Odisha Janamata : ପୋଲସରା ନିକଟରେ ସଡ଼କ ଦୁର୍ଘଟଣା ଜଣେ ମୃତ ଦୁଇ ଆହତ |

ପୋଲସରା ନିକଟରେ ସଡ଼କ ଦୁର୍ଘଟଣା ଜଣେ ମୃତ ଦୁଇ ଆହତ |

03-Apr-2025

ସଡ଼କ ଦୁର୍ଘଟଣାରେ ଜଣେ ମୃତ ଦୁଇ ଆହାତ,

ଓଡିଶା ଜନମତ, ପୋଲସରା, ସନ୍ତୋଷ କୁମାର ପଣ୍ଡା, ୦୩/୦୪/୨୫

ପୋଲସରା ଥାନା ସୁନାରି ବୁଗୁଡ଼ା ନିକଟରେ ବାଇକ ଦୁର୍ଘଟଣା ଘଟିଥିବା ବେଳେ ଜଣେ ମୃତ, ଦୁଇ ଆହତ ହୋଇଥିବା ଜଣାପଡିଛି।ମୃତକ ଜଣକ ହେଲେ ପୋଲସରା ବଜାର ସାହିର ଅବସରପ୍ରାପ୍ତ ସରକାରୀ କର୍ମଚାରୀ ରବୀନ୍ଦ୍ର ସାହୁ। ସୂଚନା ମୁତାବକ ସେ ଆଜି ସକାଳ ସମୟରେ ନିଜ ସ୍ତ୍ରୀଙ୍କୁ ନେଇ ପୋଲସରା ନିଜ ଘରୁ ବାହାରି ବୁଗୁଡ଼ା ଅଭିମୁଖେ ଯିବା ସମୟରେ ସୁନାରି ବୁଗୁଡ଼ା ହଜ ଠାରେ ଆଗପଟରୁ ଏକ ବାଇକ୍ ଆସି ତାଙ୍କ ବାଇକକୁ ଧକ୍କା ଦେଇଥିଲା। ଉଭୟ ବାଇକ୍ ଧକ୍କା ଦେବା ଫଳରେ ରବିନ୍ଦ୍ର ଓ ତାଙ୍କ ସ୍ତ୍ରୀ ରାସ୍ତା ଉପରେ କଚାଡି ହୋଇ ପଡ଼ିଥିଲେ। ରବିନ୍ଦ୍ରଙ୍କ ମୁଣ୍ଡ ସହିତ ବିଭିନ୍ନ ଜାଗାରେ ଗଭୀର ଆଘାତ ଲାଗିଥିଲା। ସ୍ଥାନୀୟ ଲୋକଙ୍କ ସହଯୋଗରେ ଆମ୍ବୁଲାନ୍ସରେ ପୋଲସରା ମେଡିକାଲକୁ ପଠାଯାଇଥିଲା।ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ଏହି ଘଟଣାରେ ତାଙ୍କ ସ୍ତ୍ରୀ ଙ୍କୁ ଆଘାତ ଲାଗିବା ସହିତ ଅନ୍ୟ ଗାଡିର ଯୁବକଙ୍କୁ ମଧ୍ଯ ସାମାନ୍ୟ ଆହାତ ଲାଗିଥିଲା। ଖବର ପାଇ ପୋଲସରା ଥାନା ପୋଲିସ୍ ମେଡିକାଲରେ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ପଠାଇ ଏକ ଅପମୃତ୍ୟୁ ମାମଲା ରୁଜୁ କରି ଦୁଇ ଜଣଙ୍କୁ ଅଟକ ରଖି ତଦନ୍ତ ଚଳାଇଛି।