Odisha Janamata : ପିତାଙ୍କ ବହୁଦିନର ଇଛାକୁ ପୂରଣ କରି ପୁଅବାହାଘର ପରେ ବୋହୂକୁ ହେଲିକେପଟର ରେ ଘରୁକୁ ଆଣିଲା

ପିତାଙ୍କ ବହୁଦିନର ଇଛାକୁ ପୂରଣ କରି ପୁଅବାହାଘର ପରେ ବୋହୂକୁ ହେଲିକେପଟର ରେ ଘରୁକୁ ଆଣିଲା

25-Feb-2026

ବିବାହ ପରେ ହେଲିକପ୍ଟରରେ ଆସିଲା ବୋହୂ, ପିତାଙ୍କ ବହୁ ଦିନର ସ୍ବପ୍ନ ପୂରଣ କଲେ ପୁଅ,

ଓଡିଶା ଜନ ମତ ବ୍ୟୁରୋ,

ବେଳେ ବେଳେ କିଛି ଘଟଣା ଲୋକଙ୍କୁ ଅବାସ୍ତବ ଓ ମିଛ ଭଳି ଲାଗୁଥିବା କଥାଟି ପ୍ରକୃତରେ ସତ ହୋଉଥାଏ | ଆଉ ଏପରି କିଛି ପୁଅ ଝିଅ ମାନେ ଅଛନ୍ତି ସେମାନେ ବାପା ମାଆଙ୍କ ଇଛାକୁ ପୂରଣ କରିଥାନ୍ତି | ସେଇଭଳି ଏକ ଏକ ବିଶ୍ୱାସନୀୟ କାହାଣୀ ଦେଖିବାକୁ ମିଳିଛି ହରିୟାଣା ନୁହ ଜିଲ୍ଲାର ତାୱଡୁରେ | ଗତ କାଲି ଏକ ନିଆରା ବିବାହ ଉତ୍ସବ ଦେଖୁବାକୁ ମିଳିଛି । ସେଠାରେ ଜଣେ ଝିଅ ବିବାହ ପରେ ହେଲିକପ୍ଟରରେ ଶାଶୂଘର ଅଭିମୁଖେ ବିଦା ହୋଇଛନ୍ତି।ହେଲିକପ୍ଟରଟି ତାୱଡୁର ଅନାଜମଣ୍ଡି ପରିସରରେ ଓହ୍ଲାଇବା ପରେ ତାକୁ ଦେଖୁବାକୁ ଆଖପାଖ ଗାଁର ଶତାଧିକ ଲୋକ ଜମା ହୋଇଯାଇଥିଲେ।କିଛି ଲୋକ ହେଲିକପ୍ଟର ସହ ଫଟୋ ଉଠାଇଥିଲେ। ସୁରକ୍ଷାକୁ ଦୃଷ୍ଟିରେ ରଖ୍ ସେଠାରେ ପୁଲିସ ବ୍ୟବସ୍ଥା ସହ ଅଗ୍ନିଶମ ବିଭାଗର ଟିମ୍ ମଧ୍ଯ ମୁତୟନ ହୋଇଥିଲା ।ସୂଚନା ଅନୁସାରେ, ଗୁରୁଗ୍ରାମ କାଦରପୁର ନିବାସୀ ରୋହିତ ଡାଗରଙ୍କ ବିବାହ ତାୱଡୁର ଜଟୱାଡା ମୋହଲ୍ଲା ବାସିନ୍ଦା ଦେବେନ୍ଦ୍ରଙ୍କ କନ୍ୟା ସତୀଙ୍କ ସହ ସ୍ଥିର ହୋଇଥିଲା । ସେଥିଲାଗି ଗତକାଲି ବରଯାତ୍ରୀ ଦଳ ଜଟୱାଡାରୁ ମୋହଲ୍ଲା ପହଞ୍ଚିଥିଲେ। ସେଠାରେ ବିବାହ ସଂପନ୍ନ ହେବା ପରେ ଦ୍ବିପ୍ରହରରେ କନ୍ୟା ହେଲିକପ୍ଟରରେ ଶାଶୂଘର ଅଭିମୁଖେ ବିଦା ହୋଇଥିଲେ। ବର ରୋହିତ ଡାଗର କହିଛନ୍ତି, ବିବାହ ପରେ ବୋହୂ ହେଲିକପ୍ଟରରେ ତାଙ୍କ ଘରକୁ ଆସୁ ବୋଲି ପିତାଙ୍କରଦୀର୍ଘ ଦିନର ଇଚ୍ଛା ଥିଲା । ସେହି ସପ୍ନ ପୂରଣ ଲାଗି ଜୀବନ ସାଥୀଙ୍କୁ ହେଲିକପ୍‌ଟରରେ ଆଣିବାକୁ ସେ ନିଷ୍ପରି ନେଇଥିଲେ। ହେଲିକପ୍ଟରରେ ଦମ୍ପତିଙ୍କ ସହ ରୋହିତଙ୍କ ଦାଦା ଏବଂ ଭିଣୋଇ ମଧ୍ୟ ଯାତ୍ରା କରିଥିଲେ । ଏହି ରୋମାଞ୍ଚକର ମୂହୂର୍ଭ ତାଙ୍କୁ ସବୁବେଳେମନେ ରହିବ ବୋଲି ରୋହିତ କହିଛନ୍ତି। ସତୀ ମଧ୍ୟ ହେଲିକପ୍ଟରରେ ବିଦା ହେବା ଯୋଗୁ ଖୁସି ପ୍ରକାଶ କରିଛନ୍ତି। ସେ କହିଛନ୍ତି, ଏଭଳି ଶ୍ଵଶୁର ଘର ମିଳିଥିବାରୁ ସେ ନିଜକୁ ଭାଗ୍ୟଶାଳୀ ଅନୁଭବ କରୁଛନ୍ତି। ଶ୍ୱଶୁର ଘର ଲୋକଙ୍କ ଚିନ୍ତାଧାରା ତାଙ୍କୁ ଅଭିଭୂତ କରିଦେଇଛି ।