କରି ବହୁ ସାଂସଦ ଆସିକା ସଂସଦୀୟ କ୍ଷେତ୍ର ରୁ ନିର୍ବାଚିତ ହୋଇଥିଲେ ହେଁ ରେଳ ମନ୍ତ୍ରୀ ଙ୍କୁ କେବଳ ଦରଖାସ୍ତ ପ୍ରଦାନ କରୁଛନ୍ତି | କିନ୍ତୁ ଚାହିଦା ମୁତାବକ  କୌଣସି ଦ୍ରୁତ ଗାମୀ ଟ୍ରେନ ଖଲ୍ଲିକୋଟ ଷ୍ଟେସନ ରେ ରହି ପାରୁନି | ଖଲ୍ଲିକୋଟ _ ଆସିକା ଜାତୀୟ ରାଜପଥ ର ନିର୍ମାଣ ଓ ସମ୍ପ୍ରସାରଣ ହୋଇ ପାରିନି |ଖଲ୍ଲିକୋଟ ନିର୍ବାଚନ ମଣ୍ଡଳୀ ଥିବା ଖଲ୍ଲିକୋଟ ଓ ପୁରୁଷୋତ୍ତମପୁର ବ୍ଲକ ରେ ଚାଲିଥିବା ମେଗା ପାନୀୟ ଜଳ ପ୍ରକଳ୍ପ ଦୀର୍ଘ ବର୍ଷ ଧରି କାର୍ଯ୍ୟକ୍ଷମ ହୋଇ ପାରିନି |ଫଳରେ ଉଭୟ ବ୍ଲକ ବାସି ଶୋଷିଲା ଅଛନ୍ତି | ସେହିପରି ନିର୍ବାଚନ ମଣ୍ଡଳୀ ରେ ସ୍ୱାସ୍ଥ୍ୟ ସେବା ପାଇଁ ଧ୍ୟାନ ଦିଆଯାଇ ପାରିନି | ଖଲ୍ଲିକୋଟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର କୁ ଉପଖଣ୍ଡ ସ୍ତରୀୟ ଡାକ୍ତରଖାନା  କରିବା ପାଇଁ ବହୁ ବର୍ଷ ଧରି ଦାବି ହେଉଥିଲେ ମଧ୍ୟ କୌଣସି ସରକାର ଧ୍ୟାନ ଦେଉ ନାହାନ୍ତି | ଏପରି ସ୍ଥିତି ରେ ଖଲ୍ଲିକୋଟ ନିର୍ବାଚନ ମଣ୍ଡଳୀ   ରେ ରାଜନୈତିକ ପଟ ପରିବର୍ତନ ହୋଇଛି | ପ୍ରଥମ ଥର ପାଇଁ ବିଜେପି ସରକାର ଆସିଥିବା ବେଳେ ନିର୍ବାଚନ ମଣ୍ଡଳୀ ବାସି ଙ୍କ ପାଇଁ ବିକାଶ ଆକାଂକ୍ଷା ବଢ଼ି ଯାଇଛି | ଏପରି ସ୍ଥିତି ରେ ଖଲ୍ଲିକୋଟ ବିଜେପି ରେ ଦୁଇଟି କ୍ଷମତା କେନ୍ଦ୍ର ସୃଷ୍ଟି ହୋଇ  କନ୍ଦଳ ଆରମ୍ଭ ହେବା ସହ ଖଲ୍ଲିକୋଟ ବିକାଶ ପ୍ରତି ଧ୍ୟାନ ର ଅଭାବ ପରିଲକ୍ଷିତ ହୋଇଛି |ଯା ଫଳରେ ଖଲ୍ଲିକୋଟ ନିର୍ବାଚନମଣ୍ଡଳୀ ବିକାଶ ବଦଳରେ ବିନାଶ ଆଡକୁ ମୁହଇଛି | ତେବେ ଗତ ନିର୍ବାଚନ ରେ ଆସନ୍ତୁଷ୍ଟ ବିଜେଡି ନେତା ଓ କର୍ମୀ ମାନେ ବିଜେପି ରେ ଯୋଗ ଦେବା ଫଳରେ ପୁରୁଣା ବିଜେପି ଓ ନୂତନ ବିଜେଡି ନେତା ଓ କର୍ମୀ ମାନଙ୍କ ମଧ୍ୟ ରେ ସହମତି ଅଭାବ ରୁ ଦଳ ରେ ପ୍ରବଳ ମତଭେଦ ଲାଗି ରହିଛି | ବିଜେପି ର ସାଙ୍ଗଠନିକ ନିର୍ବାଚନ ଦଳ ରେ ବିସ୍ଫୋରଣ ଆରମ୍ଭ ହୋଇଛି | ଯା ଫଳରେ ସାଧାରଣ ରେ ବିଜେପି ରେ ଆନ୍ତଃ କନ୍ଦଳ ଲାଗି ରହିଥିବା ବେଳେ ବିଜେଡି ର ଆଗ ଧାଡି ରେ ନେତା ଓ କର୍ମୀ ମାନେ ନୂଆ ମଙ୍ଗୁଆଳ ଖୋଜିବା ରେ ବ୍ୟସ୍ତ |ସେହିପରି ଖଲ୍ଲିକୋଟ ରେ ନେତୃତ୍ୱ ବିହୀନ କଂଗ୍ରେସ ବିରୋଧୀ ଙ୍କୁ ସାମ୍ନା କରିବାକୁ ଅର୍ଥ ଓ ମାନ ବଲ ସଂଗଠନ କୁ ସାଙ୍ଘାତିକ ଭାବେ ମୁମୁର୍ଷୁ କରିଛି |ତେବେ ଖଲ୍ଲିକୋଟ ବାସି ବିଜେପି ଶାସନ ରେ ଭାଗିଦାର ହେବା ଆଶା ଛାଡିବାକୁ ବସିଲେଣି | ( ଫୋଟ )  ରିପୋର୍ଟ : ମାଧବ ବେହେରା, ଖଲ୍ଲିକୋଟ