Odisha Janamata : ସରସ୍ବତୀ ଶିଶୁ ବିଦ୍ୟା ମନ୍ଦିର ର ସପ୍ତଦଶ ବାର୍ଷିକ ଉତ୍ସବ ଅନୁଷ୍ଠିତ |

ସରସ୍ବତୀ ଶିଶୁ ବିଦ୍ୟା ମନ୍ଦିର ର ସପ୍ତଦଶ ବାର୍ଷିକ ଉତ୍ସବ ଅନୁଷ୍ଠିତ |

06-Feb-2025

ଖଲ୍ଲିକୋଟ: ସରସ୍ୱତୀ ଶିଶୁ ବିଦ୍ୟାମନ୍ଦିରର ସପ୍ତଦଶ ବାର୍ଷିକ ଉତ୍ସବ ଅନୁଷ୍ଠିତ,
(ସୃଜନଶୀଳତା ପ୍ରୋତ୍ସାହନ ହିଁ ଶିକ୍ଷାର୍ଥୀଙ୍କ ଭବିଷ୍ୟତ ଜୀବନ ଗଠନର ମୂଳଭିତ୍ତି |

ଓଡିଶା ଜନମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ଅନ୍ତର୍ଗତ ସାମାଜିକ ସାଂସ୍କୃତିକ ଐତିହାସିକ ପୀଠ ସ୍ଥଳୀ ରୂପେ ସମଗ୍ର ରାଜ୍ୟରେ ସ୍ୱତନ୍ତ୍ର ମାନ୍ୟତା ପ୍ରାପ୍ତ ବିକ୍ରମ ପୁର ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିରର ସପ୍ତଦଶ ବାର୍ଷିକ ଉତ୍ସବ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ପ୍ରଧାନ ଆଚାର୍ଯ୍ୟା ଶ୍ରୀମତୀ ବବିତା କୁମାରୀ ଦାଶ ସର୍ବପ୍ରଥମେ ଅତିଥି ମାନଙ୍କୁ ମଞ୍ଚକୁ ନିମନ୍ତ୍ରିତ କରିଥିଲା ବେଳେ ପରମ ବନ୍ଦନୀୟା ମାଁଙ୍କ ଉଦ୍ଦେଶ୍ୟରେ ଅତିଥିମାନେ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ଦୀପ ମନ୍ତ୍ର, ଶ୍ଳୋକ, ବନ୍ଦନା ଆଦି ପାରମ୍ପରିକ କାର୍ଯ୍ୟ ପରେ ଅତିଥିମାନଙ୍କୁ ଉତ୍ତରୀୟ ସହିତ ସମ୍ବର୍ଦ୍ଧନା କରାଯାଇଥିଲା । ପ୍ରଧାନ ଆଚାର୍ଯ୍ୟା ଶ୍ରୀମତୀ ଦାଶ ଅତିଥିମାନଙ୍କ ପରିଚୟ ପ୍ରଦାନକରିବା ପରେ ବିଦ୍ୟାମନ୍ଦିରର ବାର୍ଷିକ ବିବରଣୀ ପଠନ କରିଥିଲେ । ଶ୍ରୀମତୀ ସମିତା ନାୟକ ଗୁରୁମା ଅମୃତ ବଚନ ପାଠ କରିଥିଲେ । ଆୟୋଜିତ ଉତ୍ସବରେ କନକା କ୍ଲଷ୍ଟରର ସି ଆର୍ ସି ସି ତଥା ଯୁବ ସାହିତ୍ୟିକ ଡକ୍ଟର ଦ୍ବାରିକାନାଥ ମହାରଣା ମୁଖ୍ୟ ଅତିଥି , ପ୍ରାକ୍ତନ ପ୍ରଧାନ ଆଚାର୍ଯ୍ୟ ରଜନୀକାନ୍ତ ମହାପାତ୍ର ମୁଖ୍ୟ ବକ୍ତା, କେଶପୁର କ୍ଲଷ୍ଟରର ସି ଆର୍ ସି ସି ପବନା ସ୍ୱାଇଁ ସମ୍ମାନୀତ ଅତିଥି , ଅନୁଷ୍ଠାନର ସମ୍ପାଦକ ପ୍ରସନ୍ନ କୁମାର ମହାନ୍ତି ସ୍ୱତନ୍ତ୍ର ଅତିଥି ପ୍ରମୁଖ ଯୋଗଦେଇ ମଣିଷ ତିଆରି କାରଖାନା ଗଠନର ଅସଲ ଲକ୍ଷ୍ୟ, କୋମଳ ମତି ଶିଶୁଙ୍କ ସୃଜନଶୀଳତା ପ୍ରତି ଗୁରୁତ୍ବ, ସଂସ୍କାର ମୂଳକ ଶିକ୍ଷା, ରାଷ୍ଟ୍ର ନିର୍ମାଣରେ ଶିଶୁଙ୍କ ମଧ୍ୟରେ ରାଷ୍ଟ୍ରୀୟ ଭାବନା ସୃଷ୍ଟି , ଆଦର ପ୍ରୋତ୍ସାହନ ବଳରେ ଶିକ୍ଷାର୍ଥୀଙ୍କ ଭବିଷ୍ୟତ କିଭଳି ଉଜ୍ଜ୍ୱଳ ହୋଇଥାଏ, ତତ୍ ସମ୍ପର୍କିତ ସାରସ୍ୱତ ବକ୍ତବ୍ୟ ଉପସ୍ଥାପନ କରିଥିଲେ । ମୁଖ୍ୟ ଅତିଥି ଡକ୍ଟର ମହାରଣା ଅନୁଷ୍ଠାନର ଶିକ୍ଷାର୍ଥୀଙ୍କ ଗଳ୍ପ, କବିତା, ଚିତ୍ରକଳା, ଗଣିତ ମଜା, ନୀତିକଥା ଆଦିରେ ପରିପୁଷ୍ଟ ଚଳିତ ବର୍ଷର ମୁଖପତ୍ର "ହାତୀ ପଥର"କୁ ଉନ୍ମୋଚନ କରି ସେମାନଙ୍କ କଞ୍ଚା ହାତର ଶିଳ୍ପକଳା କିଭଳି ଆଗାମୀ ଦିନରେ ଅଧିକରୁ ଅଧିକ ସୃଜନାତ୍ମକ ସୃଷ୍ଟି ପାଇଁ ପ୍ରଭାବିତ କରିବ ବୋଲି ଅଭିହିତ କରିଥିଲେ । ଅନୁଷ୍ଠାନର ସଭାପତି ଭଗବାନ ପ୍ରଧାନ ଉତ୍ସବରେ ଅଧ୍ୟକ୍ଷତା କରିଥିଲେ । କେଶପୁର କ୍ଲଷ୍ଟରର ସି ଆର୍ ସି ସି ପବନା ସ୍ୱାଇଁଙ୍କୁ ସଭାପତି ମାନପତ୍ର ସହିତ ସମ୍ବର୍ଦ୍ଧିତ କରିଥିଲେ । ପୂର୍ବରୁ ଛାତ୍ରଛାତ୍ରୀମାନଙ୍କ ଭିତରେ ହୋଇଥିବା ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ଅତିଥିମାନେ ମାନପତ୍ର,ସିଲ୍ ଦେଇ ସମ୍ମାନୀତ କରିଥିଲେ । ସଂଧ୍ୟାରେ ଅନୁଷ୍ଠାନର ଛାତ୍ରଛାତ୍ରୀମାନେ ଉତ୍ସାହର ସହିତ ନାଚ , ଗୀତ , ଅଭିନୟ ଆଦି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଉତ୍ସବରେ ଅନୁଷ୍ଠାନର ଗୁରୁମା ରଞ୍ଜୁକତା ପ୍ରଧାନ, ଜାନକୀ ମିଶ୍ର, ପୁଷ୍ପିତା ପରିଡ଼ା, ରିଙ୍କି ସେଠୀ, ବିଷ୍ଣୁ ବେହେରା, ବିନତି ପଣ୍ଡା ପ୍ରମୁଖ ଉତ୍ସବ ପରିଚାଳନାରେ ସମ୍ପୂର୍ଣ୍ଣ ସହଯୋଗ କରିଥିଲେ । ଅନୁଷ୍ଠାନର କୋଷାଧ୍ୟକ୍ଷ ମନ୍ମଥ କୁମାର ପଣ୍ଡାଙ୍କ ସମେତ ପଠନରତ ଛାତ୍ର ଛାତ୍ରୀଙ୍କ ଅଭିଭାବକ ଅଭିଭାବିକା, ଶିକ୍ଷାବିତ୍ ବୁଦ୍ଧିଜୀବୀ ଅଞ୍ଚଳବାସୀ ଉତ୍ସାହୀ ଯୁବ ଗୋଷ୍ଠୀ ଉପସ୍ଥିତ ଥିଲେ ।