Odisha Janamata : ପୋଲସରା କଳମ୍ବ ପଞ୍ଚାୟତ ରେ ମଣ୍ଡଳ ସ୍ତରୀୟ ଆର ଏସ ଏସ ଶତ ବାର୍ଷିକୀ ଉଦଘାଟନ ଉତ୍ସବ ଅନୁଷ୍ଠିତ |

ପୋଲସରା କଳମ୍ବ ପଞ୍ଚାୟତ ରେ ମଣ୍ଡଳ ସ୍ତରୀୟ ଆର ଏସ ଏସ ଶତ ବାର୍ଷିକୀ ଉଦଘାଟନ ଉତ୍ସବ ଅନୁଷ୍ଠିତ |

29-Sep-2025

କଳମ୍ବରେ ମଣ୍ଡଳସ୍ତରୀୟ ଆରଏସଏସ ଶତବାର୍ଷିକୀ ଉଦଘାଟନ ଉତ୍ସବ,

ଓଡ଼ିଶା ଜନମତ,ପୋଲସରା,ସନ୍ତୋଷ କୁମାର ପଣ୍ଡା
ତା.୨୯/୦୯/୨୦୨୫:

ଗଂଜାମ ଜିଲ୍ଲା ପୋଲସରା ବ୍ଲକର କଳମ୍ୱ ଗ୍ରାମଠାରେ ଆରଏସଏସ ମଣ୍ଡଳସ୍ତରୀୟ ବିଜୟା ଦଶମୀ ଶତବାର୍ଷିକ ଉଦଘାଟନ ଉତ୍ସବ ପାଳିତ ହୋଇଯାଇଛି। ସ୍ଥାନୀୟ ଗ୍ରାମ୍ୟ ପରିଷଦ ଭବନ ଠାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବିଶିଷ୍ଠ କବି ତଥା ଶିକ୍ଷାବିତ୍ ବୃନ୍ଦାବନ ପ୍ରଧାନ ଏବଂ ମୁଖ୍ୟବକ୍ତା ଭାବେ ଗଂଜାମ, ଗଜପତି,ଘୁମୁସର ଓ କନ୍ଧମାଳକୁ ମିଶାଇ ୪ ଜିଲ୍ଲା ଆରଏସଏସ ଜିଲ୍ଲା ପ୍ରଚାରକ ବିଜୟ କୁମାର ସାମଲ ପ୍ରମୁଖ ଯୋଗଦେଇ ସଂଘର ଶହେ ବର୍ଷର ଯାତ୍ରାରେ ସଂଘର ବିଭିନ୍ନ ରାଷ୍ଟ୍ରୀୟ କାର୍ଯ୍ୟ ଉପରେ କହିଥିଲେ। ସୂଚନା ଯୋଗ୍ୟଯେ ୧୯୨୫ ମସିହା ବିଜୟା ଦଶମୀ ଦିନ ଆରଏସଏସ ସ୍ଥାପନ ହୋଇଥିବାରୁ ଚଳିତ ବିଜୟା ଦଶମୀରେ ଶହେ ବର୍ଷ ପୂର୍ତ୍ତୀ ହେବାକୁ ଯାଉଥିବା ପରିପ୍ରେକ୍ଷୀରେ ଆଗାମୀ ୨୦୨୬ ମସିହା ବିଜୟା ଦଶମୀ ପର୍ଯ୍ୟନ୍ତ ସଂଘ ପକ୍ଷରୁ ଷଷ୍ଠ ରାଷ୍ଟ୍ରୀୟ ସଂଘ ସ°ଚାଳକ ମୋହନ ଭାଗବତଜୀଙ୍କ ନେତୃତ୍ୱରେ ସମଗ୍ର ଦେଶ ଏଵଂ ବିଦେଶରେ ଥିବା ସଂଘ ଶାଖାପକ୍ଷରୁ
ବିଭିନ୍ନ କାର୍ଯ୍ୟକ୍ରମ କରାଯିବ।ଏହି କ୍ରମରେ ବ୍ଲକର ପ୍ରଥମକରି ଗତ ୨୭ ତାରିଖ ଶନିବାର ଦିନ ସଂଘର ପୋଲସରା ଠାରେ ଏହି ଉତ୍ସବର ଉଦଘାଟନ କାର୍ଯ୍ୟକ୍ରମ ସମ୍ପନ୍ନ ହୋଇଯାଇଥିବାବେଳେ ଦ୍ୱିତୀୟ ପର୍ଯ୍ୟାୟରେ କଳମ୍ୱ ଠାରେ ମଣ୍ଡଳସ୍ତରୀୟ ଉଦଘାଟନ କାର୍ଯ୍ୟକ୍ରମ କରାଯାଇଥିଲା। ଘୁମୁସର ଜିଲ୍ଲା ମହାବିଦ୍ୟାଳୟ ସହ ପ୍ରମୁଖ ମନୋଜ କୁମାର ସାହୁଙ୍କ ପରିଚାଳନାରେ ମଣ୍ଡଳ ଅର୍ନ୍ତଗତ କଳମ୍ୱ ସଂଘର ମୁଖ୍ୟ କାଳୁ ଚରଣ ପ୍ରଧାନ, ଜକର ସଂଘର ମୁଖ୍ୟ ଜାମୀନିକାନ୍ତ ନାୟକ, କରତାଳି ସଂଘର ମୁଖ୍ୟ ଲୋକନାଥ ନାୟକ, କୃଷ୍ଣଚନ୍ଦ୍ର ପ୍ରଧାନ, ସନ୍ତୋଷ କୁମାର ପାଢୀ, ଶିବରାମ ଜେନା, ପ୍ରଶାନ୍ତ କୁମାର ପ୍ରଧାନ,ନିକୁଞ୍ଜ କୁମାର ସାହୁଙ୍କ ସମେତ ଅନେକ ସ୍ଵଂୟସେବକ ମାନେ ଉପସ୍ଥିତ ରହି ସହଯୋଗ କରିଥିଲେ। କାର୍ଯ୍ୟକ୍ରମ ପ୍ରାରମ୍ଭରେ ସଂଘ ନିୟମ ପ୍ରକାରେ ଭାରତମାତା ସଂଘ ପ୍ରତିଷ୍ଠାତା ହେଡ଼ଗେୱାର ସ°ଚାଳକ ଓ ଗୋବଲକରଙ୍କ ଫଟୋଚିତ୍ରରେ ପୁଷ୍ପମାଲ୍ୟାର୍ପଣ ସହ ପ୍ରଦୀପ ପ୍ରଜ୍ବଳନ ଏଵଂ ଧ୍ୱଜା ଉତ୍ତୋଳନ, ପ୍ରାର୍ଥନା କରାଯିବାପରେ ସ୍ଵଂୟସେବକମାନଙ୍କ ଦ୍ଵାରା ପ୍ରାଣାୟମ ପ୍ରଦର୍ଶନ କରାଯାଇଥିଲା। କାର୍ଯ୍ୟକ୍ରମରେ ଗ୍ରାମର ବହୁ ସଂଖ୍ୟାରେ ବୁଦ୍ଧିଜୀବୀ ଓ ସଚେତନ ନାଗରିକମାନେ ଯୋଗଦେଇଥିବାର ଦେଖିବାକୁ ମିଳିଥିଲା।