Odisha Janamata : ଚନ୍ଦ୍ର ଭାଗା ରେ ଲକ୍ଷା ଧିକ ଶ୍ରଦ୍ଧାଳୁ ବୁଡ଼ ପକାଇଲେ |

ଚନ୍ଦ୍ର ଭାଗା ରେ ଲକ୍ଷା ଧିକ ଶ୍ରଦ୍ଧାଳୁ ବୁଡ଼ ପକାଇଲେ |

25-Jan-2026

ଲକ୍ଷାଧିକ ଶ୍ରଦ୍ଧାଳୁଙ୍କଚନ୍ଦ୍ର ଭାଗାରେ ଭିଡ,
(ରାତି ୪ଟା୪୧ରେ ତିନି ଠାକୁରଙ୍କ ମହାସ୍ନାନ,

ଓଡିଶା ଜନ ମତ ବ୍ୟୁରୋ,

ରବିବାର ମାଘ ସପ୍ତମୀ ବୁଡ । ଭୋର ୪ଟା୪୧ରୁ ଚନ୍ଦ୍ର ଭାଗା ତୀର୍ଥ ପୁଷ୍କରିଣୀରେ ବୁଡ଼ ପକାଇବା ପାଇଁ ଶନିବାର ଅପରାହ୍ନରୁ ଚନ୍ଦ୍ରଭାଗା ମେଳା ପଡ଼ିଆ ଓ ବେଳାଭୂମିରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଭିଡ ଜମିଥିବା ଦେଖିବାକୁ ମିଳିଛି । ଏହି ଦିନ ଚନ୍ଦ୍ରଭାଗା ତୀର୍ଥରେ ସ୍ନାନ କଲେ ସମସ୍ତ ପାପ କ୍ଷୟ ହୋଇ ମୁକ୍ତି ମିଳିଥାଏ ବୋଲି ଶ୍ରଦ୍ଧାଳୁ ମାନଙ୍କର ବିଶ୍ଵାସ ରହିଛି। ଦୁରଦୂରାନ୍ତରୁ ଆସିଥିବା ଶ୍ରଦ୍ଧାଳୁ ମାନେ ମେଳାପଡି ଆରେବାଉଁଶ କଣି ଓ ପାଲ ପକାଇ ଛୋଟ ଛୋଟ କୁଡ଼ିଆରେ ବିଶ୍ରାମ ନେଉଛନ୍ତି। ମାଟି ହାଣ୍ଡିରେ ଭାତ, ଡାଲମା, ରୋଷେଇରେ ଚାରିଆଡ଼େ ବାସ୍ନା ଚହଟିବାରେ ଲାଗିଛି । ରୋଷେଇ ସାରି କୁଡ଼ିଆରେ ଶୁଭ ମୁହୂର୍ତ୍ତକୁ ଅପେକ୍ଷା କରି ରହି ଛନ୍ତି ଶ୍ରଦ୍ଧାଳୁ ମାନେ। ଶ୍ରୀ ଶ୍ରୀତ୍ରିବେଣୀ ଶ୍ୱର ଇଷାଣେଶ୍ବର, ଦକ୍ଷିଣେଶ୍ବର ଦେବଙ୍କ ଚଳନ୍ତି ପ୍ରତିମା ସ୍ନାନ ପରେ ଅପେକ୍ଷାରତ ଶ୍ରଦ୍ଧାଳୁ ତୀର୍ଥ ଜଳରେ ବୁଡ଼ ପକାଇବେ । ମେଳାପଡିଆ ବ୍ୟାରିକେଡ଼ ଯୋଗୁଁ ଆବଦ୍ଧ ହୋଇଥିବାରୁ ଶ୍ରଦ୍ଧାଳୁମାନେ ନିରାଶ ହୋଇଥିଲେ । ସଂଧ୍ୟାରେ ତୀର୍ଥ ପୁଷ୍କରିଣୀ ଠାରୁ ୩କିମି ଦୂରରେ ପୁରୀ ଓ ଭୁବନେଶ୍ଵର ଆଡୁ ଆସୁଥିବା ସମସ୍ତ ଯାନବାହାନ ପାକିଂ ଫଳରେ ଶ୍ରଦ୍ଧାଳୁ ମାନେ ଅସନ୍ତୋଷ ପ୍ରକାଶ କରିଥିଲେ । ମେଳାପଡିଆରେ ସାସ୍ଥ୍ୟ ସେବା ଶିବିର, ଅସ୍ଥାୟୀ ଶୈଚାଳୟ, ପାନୀୟ ଜଳ, ନିରବଚ୍ଛିନ୍ନ ବିଦ୍ୟୁତ ଯୋଗାଣ, ବିଭିନ୍ନ ଅନୁଷ୍ଠାନ ଓ ସୂଚନା ପ୍ରସାରଣ ବିଭାଗ ପକ୍ଷରୁ ଶନିବାର ସାରା ରାତି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇ ଥିଲା । ଶାନ୍ତି ଶୃଙ୍ଖଳା ନିମନ୍ତେ କୋଣାର୍କ ଓ ଚନ୍ଦ୍ରଭାଗାରେ ୩୪ ପ୍ଲାଟୁନ ଫୋର୍ସ, ୩ଶହ ସେଛାସେବୀ ନିୟୋଜିତ ହୋଇଛନ୍ତି। ପରେ ଆଜି ସକାଳେ ଲକ୍ଷ ଲକ୍ଷ ଲୋକ ସ୍ନାନ, ପରେ ପ୍ରଭୁ ସୂର୍ଯ୍ୟ ନାରାୟଣ ଙ୍କୁ ଦର୍ଶନ କରି ତାଙ୍କର ଅପାର କରୁଣା ଲାଭ କରିଥିଲେ |ଓ ତିନି ଠାକୁରଙ୍କୁ ଦର୍ଶନ କରିବ୍ରହ୍ମଣ ଙ୍କୁ ଅର୍ଣ୍ଣ, ବସ୍ତ୍ର, କଂସା ଦାନ କରିଥିଲେ |ଏବଂ ପରେ ମାଟି ହାଣ୍ଡିରେ କ୍ଷୀରିକରିଖାଇ ହାଣ୍ଡି ଭାଙ୍ଗି ଥିଲେ | ସବୁ ପରେ ଜଗତର ନାଥ ଜାଗନ୍ନାଥ ଙ୍କୁ ଦର୍ଶନ କରିବା ପାଈଁ ପୁରୀ ଯାଇଥିଲେ |