Odisha Janamata : ଫାଶୀ ପଡା ବିଦ୍ୟାଳୟ ର ବାର୍ଷିକ ଉତ୍ସବ ଓ କ୍ରୀଡା ମହୋତ୍ସବ ପାଳିତ |

ଫାଶୀ ପଡା ବିଦ୍ୟାଳୟ ର ବାର୍ଷିକ ଉତ୍ସବ ଓ କ୍ରୀଡା ମହୋତ୍ସବ ପାଳିତ |

19-Feb-2025

ଆଛୁଲି ଫାଶିପଡ଼I ବିଦ୍ୟାଳୟ ପକ୍ଷରୁ ବାର୍ଷିକ ଉତ୍ସବ ଓ କ୍ରୀଡ଼ା ମହୋତ୍ସବ ପାଳିତ

ଖଲ୍ଲିକୋଟ ବ୍ଲକ୍ ଦାନପୁର କ୍ଳଷ୍ଟର ଅର୍ନ୍ତଗତ ଆଛୁଲି ଫାଶିପଡ଼I ବିଦ୍ୟାଳୟ ତରଫରୁ ବାର୍ଷିକ ଉତ୍ସବ ଓ କ୍ରୀଡ଼ା ମହୋତ୍ସବ ଆନୁଷ୍ଠାନିକ ରୀତିରେ ପାଳିତ ହୋଇଯାଇଛି I ଏହି କାର୍ଯ୍ୟକ୍ରମକୁ ସର୍ବପ୍ରଥମେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ଝାଡେଶ୍ୱର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ନୀଳକଣ୍ଠ ମହାରଣା ପ୍ରଦୀପ ପ୍ରଜ୍ଜ୍ୱଳନ କରି ଶୁଭୋଦ୍ଘାଟନ କରିଥିଲେ l ତତ୍ ପରେ ବିଦ୍ୟାଳୟର ସହକାରୀ ଶିକ୍ଷକ ମିଥୁନ ଭୂୟଁI ଏବଂ ବିଜୟ ତ୍ରିପାଠୀ ମଞ୍ଚ ପରିଚାଳନା କରିଥିଲେ I ବିଦ୍ୟାଳୟର ପ୍ରଧାନ ଶିକ୍ଷକ ଶିବ ପ୍ରସାଦ ଶବର ଉତ୍ସବର ଶୁଭାରମ୍ଭ ସହିତ ଅଭିଭାଷଣ ପ୍ରଦାନ କରିଥିଲେ । ଶିକ୍ଷକ ଦିଲୀପ ସାହୁ ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ I ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ବରିଷ୍ଠ ଶିକ୍ଷକ ହୀନ ନାହାକ ଯୋଗଦେଇ ବାର୍ଷିକ ଉତ୍ସବ ଆୟୋଜନର ଅସଲ ଲକ୍ଷ୍ୟ ଆଭିମୁଖ୍ୟ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ I ଦାନପୁର କ୍ଳଷ୍ଟରର ସିଆରସିସି ପ୍ରଶାନ୍ତ କୁମାର ସେଠୀ ଛାତ୍ରଛାତ୍ରୀମାନଙ୍କ ସୃଜନଶୀଳତା, ଦକ୍ଷତା ପ୍ରତି ଗୁରୁତ୍ବ ପ୍ରଦାନ ସହିତ ସେମାନଙ୍କ ଅନ୍ତର୍ନିହିତ ଗୁଣାବଳୀର ବିକାଶ ଘଟିଲେ ଶିକ୍ଷାର ବିକାଶ ସମ୍ଭବ ହେବ ବୋଲି ଅଭିହିତ କରିଥିଲେ । ଆଜିର ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ସହ ମଞ୍ଚାସୀନ ଅତିଥିବୃନ୍ଦ ନିଜର ଅଭିଜ୍ଞତାରୁ ପିଲାଙ୍କୁ ନୀତି ଶିକ୍ଷା ଦେଇ ଥିଲେ I ବିଦ୍ୟାଳୟ ପରିଚାଳନା କମିଟି ସଭାପତି ଚିତ୍ରସେନ ପାଳ ଶିକ୍ଷାର୍ଥୀଙ୍କୁ ପ୍ରୋତ୍ସାହିତ କଲେ, ତାହାର ସୁଫଳ ମିଳିବ ବୋଲି ବକ୍ତବ୍ଯ ପ୍ରଦାନ କରିଥିଲେ । ବିଦ୍ୟାଳୟ ପକ୍ଷରୁ ଆୟୋଜିତ ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତୀଙ୍କୁ ମାନପତ୍ର ସହ ପୁରସ୍କାର ପ୍ରଦାନ କରାଯାଇଥିଲା l ଏହି ଅବସରରେ ବିଦ୍ୟାଳୟରେ ପଠନରତ ଛାତ୍ର ଛାତ୍ରୀମାନଙ୍କ ତରଫରୁ ଏକ ଶିଶୁ ଶ୍ରେଷ୍ଠ ନାଟକ “ ଅଧା ରହିଗଲା ଅଧୁରା ସ୍ଵପ୍ନ” ପରିବେଷିତ ହୋଇଥିଲା , ଯାହା ଅଭିଭାବକ ଦର୍ଶକ ମହଲରେ ବେଶ୍ ଆଦୃତି ଲାଭ କରିଥିଲା । ନାଚ ଗୀତ ଆଦି ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ହୋଇଥିଲା I ଉତ୍ସବରେ ଶିକ୍ଷକ ଦିଲୀପ ସାହୁ, ମିଥୁନ ଭୂୟଁI, ଶିବ ଘଡ଼େଇ , ଏ. ଜଗନ୍ନାଥ ଦୋରା , ପାଣ୍ଡବ ପ୍ରଧାନ, ଶିକ୍ଷୟିତ୍ରୀ ଯଶୋଦା ମଲ୍ଲିକ ,ସଙ୍ଗୀତା ସାହୁଙ୍କ ସମେତ ଦାନପୁର କ୍ଳଷ୍ଟରର ସମସ୍ତ ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ । ବିଦ୍ୟାଳୟର ପ୍ରଧାନଶିକ୍ଷକ ଶିବପ୍ରସାଦ ଶବର ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ I