Odisha Janamata : ବିଲ ରେ ଆଉ ଦେଖିବାକୁ ମିଳୁନାହିଁ ବିଲ କଙ୍କଡା |

ବିଲ ରେ ଆଉ ଦେଖିବାକୁ ମିଳୁନାହିଁ ବିଲ କଙ୍କଡା |

09-Oct-2025

ଆଉ ଦେଖିବାକୁ ମିଳୁନାହିଁ ବିଲ କଙ୍କଡ଼ା |

ଓଡିଶା ଜନ ମତ ବ୍ୟୁରୋ,

ଏଇ କିଛି ବର୍ଷ ପୂର୍ବେ ଧାନ ବିଲରେ ବେଉସା ବେଳେ ଓ ଧାନ କଟା ସମୟରେ ଛୋଟ, ଛୋଟ ବିଲ କଙ୍କଡା ଦେଖିବାକୁ ମିଳୁଥିଲା | ବେଉସା ପାଈଁ କିମ୍ବା ଧାନ କଟା ପାଈଁ ଯାଇଥିବା ମହିଳା ମାନେ ସେମାନଙ୍କ ପରିବାର ର ଛୋଟ ପିଲାମାନଙ୍କ ନିମନ୍ତେ ଗୋଟେ ଦୁଇଟି ଧରି ଆସିଥାନ୍ତି, ପିଲାମାନେ ତାକୁ ଧରି ବହୁତ ଖୁସି ହୁଅନ୍ତି | ତାର ଲମ୍ବା, ଲମ୍ବା ଗୋଡ଼ରେ ସେ ଯେତେବେଳେ ଡଗ, ଡଗ ହୋଇ ଚାଲିଯାଏ ସେତେବେଳେ ପିଲାମାନେ ଅନ୍ୟ ପିଲାଙ୍କୁ ହେଇଟି କଙ୍କଡା ପଲେଇ ଗଲା ବୋଲି ବଡ଼ ପାଟିରେ ଡ଼ାକ ଦେଇ ତାକୁ ଧରି ନିଅନ୍ତି | କିନ୍ତୁ ଆଜି ତାହା ବିଲୁପ୍ତ ପ୍ରାୟ | ଏହାର କାରଣ ହେଲା ପାଣିପାଗ ବିଗୁଡ଼ୁଛି ପରିବେଶ ସନ୍ତୁଳନ, ବଢୁଥିବା ଜନସଂଖ୍ୟା ଅନୁପାତରେ ଫସଲ ଉତ୍ପାଦନ କରିବାକୁ ଜମିରେ ମାତ୍ରାଧିକ ରାସାୟନିକ ସାର ବ୍ୟବହାର କରାଯାଉଛି । ଏହାର ପରିଣାମ ଭୟାବହ ହେଲାଣି । ମୃର୍ତ୍ତିକାରେ ଅମ୍ଳତା ବଢିବା ସାଙ୍ଗକୁ ଚାଷ ଜମି ଉର୍ବରତା ହରାଉଛି । କେବଳ ଏତିକି ନୁହେଁ ଜମିର ଜୈବ ବିବିଧତା, ପରିସଂସ୍ଥା ମଧ୍ୟ ପ୍ରଭାବିତ ହେଉଛି । ବର୍ଷାଦିନେ ପ୍ରଚୁର ମାତ୍ରାରେ ମିଳୁଥିବା ବିଲ କଙ୍କଡ଼ା ଏବଂ ଦେଶୀ ଚୁନା ମାଛ ବିଲୁପ୍ତ ଅବସ୍ଥାକୁ ଆସିଗଲେଣି । ଗତ ଦୁଇଦଶନ୍ଧି ମଧ୍ୟରେ କଙ୍କଡ଼ା ଓ ମାଛ ପ୍ରାୟ ୯୦ ପ୍ରତିଶତ ହ୍ରାସ ପାଇଥିବା କହିଛନ୍ତି ଜିଲ୍ଲାର ଚାଷୀ । ପୁରୁଷୋତ୍ତମପୁର ବ୍ଲକର ଅଧିକାଂଶ ଜମିରେ ଅମ୍ଳତା ପରିମାଣ ୭୦ ପ୍ରତିଶତ ଟପିଛି । ଏହାର ପ୍ରମୁଖ – କାରଣ ଜୈବିକ ସାର ପରିବର୍ତ୍ତେ ମାତ୍ରାଧୂକ ରାସାୟନିକ ସାର ଏବଂ କୀଟନାଶକର ବ୍ୟବହାର ବୋଲି କୁହାଯାଉଛି । ଚାଷରେ ଅତ୍ୟାଧୁନିକ ବୈଷୟିକ ଜ୍ଞାନକୌଶଳର ବ୍ୟବହାର ମଧ୍ୟ – ଏହାର ଆଉ ଏକ କାରଣ ବୋଲି କୁହାଯାଉଛି । ଚାଷୀଙ୍କ କହିବା କଥା, ଜମିରେ ଊଠୁଥିବା - ଅନାବନା ଘାସକୁ ହାତରେ ବାଛିବା କମିଗଲାଣି । ଘାସମରା ଔଷଧରେ ଘାସ ମୂଳୋତ୍ପାଟନ– କରାଯାଉଛି । ଏହା ଯଦିଓ ସାମୟିକ ସମ ସମସ୍ୟାର ସମାଧାନ କରିଦେଉଛି । ହେଲେ ଏହାର ପାର୍ଶ୍ବ ପ୍ରତିକ୍ରିୟା ଦେଖୁବାକୁ ମିଳିଲାଣି । ଘାସମରା ଔଷଧ ଚାଷୀଙ୍କ ବନ୍ଧୁ କୁହାଯାଉଥିବା ଜିଆବଂଶକୁ ଲୋପ କରିବାକୁ ବସିଲାଣି । ଦିନ ଥୁଲା ଧାନ ବିଲରୁ ପ୍ରଚୁର କଙ୍କଡ଼ା, ମାଗୁର,ବାହାର ,ଗଡ଼ିଶା, ଭଳି ଭଳିକି ଭଳି ଚୁନାମାଛ ମିଳୁଥିଲା । ବର୍ଷାଦିନେ ନଦୀନାଳର ପାଣି ଉଛୁଳି ଜମିରେ ମାଡ଼ୁଥିଲ । ମାଛ ଓ କଙ୍କଡ଼ା ବଂଶ ବିସ୍ତାର କରୁଥିଲେ । ଏବେ ଏହା ବିରଳ ହେଲାଣି । । ସମସ୍ୟା ସମ୍ପର୍କରେ ବ୍ଲକର ଅଗ୍ରଣୀ ଚାଷୀ ହରିଶ ମହାନ୍ତି କୁହନ୍ତି, ଗୋମହିଷାଦି ପ୍ରାଣୀ ସମ୍ପ ସମ୍ପଦ ହ୍ରାସ ପାଇବା ଫଳରେ ଜୈବିକ ସାର ଯୋଗାଡ଼ କରିବା କଷ୍ଟକର ହେଉଛି । ଗୋବର ଖତ ଟ୍ରାକ୍ଟର ର ପିଛା ୩୦୦୦ ଟଙ୍କା ଖର୍ଚ୍ଚ କରିବାକୁ ପଡୁଛି । ବର୍ଷକୁ ବର୍ଷ ସାର ବ୍ୟବହାର ପରିମାଣ ବଢ଼ିବାରେ ଲାଗିଛି । ୨୦ ବର୍ଷ ପୂର୍ବେ ଖରିଫ ଚାଷ ସମୟରେ ବିଲରୁ ପ୍ରଚୁର କଙ୍କଡ଼ା, ମାଛ ମିଳୁଥିଲେ । ଏହା ଏବେ ଦେଖୁବାକୁ ସ୍ଵପ୍ନ ହେଲାଣି । ପୂର୍ବରୁ ଜମିରେ ହିଡ଼ ଚଉଡ଼ା ୪ରୁ ୫ଫୁଟ ରହୁଥିଲା । ଦୁଇ ଜଣ ସହଜରେ ଚାଲି ଚାଲି ଯାଇ ପାରୁଥିଲେ । ଅତ୍ୟାଧୁନିକ କୃଷି ଯନ୍ତ୍ରପାତିର ବ୍ୟବହାର ଫଳରେ ହିଡ଼ ଚଉଡ଼ା - ୧ ଫୁଟ୍‌ରେ ପହଞ୍ଚିଲାଣି । ତେଣୁ ସଂକୀର୍ଣ୍ଣହିଡ଼ ତଳେ ମାଛ, କଙ୍କଡ଼ା ବଂଶବିସ୍ତାର କରିପାରୁନାହାନ୍ତି । ସରକାର ଜୈବିକ କୃଷିକୁ ଗୁରୁତ୍ବ ଦେଉଛନ୍ତି । ଜମି ଉର୍ବରତା ଫେରାଇ ଆଣିବାକୁ ବିଭିନ୍ନପ୍ରକାର କୃଷି ବୈଜ୍ଞନିକ ମାନଙ୍କ ସହ କଥା ହୋଇ ନୁଆଁ, ନୁଆଁ ବ୍ୟବସ୍ତା କରୁଛନ୍ତି | କିନ୍ତୁ ସେତେବେଳ କୁ ଏହି ସବୁ ପ୍ରଜାତି ମାନେ ଲୋପ ହୋଇ ସାରିଥିବେ | ଯେପରି ଘର ଚଟିଆ, ଶାଗୁଣା ବଂଶ କମିଯାଇଛନ୍ତି |