Odisha Janamata : ନିଲା ବାଡ଼ି ସ୍କୁଲ ରେ ନିପୁଣ ଓଡିଶା ମେଳା ଅନୁଷ୍ଠିତ |

ନିଲା ବାଡ଼ି ସ୍କୁଲ ରେ ନିପୁଣ ଓଡିଶା ମେଳା ଅନୁଷ୍ଠିତ |

13-Feb-2025

କ୍ଲଷ୍ଟର ସ୍ତରୀୟ ନିପୁଣ ଓଡ଼ିଶା ମେଳା ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ବନ୍ଧୁଗାଁ ତା ୧୨/୨/୨୫ ବନ୍ଧୁଗାଁ ବ୍ଲକ ର ନିଲାବାଡି ସରକାରୀ ଉଚ୍ଚ ବିଦ୍ୟାଳୟ ପରିସରରେ ନିଲାବାଡି କ୍ଲଷ୍ଟର ସ୍ତରୀୟ ନିପୁଣ ଓଡ଼ିଶା ମେଳା ଅନୁଷ୍ଠିତ ହୋଇଯାଇଛି। ସିଆରସିସି କେ ପ୍ରତାପ କୁମାର ତତ୍ତ୍ଵାବଧାନ ଓ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ଜଗାନା ମେଲେକା ଯୋଗଦେଇ ଆନୁଷ୍ଠାନିକ ଭାବେ ଜଗତର ନାଥ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିଥିଲେ। ସମ୍ମାନିତ ଅତିଥି ଭାବେ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସୌଦାମିନୀ ନାୟକ ଯୋଗ ଦେଇ ଥିବା ବେଳେ କ୍ଲଷ୍ଟରର ସମସ୍ତ ବିଦ୍ୟାଳୟ ରୁ ଶିକ୍ଷକ ଶିକ୍ଷୟତ୍ରୀ ଯଥା ବି ଶ୍ରୀନିବାସ ରେଡି , ଜେ ଶ୍ରୀନିବାସ, ଆଲୋକ ସାହୁ, ସଂଗ୍ରାମ କେଶରୀ ମଲିକ, ଗୁଜୁ ପାକିରୁ, ସୁନୀତା ମାଝି, ଲକ୍ଷ୍ମୀପ୍ରିୟା ସୁବୁଦ୍ଧି, କେ ଈଶ୍ୱର ଦରା, ପ୍ରମୋଦ କୁମାର ପ୍ରଧାନ, ଅଜୟ ଦାସ, ଜି ନିରୋଜ କୁମାରୀ, ସୁଦର୍ଶନ କଣ୍ଡାଗୋରୀ, ସନ୍ତୋଷ ସାହୁ, ଓ କେ ପୁରୁଷୋତ୍ତମ ଉପସ୍ଥିତ ରହି ନିପୁଣ ଓଡ଼ିଶା ମେଳାର ଉଦେଶ୍ୟ ଓ ମହତ୍ତ୍ଵ ସମ୍ପର୍କରେ ସୁଚନା ପ୍ରଦାନ କରି ଥିଲେ। ଏହି ନିପୁଣ ଓଡ଼ିଶା ମେଳାରେ ଉପସ୍ଥିତ ଛାତ୍ରଛାତ୍ରୀ,ଶିକ୍ଷକ ଶିକ୍ଷୟତ୍ରୀ ଓ ଅବିଭାବକ ମିଳିତ ଭାବେ ଶପଥ ପାଠ କରାଯିବା ସହିତ ଛାତ୍ରଛାତ୍ରୀ ମାନଙ୍କ ଦ୍ୱାରା ସୁନ୍ଦର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହା ପରେ ମେଳାରେ ମୌଳିକ ସାକ୍ଷରତା, ମୌଳିକ ସଂଖ୍ୟା ଜ୍ଞାନ, ସ୍ୱଜନଶିଳତା ଭଳି ଷ୍ଟଲ ଗୁଡ଼ିକରେ ଛାତ୍ରଛାତ୍ରୀ ୮୨ ଟି କାରୁକାର୍ଯ୍ୟ ପ୍ରଦର୍ଶନ କରି ଥିଲେ। ଏହି ମେଳା ରେ ସମସ୍ତ ବିଦ୍ୟାଳୟର ପରିଚାଳନା କମିଟି ସଦସ୍ୟ ଓ ଅବିଭାବକ ମାନେ ରହି ସହଯୋଗ କରିଥିଲେ।