Odisha Janamata : ରଥ ସାହିରେ ଚାଲିଥିବା ମାଆ ଗଜଲକ୍ଷ୍ମୀ ଙ୍କ ଭଷାଣି ଉତ୍ସବ ଅନୁଷ୍ଠିତ ||

ରଥ ସାହିରେ ଚାଲିଥିବା ମାଆ ଗଜଲକ୍ଷ୍ମୀ ଙ୍କ ଭଷାଣି ଉତ୍ସବ ଅନୁଷ୍ଠିତ ||

16-Oct-2025

ଦୀର୍ଘ 11 ଦିନ ପରେ ମାଆ ଲକ୍ଷ୍ମୀଙ୍କୁ ବିଦାୟ ଦେଲେ ସହର ବାସୀ,

ଓଡିଶା ଜନମତ ବ୍ୟୁରୋ,

ପୁରୁଷୋତ୍ତମପୁର ରଥ ସାହିରେ ଦୀର୍ଘ ଏଗାର ଦିନ ଧରି ଚାଲିଥିବା ମାଆ ଗଜଲକ୍ଷ୍ମୀ ଙ୍କ ପୂଜା, ହୋମ ଦିକାର୍ଯ୍ୟ ପରେ ଆଜି ମାଆଙ୍କୁ ବିଦାୟ ଦିଆ ଯାଇଛି | ସବୁବର୍ଷ ତିନି ଦିନରୁ ପାଞ୍ଚ ଦିନ ପୂଜା ହେଉ ଥିଲା ବେଳେ ଏହିବର୍ଷ ମାଆଙ୍କ ପଚାଶ ବର୍ଷ ପୂର୍ତ୍ତି ହୋଇ ଥିବାରୁ ପୂଜା କମିଟି, ପୁରୋହିତ, ଓ ରଥ ସାହି ବାସିନ୍ଦା ଙ୍କ ସହ ପୂଜା କାର୍ଯ୍ୟରେ ସାହାଯ୍ୟ ଓସହ ଯୋଗ କରୁଥିବା ବ୍ୟକ୍ତି ବିଶେଷ ଙ୍କ ମତ ନିଆ ଯାଇ ଏଗାର ଦିନ ପୂଜା କରାଯାଇ ଥିଲା | ତେବେ ଏଗାର ଦିନ ଶେଷ ପରେ ବାଜା ବାଜଣା, ପାଟ, ପାଟୁଆର ରେ ପୁରୁଷୋତ୍ତମପୁର ସହର ପରିଭ୍ରମଣ କରି ମାଆ ଗଜ ଲକ୍ଷ୍ମୀଙ୍କୁ ବିଦାୟ ଦିଆଯାଇଛି | ପୁଣି ଆରବର୍ଷକୁ ଅପେକ୍ଷା!| ତେବେ ଭସାଣି ଉତ୍ସବବେଳେ ଆନନ୍ଦ, ଉତ୍ସାହ, ଭକ୍ତି ମୟ ପରିବେଶରେ ସମଗ୍ର ସହର ପ୍ରକମ୍ପିତହୋଇପଡି ଥିବା ବେଳେ ସହର ସାରା ଲୋକାରଣ୍ୟ ହୋଇଥିଲା।
ପୁରୁଷୋତ୍ତମପୁର ସହର ରେ ରଥ ସାହି ଗଜଲକ୍ଷ୍ମୀ ପୂଜା ଭସାଣି ସମୟରେ ଏକ ନିଆରା ପରମ୍ପରା ପାଳନ କରାଯାଉଛି । ତାହାହେଲା ମାଆ ଙ୍କ ଭସାଣି ବେଳେ ରଥ ସାହି ରେ ଥିବା ଜଗନ୍ନାଥ ମନ୍ଦିର ଏବଂ ଥାନା ଭିତରେ ଥିବା ଜଗନ୍ନାଥ ମନ୍ଦିରକୁ ଯାଇ ଦାରୁ ବ୍ରହ୍ମ ଙ୍କୁ ଦର୍ଶନ କରି ଲକ୍ଷ୍ମୀ ନାରାୟଣଙ୍କ ଭେଟହେବା ସହ ମହା ଆଳତି ହୋଇଥାଏ | ଏହାକୁ ଦେଖି ଭକ୍ର ମାନେ ଭାବ ବିହ୍ଵଳ ହୋଇ ମାଆଙ୍କ ପାଖରେ ନତମସ୍ତକ ତଥା ଦୁଇହାତ ଉପରକୁ ଟେକି ତାଙ୍କର ଆଶୀର୍ବାଦ ଭିକ୍ଷା କରିଥିଲେ | ବହୁ ଯୁବକ ମାନେ ମାଆଙ୍କ ଫଟୋ ଉଠାଇମୋବାଇଲ ରେ ସାଇତି ରଖି ଥିଲେ | ସମସ୍ତେ ଦୁଃଖ ର ସହିତ ମାଆଙ୍କୁ ବିଦାୟ ଦେଇଛନ୍ତି, ପୁଣି ଆରବର୍ଷ କୁ ଅପେକ୍ଷା |