Odisha Janamata : ବାହାଘର ପାଇଁ କନ୍ୟା ଘର ଗାଁ କୁ ଯାଇ ବରଯାତ୍ରୀ ଙ୍କ ଉନ୍ମତ କାଣ୍ଡ |

ବାହାଘର ପାଇଁ କନ୍ୟା ଘର ଗାଁ କୁ ଯାଇ ବରଯାତ୍ରୀ ଙ୍କ ଉନ୍ମତ କାଣ୍ଡ |

27-Feb-2026

ବାହାଘର ପାଇଁ କନ୍ୟା ଘରକୁ ଯାଇ କନ୍ୟାଘର ଗାଁରେ ବରଯାତ୍ରୀଙ୍କ ତୁମୁଳ କାଣ୍ଡ।,

ଓଡିଶା ଜନ ମତ ବ୍ୟୁରୋ,,
ବେଳେ ବେଳେ ବାହାଘର ପାଇଁ ବର ସହିତ ଯାଉଥିବା ବରଯାତ୍ରୀ ମାନଙ୍କ ଦୌରାତ୍ମ୍ୟ ଯୋଗୁଁ ବହୁତ ଅଘ ଟନ ଘଟୁଥିବାର ଶୁଣା ଯାଉଛି | ଏପରି ଏକ କାଣ୍ଡ କାରନାମା ଘଟିଛି ହିନ୍ଦୋଳ ବ୍ଳକ୍ ରାସୋଳ ଥାନା ଈଶ୍ବରାପାଳ ମୁଗପାଟଣା ସାହିରେ ବରଯାତ୍ରୀଙ୍କର ତୁମୁଳକାଣ୍ଡ ଦେଖ‌ିବାକୁ ମିଳିଛି। ସୂଚନା ମୁତାବକ ସାନନଡବ ଗ୍ରାମର ଅମୂଲ୍ୟ ନାଏକଙ୍କ ପୁତ୍ର ଅଜୟ ନାଏକ ଈଶ୍ବରାପାଳ ମୁଗପାଟଣା ସାହିର ପୂର୍ଣ୍ଣଚନ୍ଦ୍ର ନାଏକଙ୍କ କନ୍ୟା ଆରତୀ ନାଏକଙ୍କୁ ବିବାହ କରିବାକୁ ବୁଧବାର ଅପରାହ୍ନରେ କନ୍ୟା ଗାଁରେ ବରଯାତ୍ରୀ ଶୋଭାଯାତ୍ରା କରିବା ସମୟରେ ତୁମୁଳକାଣ୍ଡ ଘଟିଥିଲା । କନ୍ୟାଘର ଗାଁ ଲୋକ ଏବଂ ବରଯାତ୍ରୀଙ୍କ ମଧ୍ୟରେ କୌଣସି କାରଣକୁ ନେଇ ପ୍ରଥମେ ବଚସା ହୋଇଥିଲା। ପରେ ଏହା ଭୀଷଣ ଗଣ୍ଡଗୋଳର ରୂପ ନେଇଥିବାବେଳେ ବରଯାତ୍ରୀ ଆଣିଥିବା ବସ୍ ଭଙ୍ଗାରୁଜା ହୋଇଥିଲା। ଗଣ୍ଡଗୋଳକୁ ଦେଖି କନ୍ୟାଙ୍କ ପିତା ପୂର୍ଣଚନ୍ଦ୍ର ପୋଲିସକୁ ଜଣାଇବାରେ ରାସୋଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। କିନ୍ତୁ ବଡ଼ ଦୁଃଖର ବିଷୟ କି ପୋଲିସର ଉପସ୍ଥିତିରେ ଜଣେ ଯୁବକଙ୍କୁ କାର ଭିତରୁ ଟାଣିନେଇ ଦଳି ପକାଇଥିଲେ। ଗଣ୍ଡଗୋଳରେ ଉଭୟ ପକ୍ଷରୁ ପ୍ରାୟ ୫ ଜଣ ଆହତ ହୋଇଥିବା ଜଣାପଡିଛି। ତେବେ ବାହାଘରରେ ଏପରି ଗଣ୍ଡଗୋଳକୁ ନେଇ ସାଧାରଣରେ ଦୃଢ଼ ନିନ୍ଦା କରାଯିବା ସହ ଘଟଣାର ତଦନ୍ତ କରାଯାଇ ସଂପୃକ୍ତ ଦୋଷୀ ମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି।