Odisha Janamata : ଆସନ୍ତା କାଲି ଦୀପାବଳୀ ମାତିଦୀପ ତିଆରିଏବଂ ବିକ୍ରି କରିବାରେ ବ୍ୟସ୍ତ କୁମ୍ଭକାର ପରିବାର |

ଆସନ୍ତା କାଲି ଦୀପାବଳୀ ମାତିଦୀପ ତିଆରିଏବଂ ବିକ୍ରି କରିବାରେ ବ୍ୟସ୍ତ କୁମ୍ଭକାର ପରିବାର |

19-Oct-2025

ଦୀପ ପ୍ରସ୍ତୁତିରେ କୁମ୍ଭକାର,କାଲିକିଦେବ ଦୀପାବଳି ଉତ୍ସବ,

ଓଡିଶା ଜନ ମତ ବ୍ୟୁରୋ,

ରାତି ପାହିଲେ ଆଲୋକ ର ପର୍ବ ଦୀପାବଳି | ଦୀପ ଦେବତା ଙ୍କ ପାଖେ ଜାଳି ନିଜର ଏବଂ ପରିବାର ସହିତ ଜଗତର ମଙ୍ଗଳ ପାଈଁ ଦେବୀ ଏବଂ ଦେବ ସ୍ଥଳୀରେ ଦୀପ ଲଗାଯାଉଛି | ଏଥିପାଇଁ ଏକ ମାସ ପୂର୍ବରୁ ବିଭନ୍ନ ଜିଲ୍ଲା ଓ ବ୍ଲକରେ ଦୀପ ତିଆରି ପାଈଁ ଲାଗି ପଡ଼ିଥାନ୍ତି କୁମ୍ଭକାର ପରିବାର ମାନେ | ମାଟି ଆଣିବା ଠାରୁ ଦୀପ ତିଆରି କରି ତାକୁ ନିଆଁରେ ପୋଡି, ସଫାକରି ବଜାର ରେ ବିକ୍ରି କରିବା ପାଈଁ ସମସ୍ତେ ତତ୍ପର ଥାଆନ୍ତି | ଦୀପାବଳି ଅମାବାସ୍ୟା ପାଇଁ ମାଟି ଦୀପ ଜଳିବା ବିଧୂ ରହିଛି । ମାଟିଦୀପ ପ୍ରସ୍ତୁତି କୁମ୍ଭକାର ମାନେ କରିଥାନ୍ତି । କୁମ୍ଭକାର ମାନେ ଏକ ମାସ ପୂର୍ବରୁ ହଜାର ହଜାର ଦୀପ ପ୍ରସ୍ତୁତି କରିଛନ୍ତି । ଦୀପ ଆଖୁକୁ ସତେଜ କରିବା ସହ ପରିବେଶକୁ ଦୂଷିତ କରେନାହିଁ ।ଚିକିଟା ମାଟି ବାଲି ମିଶ୍ରଣ କରାଯାଇ ମାଟିକୁ ଭଲଭାବେ ଚକଟା ଯାଇ ଗୁଳା କରାଯାଏ । ପରେ ଛୋଟ ଛୋଟ ଗୁଳା କରି ହାତରେ କଞ୍ଚା ଦୀପ ପ୍ରସ୍ତୁତି
କରାଯାଇଥାଏ । ତାକୁ ଛାଇ ଓ ପବନରେ କିଛିଦିନ ଶୁଖାଯାଏ । ଦୀପ ଶୁଖୁଗଲା ପରେ ଭାଟିରେ ସାଇଜ କରି ରଖାଯାଏ । ଉପରେ ଓ ତଳେ ଝୋଟିକାଠ ଜଳାଇ ପୋଡାଯାଏ । ଥଣ୍ଡା ହେବା ପରେ ଦୀପକୁ କଢାଯାଇଥାଏ ଏହାପରେ ବିକ୍ରି କରିବା ପାଇଁ ବ୍ଯବସାୟି ମାନେ ଭାଟିରୁ କିଣିନେଇଥାନ୍ତି । ବିଶେଷକରି ଦୀପ ପ୍ରସ୍ତୁତିରେ କୁମ୍ଭକାର ଘରର ମହିଳା ମାନେ ମୁଖ୍ୟତଃ ଏହି କାର୍ଯ୍ୟ କରିଥାନ୍ତି । ଆଧୁନିକ ଯୁଗରେ ଫ୍ୟାନିସ ଦୀପ, ଚାଇନା ଦୀପ, ଇଲେକ୍ଟ୍ରି ଦୀପ ବ୍ୟବହାର ବୃଦ୍ଧି ଯୋଗୁ ମାଟିଦୀପ ର ଚାହିଦା କ ମି ବାରେ ଲାଗିଛି । କିନ୍ତୁ ଠାକୁରଙ୍କ ପାଖରେ ମାଟି ଦୀପ ଜଳିବା ବିଧାନ ରହିଛି ।ଏବଂ ତାହା ଏବେବି କାର୍ଯ୍ୟକାରୀ ହେଉଛି | ସରକାର ଏହି କୁମ୍ଭକାର ପରିବାର କୁ ଆର୍ଥିକ ପ୍ରୋତ୍ସାହନ ଯୋଗାଇଦେଲେ କୁମ୍ଭକାର ଙ୍କ କାରିଗରୀ କାର୍ଯ୍ୟ ସରଳ ଓ ସହଜ ହୋଇ ପାରନ୍ତା ବୋଲି ବୁଦ୍ଧିଜୀବୀ ମାନେ ମତ ଦେଇଛନ୍ତି |