Odisha Janamata : ବରଗଡ଼ ରେ ବିଶ୍ଵପ୍ରସିଦ୍ଧ ଧନୁଯାତ୍ରା ଆରମ୍ଭ |;

ବରଗଡ଼ ରେ ବିଶ୍ଵପ୍ରସିଦ୍ଧ ଧନୁଯାତ୍ରା ଆରମ୍ଭ |;

04-Jan-2025

ସମ୍ବଲପୁର ରେ ଧନୁ ଯାତ୍ରା,
(ବରଗଡ଼ ପାଲଟିଲା ମଥୁରାନଗରୀ, ଅମ୍ବାପାଲି ହେଲା ଗୋପପୁର |

ଓଡିଶା ଜନମତ ବ୍ୟୁରୋ , ସମ୍ବଲପୁର:ବିଶ୍ୱ ପ୍ରସିଦ୍ଧ ଧନୁ ଯାତ୍ରା ଶୁକ୍ରବାର ଠାରୁ ଆରମ୍ଭ ହୋଇଯାଇଛି । ଧନୁଯାତ୍ରା ମହୋତ୍ସବ ସମିତି ପକ୍ଷରୁ ଆୟୋଜିତ ଏହି ଉତ୍ସବ ଉଦ୍‌ଘାଟନ ହୋଇଛି । ଏଥି ସହିତ ୧୧ ଦିନ ଚାଲିବାକୁ ଥିବା ଧନୁଯାତ୍ରାରେ ମହାରାଜ କଂସ ଙ୍କ ରାଜୁତି ଆରମ୍ଭ ହୋଇଯାଇଛି। ଦ୍ୱାପର ଯୁଗ ରେକୃଷ୍ଣ କରିଥିବା ଲୀଳା ଖେଳାକୁ ଆଧାର କରି ପୌରାଣିକ କଥାବସ୍ତୁ ଉପରେ ବରଗଡ଼କୁ ମୟୂରୀନଗରୀ ଭାବେ ଉପସ୍ଥାପନା କରା ଯାଇଛି।
ସେହିପରି ଅମ୍ବାପାଲି ଗୋପପୁରରେ ପରିଣତ ହୋଇଛି | ଆସନ୍ତା ୧୩ ତାରିଖ ପର୍ଯ୍ୟନ୍ତ କଂସଙ୍କ ଅଟ୍ଟହାସ୍ୟ ଓ ଆଦେଶ ରେ ମଥୁରାନଗରୀ ଥରହରହେବ| ଧନୁଯାତ୍ରା ପାଇଁ ଲୋକଙ୍କ ମନରେ ଉତ୍ସଚ୍ଛା ଦେଖା ଦେଇଛି |

ମହାରାଜ କଂସ ଙ୍କ ପାଇଁ ରାଜଦରବାର ପ୍ରସ୍ତୁତ ହୋଇଛି । ମହାରାଜକଂସଙ୍କ ରାଜମୁକୂଟ ବି ପ୍ରସ୍ତୁତ ହୋଇସାରିଛି । ଏଥିସହ ମହାରାଜାଙ୍କ ହସ୍ତୀ ଓ ମହାମନ୍ତ୍ରୀଙ୍କ ସହ ଅନ୍ୟ ପାରିଷଦଙ୍କ ପାଇଁ ଓଟ ଓ ଘୋଡ଼ାଗାଡ଼ି ଆଦି ସବୁ ସେବାରେ ଲାଗିବାକୁ ପ୍ରସ୍ତୁତ ହୋଇଯାଇଛି । ବରଗଡ଼ବାସୀ ସେହି ଦ୍ବାପର ଯୁଗକୁ ଫେରି ଯାଇଛନ୍ତି କହିଲେ ଅତ୍ୟୁକ୍ତି ହେବ ନାହିଁ । ୮ କିମି ପରିଧୁ ମଧ୍ୟରେ ୩ଟି ଦରବାର (ରାଜଦରକାର, ରଙ୍ଗମହଲ,
ନନ୍ଦରାଜାଙ୍କ ଦରବାର) ଓ ୧୮ଟି ମୁକ୍ତାକାଶ ରଙ୍ଗମଞ୍ଚରେ ବରଗଡ଼ ବିଶ୍ୱପ୍ରସିଦ୍ଧ ଧନୁଯାତ୍ରା ଅଭିନୀତ ହେଉଛି । ଏଥର ଯାତ୍ରୀଙ୍କୁ ଖୁବ ଆକର୍ଷଣୀୟ କରାଯିବାକୁ ନିଷ୍ପତି ହୋଇଛି।

ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରା ଶୁକ୍ରବାର ଠାରୁ ଆରମ୍ଭ ହୋଇଯାଇଛି । ଏଥି ସହିତ ବରଗଡ଼ରେ ମହାରାଜକଂସ ଙ୍କ ଏକାଦଶ ଦିବସୀୟରାଜୁତି ଆରମ୍ଭ ହୋଇଯାଇଛି । ଏଥର ଯାତ୍ରାକୁ ଖୁବ ଆନର୍ଷଣୀୟ କରାଯିବାକୁ ନିଷ୍ପତି ହୋଇଛି । ଧନୁ ଯାତ୍ରା ପାଇଁ ପୁଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡା କଢ଼ି କରାଯାଇଛି । ସବୁ ଜାଗାରେ ପୁଲିସ ଫୋର୍ସ ମୁତୟନ ରହିଛନ୍ତି । ଏହାସହ ସାରା ସହର ସିସିଟିଭି ନଜରରେ ର‌ହିବ ବୋଲି ପ୍ରହଲାଦ ସାହାଲ ମୀନା ସୂଚନା ଦେଇଛନ୍ତି । ଉଦ ଘାଟନୀ ଶୋଭାଯାତ୍ରା ଆରମ୍ଭ ହୋଇଥିଲା। ଏହି ଅବସରରେ ଅତିଥୁ ରୂପେ ସ୍ଥାନୀୟ ସାଂସଦ ପ୍ରତୀପ ପୁରୋହିତ ଓ ବିଧାୟକଗଣ ଉପସ୍ଥିତ ଥିଲେ| ପ୍ରଥମ ଦିନରେ କାମଳୀମନ୍ଦିରଠାରେ ଦେବକୀ, ବସୁଦେବଙ୍କ ବିବାହ, ଦୈକବାଣୀ,ଶ୍ରବଣ ପରେ ଉଗ୍ରସେନଙ୍କୁ ଗାଦିଚ୍ୟୁତ କରି ମହାରାଳ କଂସଙ୍କ ସିଂହାସନ ଆରୋହଣ ଆଦି କାର୍ଯ୍ୟସୂଚୀ ରହିଛି।