Odisha Janamata : ଖଲ୍ଲିକୋଟ ବ୍ରଜରାଜ ପୁର ଗ୍ରାମ ନିକଟରେ ବଜ୍ରପାତ ଘଟି ଜଣେ ମହିଳା ମୃତ ଓ ଜଣେ ମହିଳା ଆହତ |

ଖଲ୍ଲିକୋଟ ବ୍ରଜରାଜ ପୁର ଗ୍ରାମ ନିକଟରେ ବଜ୍ରପାତ ଘଟି ଜଣେ ମହିଳା ମୃତ ଓ ଜଣେ ମହିଳା ଆହତ |

21-Sep-2025

ବ୍ରଜରାଜପୁର ଗ୍ରାମ ନିକଟରେ ବଜ୍ରାଘାତ ଘଟି ଜଣେ ମହିଳା ମୃତ ଓ ଅନ୍ୟ ଜଣେ ମହିଳା ଗୁରୁତର ଆହତ,

ଓଡିଶା ଜନ ମତ, ଖଲ୍ଲିକୋଟ, ପ୍ରଶାନ୍ କୁମାର ମିଶ୍ର,

ବ୍ରଜରାଜପୁର ଗ୍ରାମ ନିକଟରେ ବଜ୍ରାଘାତ ଘଟି ଆଜି ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ମହିଳା ଗୁରୁତର ଆହତ ହୋଇଥିବା ସୂଚନା ମିଳିଛି । ମୃତ ମହିଳା ଜଣଙ୍କ ଖଲ୍ଲିକୋଟ ଥାନା ମଥୁରା ପଞ୍ଚାୟତ ଭରସା ନୂଆଁପଲ୍ଲୀ ଗ୍ରାମର ଚନ୍ଦ୍ରମା ଗୌଡ ଓ ଗୁରୁତର ଆହତ ମହିଳା ଜଣଙ୍କ ଉର୍ମିଳା ଗୌଡ ବୋଲି ଜଣା ପଡିଛି । ମିଳିଥିବା ସୂଚନା ଅନୁଯାୟୀ ଆଜି ଦିନ ପ୍ରାୟ ସାଢ଼େ ଗୋଟାଏ ସମୟରେ ଚନ୍ଦ୍ରମା ଗୌଡ ଓ ଉର୍ମିଳା ଗୌଡ ବ୍ରଜରାଜପୁର ଗ୍ରାମ ନିକଟରେ ଥିବା ବିଲରେ କାମ କରୁଥିବା ସମୟରେ ହଠାତ ବଜ୍ରାଘାତ ହୋଇଥିଲା । ଯାହା ଫଳରେ ଚନ୍ଦ୍ରମା ଗୌଡ ଓ ଉର୍ମିଳା ଗୌଡ ଗୁରୁତର ଆହତ ହୋଇଥିଲେ । ତୁରନ୍ତ ଦୁହିଁଙ୍କୁ ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଥିଲା । ସେଠାରେ ଚନ୍ଦ୍ରମା ଗୌଡଙ୍କୁ ଡାକ୍ତର ମୃତ ଘୋଷଣା କରିଥିଲେ । ମୃତ୍ୟୁ ଖବର ଶୁଣି ମେଡ଼ିକାଲ ପରିସରରେ ଏକ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିବା ବେଳେ ଉର୍ମିଳା ଗୌଡଙ୍କ ମେଡ଼ିକାଲରେ ଚିକିତ୍ସା ଚାଲିଥିବା ଦେଖିବାକୁ ମିଳିଛି ।